لا حُوّت لا فول لا صِيّر ..لا شوربة قرآقيّر .. لا كِسرة لا فطيّر .. يا ربنا المُجيّر ..في جنبك نستجيّر "حليلك يا البشيّر... "فيديو"

الشعبِ قام يسيّر
في الشارع ليهو هدير
الليلة وين تطير؟
حليلك يا البشير
عامل أسد شِريّر
في الفارغة ليهو هدير
وفي الرقص مالو نظيّر
عامل جعيص وخطير
لآمن وقع في البير
الشعب زي السيل
في الشارع ليهو هدير
ويطالب بالتغيير
الليلة وين تطير؟
حليلك يا البشير
الشعب صبر كتيّر
لا موية فوق الزير
جفت في المواسير
وقفتو البوابير
وشردتو المناصير
يا نافخين الكير
ليكم يوماً عسيّر
الليلة ويّن تطيّر؟
حليلك يا البشير
حال العِباد خطيّر
ما بيحمل التأخيّر
مِلآريا وبواسيّر
التايفُد والصِفِيّر
صِبح العِلآج عسيّر
حال المدارس شيّن
لا كنبة لا طبشيّر
وحال المواطن شيّن
لا حُوّت لا فول لا صِيّر
لا شوربة قرآقيّر
لا كِسرة لا فطيّر
يا ربنا المُجيّر
في جنبك نستجيّر
من حُكماً جد عسيّر
في راسو عُمر بشيّر
وبقيّة ناس الطير
ناس نافع الحقير
وشيخ علي الخبير
في سوق المواسير
وكرتي العامل وزير
للشحدة فرّ يطيّر
والعالم النِحريّر
عصام ود البشير
وأمين حسن الثقيل
نهبوا البلد والخير
الليلة وين تطيّر؟
يا عمر البشير
يا شعبنا الأمير
رجال الباسابير
الباوقة والجِويّر
الدآمر والعِشيّر
تنقاسي والقُرير
ما ترُقدُوا في السرير
الظُلم صِبِح كتير
ولا بُد من التغيير
حُكماً ما فيهو خيّر
عسرلنا اليسيّر
ضيّق علي الخُلُوّق
وسمك البحر والطير
والقُمري والحِميّر
والجِن والزرآزيّر
يا الله يا قديّر
بقُدرتك يطيّر
ما يفضل فيهو وزيّر
لا امن لا مُشيّر
مولانا يا قدير
يا عالي يا كبير
يا جابر الكسير
دبرنا يا بصير
بي أحسن.. التدبير
انصرنا يا نصير
يسر لنا العسير
وطيرلنا البشير

معاوية المدير... سودانيزاولاين

غناء سعدولي / الجزء الاول

https://www.youtube.com/watch?feature=player_embedded&v=fvWJ8X-CdY8

الجزء الثاني

https://www.youtube.com/watch?feature=player_embedded&v=TDIP_DNioSk#

» ربنا بالجمال خاصيها قولوا لي شنو الما فيها ؟؟ فيديو
» فيديو الزلزلة : والي الخرطوم بعد ما كشف حال البنت فإنه يحذر من جعل صورة النظام أكثر ظلاما "فيديو"ً
» وليد العشى عاوز يفرح عبركم
» لمزيد من التعارف وربط الأعضاء إجتماعياً (إختياري) (فكرة الأخت إيمان بندي)
» ربنا محرشهم علينا