" من كل حتة لقطة"

ونبدأ بزغب الحواصل ديل في
"وين عهدك ياظالم وخوتنا الحبيبة وعشرتنا اللطالت ما ليك حق تسيبا "

https://www.youtube.com/watch?v=uw1JY8v6uAk

ماذا تقول لأفراخٍ بذي مرخٍ
زغبُ الحواصلِ لا ماءٌ ولا شجرُ

غادرْتَ كاسبَهم في قعر مُظلمة
فارحم هداك مليكُ الناس يا عمرُ

أنت الإمامُ الذي من بعد صاحبه
ألقى إليك مقاليدَ النُّهى البشرُ

لم يؤثروك بها إذ قدّموك لها
لكن لأنفسهم كانت بك الأثرُ

من رسالة الحطيئة لسيدنا عمر

طالع الشجرة

ابليس همس لأبوك
ما أروع الثمرة !!
كان النتيجة ضياع .. لا موية لا مطرا
لا منقة لا عُشرا
سياسة التحرير .. بيع الذمم وشرا
للبنك للشيطان .. البصمة بالعشرا
اتخصخص المشروع واتشردوا الفقرا
هابيل كتل قابيل .. اتمكن الفجرا
واستوطن التمساح .. حربويا والصبرا
*****
قول الإله واضح .. لا تقربا الشجرة
مليانة جور وفساد .. من راسا لقعرا
فلتصحى يا آدم .. كفاك شوك وشرا
انت الدوام قدام .. ليه ترضى تبقى ورا ؟!
ديل شبعوا بحقك وخلوك للجوع والعرا
لا زول غشاك طرا.. لاخافوا فيك ربك
لا جرح دابو برا
يا طالع الشجرة.. يا انت كيف ترى ؟!
بعد الحصل وجرى.. هل طامعا في ضل ؟!
هل طامعا في ضرا ؟!
***
فلتصحى يا آدم .. كفاكَ جوع وعِرَا
إنتَ الدوام قدَّام.. كيف ترضى تبقى ورا
20 سنة في دربك.. 20 سنة في كُربَك
20 سنة في حربك.. ديل مصُّـوا دم قلبك
ما خافوا فيك ربك!.. يا إنتَ ما ذنبك؟
ليه تاني تتشربك..
عاين هناك دارفور:
ديل أجهضوا الأٌمات.. شوف الاراضي البور
ديل للزرع آفات.. مصنع حديد وبذور
أصبح عضام ورفات.. خريج زراعة وطب
بتوظفـو الركشات.. السمبر .. الزرزور
فارقنا عدى وفات… عربات حساب وبنوك
من وين قروشم جات؟.. بالفهلوة التزوير
تأويلم الآيات.. أصبحتَ إنتَ فقيرْ
هم أصبحوا (الراحات)..
***
فلتصحى يا آدم.. الليلة حوبتك جات
لا يلدغ المؤمن.. من الحجر مرات
قول الإله واضح.. لا تقربا الشجرة
مليانة جور وفساد.. من راسا لي قعرا
***
يا طالع الشجرة.. يا أنتَ كيفَ ترى؟
ما شفت في التلفاز.. الفار بلع بقرة
وفي شارع الانقاذ.. دبابة ساكة مَرَة
تحت العمامة (الباز).. جوَّة الغرف “تقَرَة”
والمنطق الحجاز .. بين موسى والسحرة
ميِّز براك أحكم.. من أينّ جاكَ شرا؟
***
آدم شليلك وين.. الختفو مين وجرى؟
غنمايتك التحلب.. مين الكسر ظهرا
أينَ المُـسوَّر الضاع.. قطنك دخن ودرة
ليه إنت ولدك صاع.. كيفن وليدو قرا؟
الغتست حجرك.. غتس أخوي حجرا
لو قالوا: “هي لله”.. أو غسلت شعرا
ممسوخة كضابة.. الدين زمااان كبَرَا
هم قالوا دا شيوعي.. شاعر بهيم وسرى
روح أسأل النجرا.. شيخاً وضع حجرا
***
ياطالع الشجرة.. يا أنت كيف ترى؟
بعد الحصل وجرى.. هل طامعاً في ظل
هل طامعاً في ضرا..

(AbdinList)
(( القصيدة منقولة من بوست كوستاوي/سودانيزاولاين))

ما قلت ليكم زغب حواصل
شوفو اللقطه هنا فهي ثلاثية الابعاد
غنا الاطفال
والشاعر الإسمو "بادي أبو شلوخ جدودنا زمان"
وانا امدرمان كانت لقطة لحالا

https://www.youtube.com/watch?v=QrWiKg8wn_g&feature=related

والاغنية الاختاروها "أنا ما إتغيرت وما إتنكرت ليك
ما نسيت الريدة وما ضنيت عليك" غنتها ثنائي النغم

https://www.youtube.com/watch?v=m8B-tz7_AaE&NR=1

الثنائيات عرفناها في مجالات عديدة
وامكن يصعب حصرها
لكن الثنائي الجديد دا الله لا حضرنا زمنو

" من كل حتة لقطة" 99183472

ثنائيات أثرت الوجدان وبما لا يقاس
إرتبطت بأعمال عمقت من التنوع
ان لم نقل رعته وهدهدته بحنية ودفء
وكانت الأجواء مفعمة بالحب والمودة
فما جاد به اسماعيل حسن ومحمد وردي يفوق الوصف
وهناك برعي محمد دفع الله وعبد العزيز داؤود
محمد يوسف موسى وصلاح بن البادية
فما الذي حدث بالظبط ؟؟

ديل البنيات "زغب الحواصل"
وتقدم جيد في المنافسة على النجومية
ومن أجدر بالنجومية في هذا البلد خلاف الذين يعون ويرعون هذا التراث الثر البديع ؟؟
ومزيد من التقدم فاطمة وصابرين بت الحصاحيصا

» لقطة اليوم - يوم الوقفة في سوق الحصاحيصا
» لقطة اليوم - فيضان النيل
» لقطة اليوم - نوم القليلولة في الجامع الكبير بالحصاحيصا
» لقطة الرحلة مستند اتهام ضد واحد توجد صورة نادرة)
» شاهد لقطة من محاكمة لاشجع سوداني حكم عليه بالاعدام ونفذ بعد لحظات من النطق (يوجد فيديو) بالحكم