أغاني بعذوبة الموية "فيديو هات"

يوم الخميس الفات وفي برنامج بابكر صديق "نجوم الغد" لفتت إنتباهي أغنية يقول مطلعها
سامحني
سامحني
سامحني وما تغضب علييّ
وهبت حبك كل أيامي الهنية
وقلبي راضي راجي مستني الهدية
وحسب إفادة بابكر صديق فالاغنية كتبها الدكتور عباس الزين عمارة
ولحنـها برعي محمد دفع الله عشان يغنيـها عبد العزيز داؤود
وبعد 10 سنوات قال برعي غير رايو واداها لأحمد الجابري
دكتور درديري قال اللحن من الألحان المعقدة جداً وبرع فيهو برعي وبشكل غير مسبوق
في الرابط دا غنتها متسابقة اسمها هاجر محمد عبد الله
ودكتور درديري بعد سمعا قال ليـها " أمشي لكن المرة الجاية لو جيتي بأقل من دي بديك صفر"
وياريت أخونا عبد المنعم سيد أحمد يزودنا بتسجيل للاغنية بصوت الجابري

https://www.youtube.com/watch?v=6dH_dxzPWHY&feature=player_embedded#!

وبمناسبة برعي فكثير ما نذكر معزوفته "ملتقى النيلين"


https://www.youtube.com/watch?v=r6-V0sDsSwc&feature=channel_video_title

في نفس الحلقة أتيحت الفرصة لمتسابق من شندي اسمو أحمد محمد الأمين
غنى "للفطن الوسيم" ب"النورمال" كلمات محمد بشير عتيق وألحان محمود فلاح

https://www.youtube.com/watch?v=OEN2lYZTyPY

العزيزة - هذه الاغنية من اجمل الاغاني والمغني صاحب الاغنية هو فتحي حسين حيث
ترك الغناء مبكرا وتصوف ولو استمر في الغناء لكان نجما كبيرا
وقد تعرض الشاعر صاحب الاغنية للمسالة ايام مايو حيث ورد المقطع الاتي(ماكنتي بهجتا بي روائع قوس قزح ولا ما طلانا من بعد فرح ). حيث ان رجال الامن قالوا هذا البيت يهجو فيه
ثورة مايو





العزيزة الما بتسأل عن ظروفنا
الوحيدة الطال عشان جيتك وقوفنا
العزيزة الما بتسأل عن ظروفنا
الوحيدة الما بتحاول يوم تشوفنا
المواعيد لسة حزنانة بتنادي
والأماسي بتبكي في أسى ما إعتيادي
ما كنتي بهجتا براوئع قوس قزح
والله ما طلانا من بعدك فرح
سلميلنا على ضفايرك موجة موجة وكلميها
قولي ليها حرام تتوه فيها المواسم ونحنا بالجد نشتهيها،
سلميلنا على عيونك يوم تسهي تغروديها
ويبقو تفاحتين خدودك بس خدودك وين شبيها،
سلميلنا علي يدينك وشملة الريد أنسجيها
سلميلنا علي خطاكي عزة العاملة ومشيها
والله أحضانك بلد يا حلوة ما تنسينا فيها