من اسي الحاضر يحدث الغائب
واضح الكلام دا ولا ما واضح ؟
مافي أي داعي للبياخة
شدة مافي "ممنوع" بقرار قسري
والقوانين القسرية تخص ناس القصور فقط
من أجل السلامة والراحة للرعاة
والعولمة إقتضت إراحة الرعاة وتوفير سبل أمانهم في الحل والترحال
حتى لو كان على حساب الرعية ؟؟
شنو يعني لمن تجهجه شوية ؟؟
بإختصار حتى الوزرا ممنوع يشدو المايباختين
يعني ما يجي مندور ولا الشايل كورتو يقول عازم ليهو واحد دائر المايباخ يجيبو بيها من المطار
والمايباخ حا تستعمل في حالات القصر الطارئة وللرئيس فقط "إلا إذا كان الرئيس مبسوط منك"
وبجانب الرئيس ممكن "يشدها" نوابه الزي واحد كستر وحداشر ملعقة
الوزراء والمعتمدين يمسكو قوي في اللاندكروزرات
أما المعتمدين فيشدوا حيلن شوية ويبقوا نجاض زي ناس محلية الكاملين الفرضو رسوم علي "سبيل" الموية
والله العظيم شهرين تلاتة شارع مدني الخرطوم يبقى كلو مايباخات لكن الكاملين حا تعدم السبيل
وهو السبيلات دي لزوما شنو ؟؟
في داعي تسوي ليك سبيل في الشارع ؟؟
دائر تسوي ليك سبيل ما تسوي جوة بيتك
ياخي في ناس سوت بنوك عديل كدة داخل بيوتن خلي زير سبيل
ما سمعتو بحكاية الحرامية الكسرو بنك الزير الداخل بيتو بتاع مرتو السابعة
أها في عملات قدر دي تقدر تختها في بيت لو ما عملت ليك فيهو بنك ؟؟
طيب لو الشوارع كلها مليتوها بتوابير وزيرة السبيلات أها المايباخ دي تطير ؟؟
ما يباخي تطير عيشتنا نحن البقينا في "هولة" لا طلاق ولا عيشة معدولة
موضوع: باركوا لينا دخلنا علي ناس "مرسيدس مايباخ" وإشترينا سيارتين لقصرنا الجمهوري "عقبالكم" توجد صور 
الخميس 3 نوفمبر 2011 - 12:02
