ياورقة فسر لينا الفات واشرح لينا القاعد هسى

ياورقة سودت وشنة مع المعتمد الفات
قلت مافلت وشنفت الشنفتو
وحنا مرة ندافع ومرة نسكت
كنا بنشوف عمل
ومرات نشوف تطبيل
لكن كان دائما فى عينينا
مرة ماشي فى شارع الله ده
ومرة نلاقيهو فى مناسبة
ومرة نلاقيهو فى صلاة
ومرة يضرب لينا
ومرة يقيف لينا بعربتوا رقم (1) وسلم علينا
كمان مرة اجتمع بدوت كوم
وخصاها بلقاء
المحنة فى الجديد
رفض مقابلتنا
واستلم شوية صيانة فى الشوارع ما زادة شبر
استلم شوارع منورة الان طفت كلها
كبرى رفاعة الفرحنا بيهو اهسى مضلم
استلم موية البيارة الجديدة جارية مئة المئة
هسى كل يومين بتقطع
مما جاء مختفى من الانظار
مرة فى العاصمة ومرة فى سنار
ومرة عايز امش مع فريق النيل فى مبارة خارجية
ومرة فى الصين الشعبية
هسى ياورقة
قول لى هو وين ؟ وبسوي فى شنو ؟
وليهو كم قاعد معانا
شن سوا لينا
والاهم
والاهم
باقى ليهو كم ؟؟؟؟؟؟
معلش ياجماعة
انا بسأل عنو بس
تحياتى
المغربى