(( في كادقلي، قطع مساعد الرئيس، نافع علي نافع، الذي كان يخاطب المؤتمر التنشيطي لولاية جنوب كردفان ، أن الحوار مع المتمردين والحركة الشعبية سيكون «حوار فرسان» مثل الذي إختاروه في تلودي بجنوب كردفان الاثنين الماضى، في اشارة الى خيار الحرب، وزاد أنها اللغة الوحيدة التى يفهمها هؤلاء «الحيارى السكارى المخدرين،» مؤكدا الإستعداد للحرب لتحرير هيبان وكاودا وأم دورين واللبيض وكافة مناطق الولاية.
وقال نافع للمؤتمرين الذين ارتدوا الزي العسكري «إذا طلب المتمردون الحوار خلسة بالتآمر واللبيد فالأحسن أن يستعدوا ويشدوا حيلهم ويربطوا قاشهم ان كان لديهم قاش، ويدفوا قلوبهم كان بتدفا، وإلا خليهم يمرقوا أو تسقط هذه المناطق كما سقطت الكرمك الآن وفروا». واعتبر نافع ارتداء المؤتمرين لـ»الكاكي» رسالة للذين أعماهم الطمع وحب السلطان، ويأملون أن تستعمر الخرطوم عبر الزحف إليها من كادقلي والنيل الأزرق- حسب تعبيره-. )) الراكوبة
بالله عليكم دا كلام إتقال في قبايل عيد ؟؟
وكمان عيد الضحية الإنقلب بقدرة قادر لعيد فطر !!
ياخي الشعب دا عمل ليكم شنو تقابلوهو جنس المقابلة دي ؟؟
بذمتك "بإفتراض وجودا "
أسي بتنابذ كدي نقول السكران منو ؟؟
إتذكرت قصة السكران الكان بعاكس في واحدة ولسانو معقود وعينيهو مطششات
طنشتوا لكن بسكرتو ديك لاحقا فإتلفتت عليهو وقالت ليهو
كلام جنس كلام نافع دا " أمش كدي يا سكران ياحيران "
فرمل وصحصح والفي راسو طارت عاين فيها ودخل في أضافرينو
قال ليها "أنا سكرتي بتفك التفك شناتك دي شنو ؟؟"
بعدين لو هيبان وكاودا وأم دورين واللبيض ومناطق تانية في الولاية دي كلها محتلة معناها الجهة المحتلة ما سكرانة
وتكون حكومتكم يا مختلة ولا شينة
والاتنين ديل ما بفكن أها شن الدبارة ؟؟
موضوع: يانافع السكرة بتفك لكن "الشنا" لي يوم القيامة 
الأحد 6 نوفمبر 2011 - 3:03
