أسي في داعي للبشتنة دي يانافع ؟؟ أمبارح لفخوك بي كرسي وما تستبعد يلبعك واحد بكراع عنقريب !! فيديوهات

جا يتلبد يهبش في الريشة الفي راسو
قال يرفع الفاتحة لروح الشهيد صلاح سنهوري !!
"اليدين ما رفعن"
يكابسوا الجماعة نطط عيني وبقى في المخارجة
نان لكن دعم وفاتحة يانافع علي رافع ؟؟
نهايتو واحد لفخو بي كرسي
أها في داعي للبشتنة دي ؟؟
ولولا تدخل العقلاء من كبار السن ..
والحرس الخاص به كان بقى في أمراً تاني
شفت جنس المحن دي ؟؟
البتسوي بي رصاصك يغلب ناسك
والله عفيف اسماعيل صدق حينما قال في "محنة الجلاد"

لا تستغربي
من يعشق الشموس والياسمين والأبنوس
يقتل قبل أوان الممات
بحبل أو برصاصة لا تساوي غير محنة الجلاد
لا تستغربي
ما حمام إلا الحمام
لا رصاص إلا الرصاص
ليت كل الناس
هُمُ الناس
سارقنا في الصف الأول من المصلين
وقاتلنا دائماً يكون أول المشيعين

تفتكر ناس بقولوا جنس الكلام دا بتضحك عليهم بالفاتحة ؟؟
والبجي ليهو لي فاتحة بجي بي حرسو ؟؟
حارسنك من شنو ؟؟
عموماً "لبعة" الكرسي جاتك في كراعك سلاخية
لكن أعمل حسابك
المرة الجاية بلفخك واحد بي كراع عنقريب يحيرنا فيك

أريتو يحيرنا فيه ويشفي صدور قوم مؤمنين

يامنصوري شفت فيديو أكثر وضوحاً في سودانيزاولاين
حاولت وجابدت أنزلو دون جدوى
وربك رب الخير فقد تم بث الفيديو أمس في قناة العربية
ووالله نافع "إنكرب" من شدة "الكرب"
والمرة دي جات سليمة والتقيل جائي جائي طال الزمن ولا قِصِر
فشكراً للعربية التي كشفت للعالم اللحولنا جانباً من المأساة

فيديو ألحس كوعك وأطلع برة

» أول أمبارح في الاتجاه المعاكس بلنجات على الهواء مباشرة والمايشتري يتملطش "فيديوهات"
» ثلاثة على كرسي واحد..؟؟
» وزيرة الدولة بالإعلام لا تستبعد عودة الرقابة القبلية على الصحف
» وحدتنا .. ( الله واحد سودان واحد ) منظمة مجتمع مدني جديدة في الحصاحيصا ( يوجد دستور )
» يانافع السكرة بتفك لكن "الشنا" لي يوم القيامة