لاتفتح هذا البوست فهو جربان حماكم الله !!!!

نلفت انتباهم انه وبشهادة البطري فهذا البوست غير صالح للاطلاع والنشر
وهو سريع العدوى والحساسية المفرطة
رغم ان له شهادة صحية مختومة
لذا لزم التنويه والتحزير
وقد اعزر من انزر
ورييييييييييييييييييييييييييييييييييييتكم

ودالرضى دى رسالة شوق لراما؟

يشهد الله من فتحت على هذا البوست والكاروشة مسكتنا
كاروشة تمسكم
وفي واحد بعرف كاروشة دا منو؟

يا ابو التر
قي 2 كاروشة
الاول في ام درمان وهو لاعب المريخ الفنان جاداللهعبدالسيد
والتاني في الحصاحيصا وهو محمد عبيد سايمان في الحلة التحت
انت قاصد منو ؟

أنا قاصد بتاع الحلة التحت،عشان ثقافتي الكروية صفر وبعدين الحلة التحت أولاد الزمن دا ما بعرفوها، حتى الفنان مهدي بكش تلقاهو يقول ياربي حسن وراق دا قلع الاسم دا من وين، خليك عصري شوية وقول الحي الشرقي، وبعدين "حلة السمك ما بسوطوها بحركوها زي الدركسون" من أقوال علي نقش

صديق الرضي يافنان
كل سنة وانتم طيبون وفي رواية أخرى طيبين
المهم
لي يومين بقرأ في هذا البوست والله مافهمت الحاصل إلا لكن في شنو بالله الخلاك تهضرب ؟؟
ورقة وترتورة كل عام وانتم بخير والناس بتأجز في الصيف تقوم ياترتورة تأجز في الخريف "الخليجي"
لمن ورقة سألك من الغياب جاتني إجابة وبيني وبينك قلت إلا يكون معاكم عبد الرحمن زي عبد الرحمن نجوى البحاري
شفت ياورقة الرواشة دي كيف ؟؟

معقول يا ابو التر ما بتعرف جادالله خير السيد لاعب المريخ العاصمي الخلا سبت دودو يعتزل .. كل مباراة حاشر فيهو 3 اقوان كرهنا الهلال وبعدين الحلة التحت دي قريبة لو قلنا ليك (الديم )كان معليش والحلة بصل والمرا ( دخان) لانو الكوارع بترفع القاوت!!

يا حبو!!
الرواشة الله يعلم بي ستها؟؟ وخليها مستورة!!عبدالرحمن ولد نجوي v s هنداوي ولد مثلو والنتيجة 6 صفر وحالتو التحكيم ما فاشل

ما قلنا ليكم وحزرناكم اها جابت ليها كاروشة ورواشة
الخوف من ( الحانكلو ) والشلاقة
اخير ليكم كده
كاروشة ده في الصداقة جار ناس المحبوب
وشلاقة برضو عندنا والما ( عارف ) شلاقة
اسأل اهل الفن والطرب بالحصاحيصا
والله يا المحبوب الهضربة ولا نوم الديك في الحبل
اظني شالني حمار النوم
يس برضو قاصدا وفي التمانيات كمان
كل الود لك فايزة السيد
وحبل الود موصول للاخوان ترتورة وحسن وراق

شفت ياوراق عامل لينا فيها أبو التاريخ ومقدد البلد أهو طلع في كاروشة في الصداقة، بس الخايف منو يكون كاروشه بتاع الحلة التحت، إتبَيَن في الصداقة" واعمل حسابك من التحت"
تحياتي وكل عام وأنتم بخير للأخ ود الرضي والأستاذة فايزة والأخ وراق والمحبوب أها يالمحبوب بعد الرواشة وصلتكم الكاروشة، وأنا ما قصدي كاروشة المغربية

» حسبي الله ونعم الوكيل ولا حول ولا قوة الا بالله (ارجوك لا تفتح هذا البوست)
» جلس رسول الله صلى الله عليه وسلم مع أصحابه رضي الله عنهم وسألهم
» من سحب هذا البوست؟؟؟
» لا تقرأ هذا البوست!! آخر مواجهة بين عمر البشير وصلاح قوش
» من سحب هذا البوست مرة اخري؟؟