البنت عمرها لم يتجاوز السابعة ما عندها شغل في البيت غير اللبس والتلبس اليوم كلو تلبس وتتلبس وواقفة في "المرايات" ولمن تمش تلقاها تحاكي في مشية عارضات الازياء قبال كم يوم إلتقطت ليها صورة في غاية الطرافة وفيها مفارقة عجيبة وبعدما كنت فرحان قلت البت لقت ليها صنعة مافيها غير اللولوة إتضح لي بأنها ستخرج من أول اختبار يقام لأي عرض
مشكور أخي منعم على المرور وللصور قصة طريفة للأستاذ محمد سليمان في برنامج نجوم الغد الخميس قبل الفات جات في الحلقة بنية متسابقة من دارفور وقدمت أغنية على إيقاع قالت اسمو "جمل رقد" محمد سليمان عجبو الاداء الرائع والايقاع "المختلف" المتميز و ولم يخف إعجابه بالطلة البهية للمتسابقة صفاء محمد حامد وكانت لابسة توب وكذلك الكورس الكان في الاستديو في تلك الحلقة علق على التوب وأبدى إستحسانه لكنو أضاف "يابتي التوب مابلبسو معاهو كبك" ولو دققت في صورة "أمنية" الاولى تلقاها لابسا كبك ودي مش المفارقة والمفارقة في انو كبك أمنية كان بالقلبا "تصور لو شافا محمد سليمان كان قال شنو؟"
لأنهم من أحشائنا، يعجبنا ما يعجبهم و نسعد بما لهم و نفرح بفرحهم و نبكي من أجلهم و نسهر معهم و نشقى من أجلهم و نأكل ما يأكلون و نشرب ما يريدون و نشتري كل ما يريدون و نضحك لما يضحكون و نقوم بكل ما يريدون..
موضوع: "عرض أزياء 2012 " نيو لوك "بالصور" 
الأربعاء 4 يناير 2012 - 5:14
