اسحق الحلنقى

ذلك الشاعر القامه ابن كسلا الخضراء
سمره من جبالها وبسمه فى عيون اهلها فراشات تحلق حول الازاهر عصافير ملونه فرحه تطير هنا وهناك فهو فنان الطبيعه بسحرها وجمالها وتبين ذلك فى انتمائه لطبيعة كسلا ومدنى الجميله فهو فنان شفاف ...
ابدع الحلنقى فى الابيض ضميرك -وبتتعلم من الايام -ساعه الغروب - اقابللك -اعزرينى - وعصافير الخريف
وذلك على سبيل المثال وليس الحصر فهو لديه اكثر من 180 اغنيه ....
متعك الله بالصحه والعافيه استاذ الحلنقى بقدر مااسمعتنا من حلو الكلام ...
على صفق العنب
كتبناهم بدمع العين
ومرت بينا غيم الفرقه
واتفارقنا مجبورين
ولما رجعنا من غربتنا
فرحانين مع العايدين
لقينا الريح محى الزكرى
بكينا على ضياع اسمين


الشمس
صدق امس شفت الشمس
بضوى فى حفلة عرس
وطبعا ده اصلو المستحيل
تطلع شمس والدنيا ليل
لكن وحات وطنى الجميل
والخضره والظل الظليل
شفت الشمس بعيونى ديل تتمشى وتشيل......

قف قبل متابعة السير
اسحق الحلنقى وكفى

مشكور اخ وليد وحقيقه اسحق الحلنقى وكفى

كيف لاوهو من اطرب وابكى في ان واحد وهو ابن كسلا الوريفة الشاربة نبع الطيبة ديمة

كما تغنى له جمال فرفور بكثير من الاغانى وشكل معه ثنائى جميل

عيش معاى الحب عيش معاى حنانى خلينى انسى سنين عيشتهم وحدانى
ايه يضيرك تسال فى يوم على ياغالى وانت عارف وحدك همى عارف حالى
وكيف اواصل صبرى فى الطريق الخالى وكيف بدونك تصبح الليالى .....ليالى
انا كنت دايما بصبر مهما البعاد اضنانى فى قلبى انته بتكبر بتكبر معاك معانى

مرحب بيك اخ اسامه ومرحب بى مشاركتك فى هذا البوست حقيقه هو شاعر وفنان مرهف.....

. اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

أعـز الناس
يا أعز الناس حبايبك نحن ...
زدنا قليل حنان ...
العمر زادت غلاوة معاك ...
صالحني الزمان ...
يا أحن الناس حنانك ...
كنت من قبلك بشيل الليل دموع ...
وأطويه هم ...
أنا كنت بخشي علي الأماني الطفلة ...
يفنيها العدم ...
وجيت لقيتك بين ضلوعي شموع ...
وغنيتك نغم يا نغم ...
يا حبيب ورد الأماني الحلوة في أعماقي فتح ...
وأبتده القلب العاش العمر ...
في آهاته يفرح ...
والزمن ما أظن بعدك إنتِ ...
يرجع تاني يجرح ...

عصام قوليب كتب:

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

مبااااااااااااااااااالغة في انتظار المزيد

ممكن يرحلوا النيلين
ويمشوا يهاجروا مغتربين
وممكن يجرح الياسمين
والزيتون يجافي التين
إلا الأصلو ما ممكن
نعيش انا وانت مفترقين
ممكن أي حاجة تكون
وحرف النون يكون ما نون
وممكن تاني يظهر لون
يضيع لون دهب شيبون
إلا الأصلو ما ممكن
غلاوتك عندي مرة تهون

***********
بس كفاية كدة والقادم أحلي لكم
مودتي ومحبتي

مشكورة الأخت رانيا
الرائع اسحاق الحلنقي هو الكتب وانما نحن اناس
نعشق الكلمة الحلوة
واسحاق الحلنقي هو
اسعاد ال....
ولك مودتي

عصام قوليب كتب:

. اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

مرحبا بيك اميمة واهنائك وبقترح تغير الاسم الى حلنقيات
مرحب بالاخ العزيز باسطة يارب عنايات مشت وين خلت الحاجات الجميلة تطلع تحياتي واشواقي لكم

OMIMA NANA MOHAMED كتب:

كما تغنى له جمال فرفور بكثير من الاغانى وشكل معه ثنائى جميل

عيش معاى الحب عيش معاى حنانى خلينى انسى سنين عيشتهم وحدانى
ايه يضيرك تسال فى يوم على ياغالى وانت عارف وحدك همى عارف حالى
وكيف اواصل صبرى فى الطريق الخالى وكيف بدونك تصبح الليالى .....ليالى
انا كنت دايما بصبر مهما البعاد اضنانى فى قلبى انته بتكبر بتكبر معاك معانى

تحياتي اميمة تصحيح بسيط الاغنية للرائع الطيب عبدالله

اخ عصام
مرحب بيك وبالقصائد الجميله لى اسحق الحلنقى وفى انتظار المزيد من القصائد منك وكل انسان زواق للفن والشعر دايما بحب الحلنقى وكانا نجتمع فى حب الحلنقى الرومانسى الهادى ومشكور كتتتتتتتتتتتتتتير

اخت رانيه منوارنا
اعزرينى من كلمات الشاعر الاستاذ الحلنقى ادء سيف الجامعه
وشكرا لاختيارك هذه القصيدة الجميله ويلا ابحتى مخك وجيبى تانى واحده

اسامة بندي كتب:

OMIMA NANA MOHAMED كتب:

كما تغنى له جمال فرفور بكثير من الاغانى وشكل معه ثنائى جميل

عيش معاى الحب عيش معاى حنانى خلينى انسى سنين عيشتهم وحدانى
ايه يضيرك تسال فى يوم على ياغالى وانت عارف وحدك همى عارف حالى
وكيف اواصل صبرى فى الطريق الخالى وكيف بدونك تصبح الليالى .....ليالى
انا كنت دايما بصبر مهما البعاد اضنانى فى قلبى انته بتكبر بتكبر معاك معانى

تحياتي اميمة تصحيح بسيط الاغنية للرائع الطيب عبدالله

مشكووووووووووووووووور اخ اسامه على تصحيحك لما ورد ويلا ادخل ورينا حافظ شنو للاستاذ اسحق الحلنقى

الريد جوى قلبى بحبك بداء
ياطيبة حياتى ياقطر الندى ماكان فى خيالى تتنكر كده
ايامنا الجميله ليه بتنكدا

جربت هواهم وقليبى انكوى تاريهم جاروا ماصانوا الهوى

حاولت اسيبك واتناسى المضى ايامك معاى ساعات الرضى
المكتوب على انا قلبى ارتضى ياريت الليالى عطفوا يعوضا

الكلمه الحنينه مشتاق اسمعا روحى خلاص جفيتا والشوق لوعا
الدمعات عيونى كيفن تمنعا انا شايف سنينى جورك ضيعا

حبيت عشانك كسلا وخليت ديارى عشانا
وعشقت ارض التاكا الشاربه من ريحانها

كلمنى قوليها فاكر ليالى القاش
لما الحنين عاودنى بعطفك الجياش
جفيت حبيب ما خانك من نور بسيمتك عاش
انا تانى مابتلقانى يوم فى طريقك ماش
قاصد مكان فى كسلا


صوت السواقى الحانى زكرنى ماضى بعيد
وعلى الرمال اثارك طرتنى ليلة عيد
المنى قلبى ينسى يرفس غلاوة الريد
وباقى الطريق خلينى براى بمشى وحيد
والحب عزاب فى كسلا

يا أجملَ حلمٍ

ما أروعُ أحلامي حين أراك

في لحظة صحوٍ أو غمضة عين

يا أجملَ حبٍ

كيف لقلبي يسمع عنكِ

ولا يهواك؟؟

والقلبُ قتيلٌ السمع

و سهم العينين

يا أجملَ أمنيةٍ

ما أجملُ نفسٍ تتمناك؟؟

كي تكمٌلَ في معناها وفي التكوين

جمالُ النفس يسكن ذات النفس

وجمالُ الكونِ لأن الكونَ حواك

***

أهواك ولا أدري طوعاً أم قِسراً أهواك!!!

أهواك إذا أحببتْ

وإذا قررتُ بجدٍ أن أنساك

***

وسط الدايرة

وسط الدايرة أجمل نايرة
خلي قلوبنا تطير
وارحلي بينا فراشة حنينة
بين زينات وعبير
ولما الخصلة تدور طربانة
تبقي حرير في حرير
فرحي خلق الله واتّنّي ياشبه القمرة
وارقصي رشي عبيرك فينا وفتحي يا زهرة

أرقصي زيدي الساحة سماحة
نحن معاك نشيل
نغني غناوي ..نحكي حكاوي
لما ندوب في الليل
لا ترتاحي لا تريحينا
لسة الوقت طويل

عمرك كل فرح يا زينة
شيلي من الأفراح وادينا
راقصي البسمة راقصي النسمة
خلي الموجة تدور بينا
أوعي تهدي
كمان اتحدي
يلا جميلك تمي علينا علينا

تسلمي الاخت اميمه علي البوست الجميل وكلمات الاستاذ الكبير

والشاعر الرائع اسحاق الحلنقي اتمني ليه الصحه والعافية ومزيد

من الابداع .....

ودجبريل منور والله وينك ياراجل مختفي مع البرد دا ....