اسحق الحلنقى

مشكور اخ محمد جبريل انا عارفه القصيدة بتاعت الحلنقى وسمعتها عن فرفور
والاخ اسامه قال بغنيها الطيب عبد الله وانت بتقول صلاح الضى وحقيقه انا ماعارفه هى اصلا الحلنفى اداها لى منو
وانا كتبت البوست بااشعار الحلنقى وليس لمن اعطاها اصلا ...
ومنتظرين منك احلى القصائد كمان وكمان

اخى جعفر البوست اذدان بدخولك فيه...
ومادايرين متاوقه بس دايرين قصيده جمييييييييييييييله.....

اقابلك
فى زمن ماشى وزمن جاى وزمن لسه
بشوف الماضى فيك باكر اريت باكر يكون هسه

قصر طول مشاورينا ورقش بالفرح جلسه على النيل والقمر
مرات يبين فى الموج ويندسه
ونحنا نقابلو ذى طفلين كلامو ببدا بالهمسه
وزى عصفوره قلبها دابو حنة وبالولف حسه

اى عيون بتتقابل الا عنيك مابتتفات
فى عينك بتوه
كيفن فى حلاوة البسمه فى القاسيات
وعطر الصندل المستنى يفرح بيك فرحتو جات
وحاتك خلى منو شويه شان يتكاحل السمحات.......

[quote="هيثم بندي"]أسحق الحلنقي الملك المتربع علي عرش السودان بقيثارة النغم والشعر لاربعين عاما

هذا الشخص العظيم جعل السودان فرحا لأعوام بملكة الشعر التي هباها به الله ، فلنقف إجلالا وتقديرا له ولما صنعه فهو أنسأن يملك خيال و إحساس لا مثيل له، من خلال استماعي لجميع الفنانين السودانيين والنظر لمفردات وكلمات اغنيات كل منهم ، رأيت أن هنالك قاسم مشترك بينهم وبعد السوال عن صاحب كلمات كل من أعجبت بأغنيته أجد أن من كتبها هو أسحق الحلنقي لذلك سعيت وراء هذا التدوين والوقوف ولو لدقيقة نتأمل لحظة من ماضية وحاضرة ،
أسحق الحلنقي من أبناء الحلنقاء بشرق السودان ولد بكسلا ، ومنح وسام العلم والآداب والفنون عام 1974 م ، حينها أشاد كامل عبد الماجد بمجهوده وهناه علي هذا الوسام .
بدايات الحلنقي :-
كانت له علاقة حميمة بالمرحوم صالح الضي ، وكان حينها صديقه الشخصي وذلك في مطلع الستينات 1960م ، وفي تلك الفترة كتب اسحق الحلنقي أغنية بتتغير لصالح الضي وايضا أغينة عيش معاي الحب . وكان الفنان صالح الضي صديق مقرب للفنان محمد وردي ، حينما سمع وردي من صالح الضي عن هذا الشخص طلب منه أن يأتي به ويقابله ، وفي ذلك الوقت كان صالح الضي رحمة الله عليه كثير المزاح مع حلنقي فحينما قال له يا حلنقي وردي طلب مقابلتك أعتقد حلنقي ان هذا مقلب من مقالب الضي ، وبعد ذلك قابل حلنقي وردي وكان عن طريق صالح الضي ،فكتب حلنقي أول أغنياته لمحمد وردي فكانت أغنية الدموع دائما حبايبي ، فكانت حزينه جدا وتحمل كمية من الدموع في مفرداتها ، فطلب منه وردي أن يفرح شعب السودان بمفردات فرح ليجعل الناس مبتهجين فكتب حلنقي أغنية أعز الناس وهي الأغنية التي جعلت من أسحق الحلنقي أسما بعد أن كان منسيا،بعدها توجه حلنقي لكسلا وألتقي بالفنان إبراهيم حسين والفنان التاج مكي والشاعر مرتضي صباحي وكان ذلك في مطلع السبعينات ، فكتب أغنية مع ساعة الغروب مشيت أسال عليكم لإبراهيم حسين وأيضا كتب للتاج مكي حبيت عشانك كسلا ، وكان يتسال البعض كيف يحب الحلنقي كسلا من أجل شخص لكن القصيدة تحمل مشاعر التاج مكي وهو الذي طلب من اسحق كتابة هذه الكلمات . عاد بعد ذلك اسحق للخرطوم وهو في منتهى السعادة لأن أغنية التاج مكي كانت قد سبقته للخرطوم وأيضا أغنية ابراهيم حسين شيئا ما أبتدت تشتهر
نجمة نجمة الليل نعدو ما السنين يا حليلنا عدو
وأنت ما عارف عيونك لما تسرح وين بودو
الريدة الكتيرة يا حنين شقاوة ،كلما نزيد حنان أنت تزيد قلاوة
فارقنا الحنين ما كلمنا مالو ماخلا العيون تتأمل جمالو
يوما ما سعيد من الحلة شالو ، نجمة نجمة الليل نعدو


http://www.alhasahisa.com/t455-topic

جعفر قوليب كتب:

ودجبريل منور والله وينك ياراجل مختفي مع البرد دا ....

والله مع الدنيا ياعمي ياخ موشاقون للطيش

بالله سلامي لي الطيب

التحية والتقدير لكل من نظم القصيد وتحية خاصة خالص للهرم الحلنقي درج مجتمعنا دوما علي تكريم المبدعين بعد رحيلهم ولكنني اقترح نحن في ه>ه الاسرة ان نقوم بتكريم من يستحق التكريم قبل حلول الاجل المحتوم ولنبداء بتكريم المبدع الرهف الشاعر اسحاق الحلنقي

يااسامة بندي شينة منك والفيك اتعرفت

عفوا معاك ودعيسي