بفتش لي على بيت ناصية في الحصاحيصا

اها.... مين يدلني

للضمان كدي عشان لسه مابعرف زول عايزاهو يكون جمب بيت اولاد تلودي.. Embarassed

وأي زول يجي يباركو لي يجيب معاهو حاجة
كرسي.. سرير.. ملاية.. كباية.. صينية.. اي حاجة بتنفع
ونقول فتحنا بيت بالــ (شيرنق)... Smile

واي زول يجي داخل يوريني هو ود ناس منو..
باقي جديدين وبندور الخوة

تحت تحت قالو بتنومو بدري...
لي باكر اجي القى الحوش اتملا عدة وعفش... سمح.. Wink

والله نحن ما بنتبرع الا لناس المايقوما واركويت .. شوفى البنوموا بدرى اليدوك حاجه .. والله ديل كان جاك حرامى بعد الساعه تسعه الا تسوكيهو براك

والله في الزمن الشيلنق بتاع العدة صعب والعدة بقت في زمنا دا بالايجار والحاجة الثانية ماقال دكتور بكري كان جاكم حرامي الضحك ماشرطكم

بكرى عثمان حمد كتب:: والله نحن ما بنتبرع الا لناس المايقوما واركويت .. شوفى البنوموا بدرى اليدوك حاجه .. والله ديل كان جاك حرامى بعد الساعه تسعه الا تسوكيهو براك

والله كتر خيرك يا ود عثمان
اها ناس حي المطار مرقتوهم ساي كدي
ياخ احنا مكان الطيارة بتقوم والرئيس بنوم... Wink

وبرضو ماباركت لي بيتي.. Surprised

يعني حكاية الحرامي دي عشان ماتجيب معاك شي مش كده...
الفيك اتعرفت غايتو

محمد علي جبريل كتب:: والله في الزمن الشيلنق بتاع العدة صعب والعدة بقت في زمنا دا بالايجار والحاجة الثانية ماقال دكتور بكري كان جاكم حرامي الضحك ماشرطكم

كر علينا من دي حالة صعبة... حتة الكباية دي بقت صعبة عليكم
والحالة انا قالو لي اقعي الحصاحيصا خيرا راقد وناسا اولاد كرام
غايتو الا يجي عمار يقول لي ديل مامننا...
ولا انتو بالانتساب... Rolling Eyes

اها ياسيد محمد
البيت لقيتوهو لي ولا لسه

يا وهاد ابراهيم انت ما تشوفى الامتداد احسن ليك من حى العمدة كلها بعوض ونحن متكفلين بكل شئ بس تجيبى شنطك

عاد ده كلام يابكرى
اها انا جاي وبى سريرى

اها ياودو انا غايتو جيت ومعاي كوووووووووووووز كبير ولقيت ليك تاني ناصية وفاتح في جامع وجيرانك نحنا

وهاد سلامات دخلتى كيف جوازك مامر على

والله تمت عكس الريح؟

عموما الف مرحب البيت بيتك
لكن دخلتى غلط ناس عمار جنبهم الكنار والناموس وحسن وراق
وبيوتهم كلها مسكونه الا بيت ناس وراق بالنهار فقط
احسن ليك الاحياء الجنب الزلط عشان تمشى الخرطوم وتشوفى النيل الازرق والكبرى والغروب
ونحن متبرعين ببيت مفروش لكن بنحدد الزوار نحن

والله يا فايزة جنس حسادة عليكم!!
الزول كان نزلت عيهو بركة من السما تطفشوها منو؟؟
يا وهاد!!!
انتي رغبتك تسكني حي العمدة في بيت ناصية فاتح علي ناس تلودي ..؟ انتي وصلتي تب..كلو موجود وما فضل ليك الا تقولي صاحبو عندهم كفتيرياوشغال في وزارة التجارة ويكون اصغر من بكري عثمان حمدوضياء عدوي...؟؟ يا وهاد ماعندك مشكلة خشي علي في البرايفد وما تكلمي زول وانا بقول ليك مبروك مقدم!! اصلو ناس حي المطار بشيهو ناس حي العمدة وما عندك مشكلة انتي سنة ناعمة اعملي حسابك من الاحياء الطرفية

الاستاذة وهاد
غايتو..لو طلبك..فى الحى الجديد
باعتبار ماسيكون..حى السفارات..والمغتربين.
من اسى تجى تعزلى الناصية العايزاها..والعفش علينا
اها قلتى شنو.
ومبدئيا مرحب بيك..فى دارك الجديد.
فانت صاحبة للدار ونحن هاهنا الضيوف لديك.

مرحب صاحبة الأسم الجميل،،،
وصورتك الرمزية تجنن ،بس المكياج كتير حبة،
أما بالنسبة للناصية ،، أنا عايز أهديك النصح ، ناس النواصي ديك دائماً متطرفين!!
وعارفة المتطرف الزمن دا مستهدف،من الحرامية ؟؟؟
ثالث ناصية أحسن ليك!!!!
وأنا مني زير وبراد شاي وطشت، ومكوة فحم،،
ولك كل مساحات الجمال بالمدينة،،

على سركيس كتب:: يا وهاد ابراهيم انت ما تشوفى الامتداد ونحن متكفلين بكل شئ بس تجيبى شنطك

لو سمعتي كلام سركيس وجيتنا في الامتداد احسن ليك

يا بودراب الحسادة ليكم شنو والبكا شنو الزولة دى وضحتها عديل ناصية وفاتح على ناس تلودى الامتداد والسفارات ومعارف داك شنو المغتربين خلوا الحساده نحن مننا الناموسية بس نوصيك شجرة النبق ما تقطعيها لو دائره تعملى فى البيت حديقة قيراوانية

..وهاد خير ما اخترت ... الهدوء والجمال
وحيينا المابنهو دا لابتجيهو كشة ... ولا بتخشو ركشة
اها الكلام تانى شنو ؟
وكان درتى ليك شى من الطرفية الا تتعبى سااااااااى
بس ادخلى برجلك اليمين وقولى ..... وامعتصمااااه
تلقى المطر ... المطر ..
قيلى عافيى !!!!

والله مرحب بيك في حي العمده
وناصيه مننا ده معروووووووووووووووووووف وين
والله مرحب
وانا هديتي فنجان قهوه وكوز (شراب )وجك وصينيه
والله انتي اخترتي صاح

ما افتكر فضل ليك حاجة في العدة نجيبها ليك بس مني ليك عسكري يحرس ليك كبابي الشاي وفناجين القهوة مش اخترتي حي العمدة اكيد العسكري محتاجة ليهو

البيت بقي جاهز .. من كلوا ..
بس انتي ابقي موانسة

وهلا بيك

وهاد ابراهيم
اولا شرفتى دوت كوم وعندنا واحد زمان دفعه لمن نجى زيارة ليهو فى بيتم بقول لينا (بيتنا ولعت كشافات ) اسه نقول ليك دوت كوم ولعت كشافات
وهاد صديقة عزيزه مكتمله الالق والبهاء
تجيد كتابه الخواطر والعبارات التى تحرك العشاق والقلوب
خيالها واسع فكرها مميز وعطاءها وافر
اول ما عرفت ناس دوت كوم اكلت فى بيت حسن وفائزة وشربت الشاى مع غاده واتونست مع حسن وراق وقال على دوت كوم طوالى
ثانيا كلام ناس بكرى ومحمد على جبريل ما تشتغلى بيهو حى العمدة فيها بسط امن شامل والحراميه فارقوها زمان وهو اميز الاحياء اجتماعية اسألى ناس مبارك وراشد الجاك
وبعدين كلام بدر ابونرة ما تسمعيهو الباعوض مافى لانو الكنار مافيهو مويه ما شفتو صور حسن وراق

بعدين حاجة ثانية نسيناها وذكرها لينا بدر ابو نوره الباعوض الكثير والنوم بالناموسيات الخريف بعد زمنو جا يا عمار تاني بتملي الكنار

مبارك عثمان كتب:: عاد ده كلام يابكرى
اها انا جاي وبى سريرى

أحيي حاتم الطائي... Embarassed

حبابك ود عثمان ويا كده يا بلاش.. Laughing

على سركيس كتب:: يا وهاد ابراهيم انت ما تشوفى الامتداد احسن ليك من حى العمدة كلها بعوض ونحن متكفلين بكل شئ بس تجيبى شنطك

علوبة ياخ البعوض مابجي للناس الدمها خفيف... Wink

ولا بديل لحي العمدة الا حي العمدة بس... Embarassed

انا كنت قايلة الشنطة عليك... Rolling Eyes

ودعيسي كتب:: اها ياودو انا غايتو جيت ومعاي كوووووووووووووز كبير ولقيت ليك تاني ناصية وفاتح في جامع وجيرانك نحنا

شنو يعني المعنى في حي العمدة زاتو ولا رحلتو... Rolling Eyes

مشروعك الحضاري ما بناباهو لكن الفيك اتعرفت... Laughing

تسلم يا ود عيسى

الكوز ده كان خرمتو مابشتغل... Cool

... ولا بدخل هوا... Laughing

فايزه السيد كتب:: وهاد سلامات دخلتى كيف جوازك مامر على

لكن دخلتى غلط ناس عمار جنبهم الكنار والناموس وحسن وراق

ونحن متبرعين ببيت مفروش لكن بنحدد الزوار نحن

اولاً انا دخلت بي باب كنار زااااااتو... وبي البصمة كمان..اها
والزارعنا غير الله اليجي يقلعنا.. Very Happy

بعدين شوفي انتي قلتي ناس عمار وحسن وراق... اها تزحوني من هنا بدق لي صيوان عدييييييل.. Embarassed

وعجب والله كمان بقا فيها تحديد زوار... اها رجلتك وبكفيكي ليها
تاني شنو... Laughing

حبابك ياستهم... زحي لي جمبك سمح.. Smile

حسن وراق حسن كتب:: والله يا فايزة جنس حسادة عليكم!!
الزول كان نزلت عيهو بركة من السما تطفشوها منو؟؟
يا وهاد!!!
انتي رغبتك تسكني حي العمدة في بيت ناصية فاتح علي ناس تلودي ..؟ انتي وصلتي تب..كلو موجود وما فضل ليك الا تقولي صاحبو عندهم كفتيرياوشغال في وزارة التجارة ويكون اصغر من بكري عثمان حمدوضياء عدوي...؟؟ يا وهاد ماعندك مشكلة خشي علي في البرايفد وما تكلمي زول وانا بقول ليك مبروك مقدم!! اصلو ناس حي المطار بشيهو ناس حي العمدة وما عندك مشكلة انتي سنة ناعمة اعملي حسابك من الاحياء الطرفية

كدي فايزة دي خليها على جمبة بتخارج منها بربطة رجلة.. Laughing

اها ياناس وزارة الخارجية... انت مش قلت لي سجلي معانا بسوقك معاي
وعمار يقول لي الراجل ده مشا يجهز ليك الوضع هناك قبل تصلي..
اها لغاية هسي لا حس لا خبر... يعني عروسات الزمن ده بقو يفكوهن عكس
الهوا ساي كده... Wink

لكن يا وراق... النظافة من الايمان... Laughing

تسلم يا سيدهم

» بعد "سكر الجنيد / سنار / حلفا" أقترح الإعلان عن بيع "بلد" موقعه "تاني ناصية" وفاتح على بحر وفيـه "أنـهار" وقابل للإنقسام "توجد وثيقة"
» المرشح المستقل ابن الحصاحيصا مامون علي عطا المولي في حوار غير مسبوق مع الحصاحيصا دوت كوم ( توجد صور )
» مراسلو الجرائد الرياضية يصلون الحصاحيصا لتغطية مباراة الهلال مع نيل الحصاحيصا
» حيوا معنا ابناء الحصاحيصا اطباء وعاملين بمستشفي الحصاحيصا ( توجد صور )
» الحصاحيصا يا دمار (الهناء) يا فوضي و الوالي حاضنا..هؤلاء من يدمرون الحصاحيصا