بفتش لي على بيت ناصية في الحصاحيصا

عبد المنعم سيد احمد كتب:: الاستاذة وهاد
غايتو..لو طلبك..فى الحى الجديد
باعتبار ماسيكون..حى السفارات..والمغتربين.
من اسى تجى تعزلى الناصية العايزاها..والعفش علينا
اها قلتى شنو.
ومبدئيا مرحب بيك..فى دارك الجديد.
فانت صاحبة للدار ونحن هاهنا الضيوف لديك.

اول واحد يصرح بمشاعرو ويرحب بي على العلن
عفيت منك يا المنعم...

لكن انا ابوي قال لي بس خليك قصاد اولاد تلودي ديل... ياربي برحلو
المغتربين... Rolling Eyes

اشاورهم واجيك راجعة... Laughing

أحمد بابكرالكوني كتب:: مرحب صاحبة الأسم الجميل،،،
وصورتك الرمزية تجنن ،بس المكياج كتير حبة،
أما بالنسبة للناصية ،، أنا عايز أهديك النصح ، ناس النواصي ديك دائماً متطرفين!!
وعارفة المتطرف الزمن دا مستهدف،من الحرامية ؟؟؟
ثالث ناصية أحسن ليك!!!!
وأنا مني زير وبراد شاي وطشت، ومكوة فحم،،
ولك كل مساحات الجمال بالمدينة،،

اولا ده مكياج سهرة... Wink

ثم انو تالت ناصية دي بتخلي الشبكة ضعيفة...
ثم يا كافي البلا بيتكم ده ماشاف الاوتوماتيك كلو كلو... Evil or Very Mad

بس خلي لي مساحات الجمال دي والله أجيها ليك جنس جيهة
الاسم اتبرعت ليك بيهو لاول بنوتة تجي بعد كده والسماية عليك طبعا..
مش ابوها مخير فيها... Laughing

تسلم يا ابوحميد

محمد علي جبريل كتب:

على سركيس كتب:: يا وهاد ابراهيم انت ما تشوفى الامتداد ونحن متكفلين بكل شئ بس تجيبى شنطك

لو سمعتي كلام سركيس وجيتنا في الامتداد احسن ليك

أبيييييييييييييييييت... Razz

Badr Abbas كتب:: يا بودراب الحسادة ليكم شنو والبكا شنو الزولة دى وضحتها عديل ناصية وفاتح على ناس تلودى الامتداد والسفارات ومعارف داك شنو المغتربين خلوا الحساده نحن مننا الناموسية بس نوصيك شجرة النبق ما تقطعيها لو دائره تعملى فى البيت حديقة قيراوانية

مش عليك الله... والله انت الفيهم يا ود عباس...
الشيبة دي ما من فراغ... Laughing

وعشان فهمك الراقي ده الناموسية وفرناها عليك
البعوض لا يتعاطى الدم الخفيف... بتجيهو انيميا... Wink

تسلم يا بدر

راشد محمد الجاك كتب:: ..وهاد خير ما اخترت ... الهدوء والجمال
وحيينا المابنهو دا لابتجيهو كشة ... ولا بتخشو ركشة
اها الكلام تانى شنو ؟
وكان درتى ليك شى من الطرفية الا تتعبى سااااااااى
بس ادخلى برجلك اليمين وقولى ..... وامعتصمااااه
تلقى المطر ... المطر ..
قيلى عافيى !!!!

وا معتصماااااااااه
شوفو الحلوين كلامهم حلو كيف... ياخ انا ما اخترت ساي
نحيي العمدة واولاد العمدة... وحمام العمدة ... Embarassed

تسلم يا جار... Wink

عصام تلودي كتب:: والله مرحب بيك في حي العمده
وناصيه مننا ده معروووووووووووووووووووف وين
والله مرحب
وانا هديتي فنجان قهوه وكوز (شراب )وجك وصينيه
والله انتي اخترتي صاح

ود جيرانا حبابك

وليك علي اول جمعة عازماك جبنة في عدتك القيافة دي ياراقي
تقول لي الامتداد... Cool

عارف مصطفي السيد كتب:: ما افتكر فضل ليك حاجة في العدة نجيبها ليك بس مني ليك عسكري يحرس ليك كبابي الشاي وفناجين القهوة مش اخترتي حي العمدة اكيد العسكري محتاجة ليهو

عسكري لشنو يعني.. Rolling Eyes

اهااااااا قصدك البركب الموتر بمش قدام عربيات المسؤلين داك.. Rolling Eyes

ياخ انا بمش الحصاحيصا للاسترخاء ما بحب هيصة المراسم دي بخليها وراي في الخرطوم... Wink

طلعت ماعارف يا عارف
بس برضو حبابك

بت امها كتب:: البيت بقي جاهز .. من كلوا ..
بس انتي ابقي موانسة

وهلا بيك

لغاية هسي كيف يابت امها السمحة

تهل عليك العافية والسعادة يارب

عمار تلودى كتب:: وهاد ابراهيم
اولا شرفتى دوت كوم وعندنا واحد زمان دفعه لمن نجى زيارة ليهو فى بيتم بقول لينا (بيتنا ولعت كشافات ) اسه نقول ليك دوت كوم ولعت كشافات
وهاد صديقة عزيزه مكتمله الالق والبهاء
تجيد كتابه الخواطر والعبارات التى تحرك العشاق والقلوب
خيالها واسع فكرها مميز وعطاءها وافر
اول ما عرفت ناس دوت كوم اكلت فى بيت حسن وفائزة وشربت الشاى مع غاده واتونست مع حسن وراق وقال على دوت كوم طوالى
ثانيا كلام ناس بكرى ومحمد على جبريل ما تشتغلى بيهو حى العمدة فيها بسط امن شامل والحراميه فارقوها زمان وهو اميز الاحياء اجتماعية اسألى ناس مبارك وراشد الجاك
وبعدين كلام بدر ابونرة ما تسمعيهو الباعوض مافى لانو الكنار مافيهو مويه ما شفتو صور حسن وراق

هذا هو المتهم بإفشاء السر وإذاعة محتواكم الفواح..
هذا هو الذي نسج لي جمالكم رداءاً فلبست..
هذا هو الذي يتنسمكم ويفيض حبه لكم من جنباته..
ثم يصدّركم للسحابات الهتون فتهطل بسماحتكم في بوادي الإنتماء.

شكرا عمار اذ فتحت لي الباب فــ.. دلفت.
وشكرا لكم جميعاً اذ أدخلتموني.. فسكنت.

واريتو البعوض يقطعني قطيع مااااااااا بسيب حي العمدة..
اها المعارضة تشوف ليها مكان غير حصاحيصادوت كوم
انا والكاشف اخوي وكل العمداب سدادين...

تسلم عمار.. وبلا سؤال.. انا وصلت وألقيت عصاي.

انشالله عصاك تلقف شمارات حي العمدة
اها
ياكي الدرتيها
احسن حتة وارقى حتة
(عشان ما يزعلو منى)

ختي لي جنبك عنقريبا....و همبريب
نفتح بيهو شبابيك الاحبة

السمحه ... الحكاية حى العمده .. ودى قصة سمحه بالحيل

السمحة قالو مرحلة كتب:: احسن حتة وارقى حتة
(عشان ما يزعلو منى)

ختي لي جنبك عنقريبا....و همبريب
نفتح بيهو شبابيك الاحبة

بالحيل ياست السمحات
حبابك ألف.... مفروض تطلبي اللجوء بي نفسك بس مافي مشكلة
اعتبري نفسك أصيلة وسط العمداب...
شفتي كيف ياداب فتحو لي الباب بقيت ست بيت.. Laughing

مبارك عثمان كتب:: السمحه ... الحكاية حى العمده .. ودى قصة سمحه بالحيل

بطلو الشمشرة ياخ... Cool

بسم الله ماشاء الله .. نطينا الخروف ... ودخلنا بالرجل واليمين وسمينا

وهاد سلامتك من الحادث اولا
دي عين ناس حي العمده
تانيا انا عندي ليك بيت رهيب هو ماناصيه لكن قصاد البحر لما البحر يزيد بدل تمشي تشوفيه اجيك هو اشوفك عندنا في الحي الشرقي وكان درتي نرحل ليك ناس عمار تلودي لكن الانديهم البيت الوراك وعلي فكره البيت مبروش من مجميعو والكرور الجابو الجماعه الفاتو ديل اجدعيه في الكنار وتعالي وله اقول ليك ماتتعبي روحك شيلي عمار خليه اجدعو
انت قلتي حاجه مهمه ومانفول نفزها التعريف بان اقول هو ود ناس منو انا حابدا انا بت ناس صفيه كنا ساكنين الحي الشرقي اخواني جمال وحسين واولاد بكش واولاد الشين اولاد خالاتي

الاخت وهاد

انا من راى تشوفى بيت ناس إيمان فى الحى الشرقى احسن ليك

وبعدين موضوع حى العمدة دى خليهو لانو عمار فى موضوع الحرامية ديل

خماك لانو لسه قاعدين اسالى الجماعة البمشو الصبح وبعدين فى واحد بسكن

فى محل كلها باعوض وهو ناس حى العمدة فى نفسهم رحلو اسالى عمار عن البيوت الفاضية

وبعدين الحى الشرقى مية المية جنب النيل وكده ؟؟؟؟؟؟ ولاشنو الخضرة والماء والوجه الحسن

والناس الطيبين اللزاز ؟؟؟؟؟ Laughing

[b]

مش ياود الباقر (ايمن) ؟

» بعد "سكر الجنيد / سنار / حلفا" أقترح الإعلان عن بيع "بلد" موقعه "تاني ناصية" وفاتح على بحر وفيـه "أنـهار" وقابل للإنقسام "توجد وثيقة"
» المرشح المستقل ابن الحصاحيصا مامون علي عطا المولي في حوار غير مسبوق مع الحصاحيصا دوت كوم ( توجد صور )
» مراسلو الجرائد الرياضية يصلون الحصاحيصا لتغطية مباراة الهلال مع نيل الحصاحيصا
» حيوا معنا ابناء الحصاحيصا اطباء وعاملين بمستشفي الحصاحيصا ( توجد صور )
» الحصاحيصا يا دمار (الهناء) يا فوضي و الوالي حاضنا..هؤلاء من يدمرون الحصاحيصا