قصة اغنيه النهايه

يوم في يوم غريب فيه الشمس لمت غروبها وسافرت بانت نجوم متفرقه ذي الدموع في خد حبيب ودع حبيبته السافرت والليل ضفايرو حزنها مداها الالم ذي التقول عارف النهايه القاربت والكون حزين خايف الهجير وشا ف الربيع غابت شعوره وهاجرو ----------------------------------- شوفت الفريق ضامي الفرح في دار حبيب ضميتو لي قلبي الحنين ماتت خطاي وضاع الامل واحترت في حظي الدفين عاينت لقيت الحبيب في عرشه في تاجه الحزين حوله العيون فيها الفرح وبس الفرح في عيونه ما قادر يبين والدمعه في عينيك تودع طيف حبيب خلاهو لي قدر السنين ---------------------------------------------------------------- اشتقت لي طيف الدموع ومشيت طريق اسمه المصير ودعت زهرات العمر ورجعت لي المي الكبير حسيت شعور الراهب السار السنين ومشتاق يفتش ليه دير لمن تعب سالت دموعه علي الدرب خاف الامل كره المصير --------------------------------------------- ياحبي عيش كلمات خطاب من الحبيب كان النهايه حرفه الدموع وصدره النحيب والحسره كانت فيه غايه خلاني اغرق في المصير وانا لسه عائش في البدايه اندم علي الحلم الي راح واطفي الشموع وابكي النهايه -------------------------------------------------------------------------------------------------------والله كنت جالس في النت وجات قصة اغنيه النهايه للفنان الراحل المقيم سيد خليف وكلمات الاستاذ هاشم صديق ومناسبة الاغنيه حسب اعترافات هاشم صديق انه شاكوس لي الاستاذ مكي سناده بانه تقدم لخطبة احد الحسناوات في ام درمان ورفض وما اتعقد ولا انزري بل ذهب اليها في يوم الزفاف وبارك لها بكل روح رياضيه ورجعوا بعد الحفل وكان معه صديقه الاستاذهاشم صديق وكتبوا اغنية النهايه وكانت اول قصيده اوجيزت لهاشم صديق وتاني يوم تغني بها سيد خليفه.

الله اديك العافية ابو مصطفى ...
رجعتنا بهذه الاغنية لي ايامك وانت تصدح بها بحفلات قرية الصداقة
فهلا تعود تلكم الايام

تسلم ياابوالفن .. والله ايام جميلة ...

متعك الله بالصحه والعافيه وكل الاخوان بالفرقة الموسيقية المصاحبة لك ..

صديق الرضي كتب:

الله اديك العافية ابو مصطفى ...
رجعتنا بهذه الاغنية لي ايامك وانت تصدح بها بحفلات قرية الصداقة
فهلا تعود تلكم الايام

الاخ صديق الرضي انا شدة مابحب الصداقه اتزوجت منها
لكي كل التحايا علي المرور الطيب وياريت تعود الايام الجميله لكن الان اصبحنا كوامر الا نعمل لينا عمره
تحياتي لك وللاسره

جعفر قوليب كتب:

تسلم ياابوالفن .. والله ايام جميلة ...

متعك الله بالصحه والعافيه وكل الاخوان بالفرقة الموسيقية المصاحبة لك ..

ياجعفرون الحبيب والله امس ازكرت والله وانا بغني لي ناس السفاره وغنيت اغنية يوم في يوم غريب واتزكرنا الايام الجميله

مهدي بكش كتب:

صديق الرضي كتب:

الله اديك العافية ابو مصطفى ...
رجعتنا بهذه الاغنية لي ايامك وانت تصدح بها بحفلات قرية الصداقة
فهلا تعود تلكم الايام

الاخ صديق الرضي انا شدة مابحب الصداقه اتزوجت منها
لكي كل التحايا علي المرور الطيب وياريت تعود الايام الجميله لكن الان اصبحنا كوامر الا نعمل لينا عمره
تحياتي لك وللاسره

زادنا فخرا اختيارك للصداقة لتهبها قلبك الشفيف ... لك كل الود وللاسرة الكريمة

كلنا صداقة
مهدى بكش واحلى الايام
النهاية وصابر معاك عقد اللولى المنديل

وليد العشي كتب:

كلنا صداقة
مهدى بكش واحلى الايام
النهاية وصابر معاك عقد اللولى المنديل

الصداقه بقت قرابه ياوليد والله ايام جميله كلها اغاني ابو السيد
وتحياتي لك والاسره الكريمه وكل النسايب ناس الصداقه.

وليد العشي كتب:

كلنا صداقة
مهدى بكش واحلى الايام
النهاية وصابر معاك عقد اللولى المنديل

عاجباني الصدااااقة .. الصدااااقة البين مهدي والعشي
وعاجبني نسبكم
والعجب حبيبي
وسيدا يا ابو السيد اقصد يا ابو مصطفي
وفي ( النهاية ) دمتم موفوري الصحة

ودمت يا ود الرضى

رائع يارائع

صديق الرضي كتب:

وليد العشي كتب:

كلنا صداقة
مهدى بكش واحلى الايام
النهاية وصابر معاك عقد اللولى المنديل

عاجباني الصدااااقة .. الصدااااقة البين مهدي والعشي
وعاجبني نسبكم
والعجب حبيبي
وسيدا يا ابو السيد اقصد يا ابو مصطفي
وفي ( النهاية ) دمتم موفوري الصحة

ونعم النسب ياود الرضي

مامون حسن كتب:

رائع يارائع

انت الاروع يا صديق العمر

ياريت لو تواصل يافنان
متعك الله بالصحة والعافية

مامون حسن كتب:

ياريت لو تواصل يافنان
متعك الله بالصحة والعافية

انشاءالله يامامون وتحياتي لك وللاسره