حليل زمن الصبا

في ذلك الزمن وفي ما بعد منتصف السبعينات من القرن الماضي، كانت الجامعات في السودان بالعدد " جامعة الخرطوم، جامعة أم درمان الإسلامية، معهد الكليات التكنولوجية " جامعة السودان للعلوم والتكنولوجيا حالياً "، فقط وليس الحال كما الآن في كل ركن من أركان أي مدينة جامعة بالاسم فقط من غير أي مقومات للجامعات، وأصبح الحال الآن في كل شارع من شوارع أي حي من أحياء المدن السودانية تجد عدد لا يحصى ولا يعد من الذين يدرسون في الجامعات التي صارت زي ما بقولوا أكثر من الهم في القلب.
عندما تم قبولي أنا والأخ عصام حبيب الله والمرحوم حسن حمد النيل " حسن موزون" في جامعة أم درمان الإسلامية في ذلك الوقت الذي ذكرته في الأول ، كان قد تخرج من نفس الجامعة الأخ هاشم كرار وقد وجدنا في الجامعة الدفع التي قبلنا الأخ محمد سعيد العوض" أبو الدرش" والأخ محمد برير أحمد من المايقوما ومن بعد ذلك جاء الأخ حبيب الله باب الله من الامتداد.
يعني في ظرف أربع سنوات من كل مدينة الحصاحيصا سبعة طلبة فقط في جامعة أم درمان الإسلامية وينسحب هذا الأمر وبالتقريب على جامعة الخرطوم والمعاهد المختلفة لتجد أن عدد الملتحقين بمؤسسات التعليم العالي لا يتعدى أصابع اليد في ذلك الوقت، وبعد التخرج مباشرة تلتحق بالعمل في مجال تخصصك ويتم تعيينك في الدرجة Q وتمنح راتب شهري 108 جنيه سوداني، وهذا المبلغ بعد قضاء جميع الضروريات والكماليات والسهرات كنت أوفر منه مبلغ معتبر لا يستهان به.
وبمناسبة الجنيه السوداني عندما ذهبت إلى إنجلترا سنة 1981، كان يتم تحويل مبلغ 90 جنيه من مرتبي الشهري من قِبل جهة العمل في السودان وكانت هذه التسعين جنيه تصلني في إنجلترا 110 جنيه إسترليني بالتمام والكمال، يعني الجنيه السوداني كان أعلى في سعر الصرف من الجنيه الإسترليني.
وعلى كل حال نحمد الله أنا والدفعة والدفعات القبلنا على العز الذي عشناه رغم معاناة الحياة " وموتوا مغص يا أولاد الزمن دا "

موتنا وشبعنا موت ياعبدالمنعم

اديك الان الفين ريال سعودي برسلها للعيال تعمل 2600000

ربعد دي كله مامكفي الشهر والله الله اكون في عوننا

في ذلك الزمن وفي ما بعد منتصف السبعينات من القرن الماضي، /

عندما تم قبولي أنا والأخ عصام حبيب الله والمرحوم حسن حمد النيل " حسن موزون"

تعليق:
في داعي للتواريخ دي يا أبو التر، خليتنا ننظر في المرايا مرات ومرات

الصحيح تكتب:-
في ذلك الزمن .. (بدون تحديد تاريخ) عندما تم قبولي أنا والأخ عصام حبيب الله والمرحوم حسن حمد النيل " حسن موزون" وتواصل....................
في زول مغالطك، وكمان القرن الماضي؟؟؟؟؟؟؟؟؟؟؟؟؟

يا ترترة
ما تخلي الطابق مستور
مشيتك انجلترا كانت قبل تاسيس القسم العربي لبي بي سي علي ايام حكومة السير ايدن
تقولي منو وتقول لي شنو

لا حولا!!!!!! كوامر زي الكوامر !!!!! والزمن زمن الكامري!!!!

يا عصام إبن حبيب الله يعني البوست دا اتكتب ليه سنة بالتمام والكمال وتجي كمان عايزني أخفي المعلومات، وبعدين عيب علي اقول القرن الماضي، والله حكاية القرن الماضي جعلتك تتخيل الأمر في زمن المهدية.
وعلى العموم "العمر كله لك" وربنا يديم عليك وعلى اسرتك الصحة والعافية ودام صفاك وإنت رايق

حسن وراق حسن كتب:: يا ترترة
ما تخلي الطابق مستور
مشيتك انجلترا كانت قبل تاسيس القسم العربي لبي بي سي علي ايام حكومة السير ايدن
تقولي منو وتقول لي شنو

أما ياديناصور المنتدى إنت أمرك عجيب، كل ما وجدت إثنين يتجادلون في الزمن وموضوع العمر وإلا حشرت نفسك لكي تقنع شباب المنتدى بأنك أقل عمراً من أعمارهم.
وبعدين لم تسعفك الذاكرة بأي رئيس وزراء بريطاني غير السير أنطوني ايدن الذي كان اسوأ رئيس وزراء بريطاني في القرن العشرين.
عيب لي ونستون شرشل الذي يختصر توقيع إسمه ب W.C

سامر نوح كتب:: لا حولا!!!!!! كوامر زي الكوامر !!!!! والزمن زمن الكامري!!!!

كامري شنو وإنت من زمن سيدنا نوح

أخونا الرائع ترتوره
اقسم بانك كنت اكبر أضافه للمنتدي في الفترة الاخيره
أخونا نصر الدين حكي لنا حكايه ممكن تودي صاحبك الآخرة واعني وراق والقصه في ستينات القرن الماضي عندما كانا سويا في السوق مع والدينا عوض الله ووراق الاب فكان الاخ نصر الدين وحسن وراق مسؤولين عن المحلات في فترة الظهيرة وكان سعر عراقي الدموريه عشره قروش يقوم حسن وراق يبعه بمبلغ حداشر قرش لعمال المحالج الموسميين يعني في كل عراقى عنده قرش زياده نرجو من الاخ ترتوره اختيار لجنه تحقيق محايده لمعرفة السنه ولسوء حظ الاخ حسن انه الشهود موجودين ومنهم الاخ نصر الدين
نحن في انتظار تقرير اللجنه يا ترتوره

آمانا ماوقع راجل، وأنا جاي للموضوع دا بي مهلة "طارق"

يا أبا التر: كامري وكمان كمارو! زمنك الحاجات دي ما في، كندا بس!!!!!!! وبعدين نوح ده لقب ساي، أنا أصغر من الباشمنهدس محجوب ترتورة،!!!!!!!

يا منعم بالله براحه على عمك حسن وراق .. انا عفيت من التهمه التى البسنى اليها سنينا عددا ... ياخى الزول ده عنده سكرى وضغط وقاوت ومصران وعدم شوف وقلب منتهى الصلاحيه وفوق ده زهايمر ... عشان كده روق النقه شديد .. الشئ الوصلنى من تاكد انه انا مرقت من شباكه جاتو حاله نفسيه .. ودبرسه وقالوا معتكف ..ومركب جهاز اوكسجين وجنبه غرفة انعاش .. وبارك الله فى الاستاذ ابو شمه وابنته ساره .. مرافقين دائمين .. وساره كرعينا اتكسرن بالمساسقه .. كورة نشأ داخله وكورة حلبه مارقه ..
الغريب انى رجوت الاخ عبد الكريم ما يمرق الموضوع ده لان صحة عمنا حسن لا تحتمل .. لكن ركب راسه وقال لى عشان تانى ما يطاول عليك ويشين سمعتك ..

أمك!!!! الموضوع سخن والكوامر بقت تطاقش!!!! دة حقنا!!!! الله في.

Abdelkarim Awadalla كتب:: أخونا الرائع ترتوره
اقسم بانك كنت اكبر أضافه للمنتدي في الفترة الاخيره
أخونا نصر الدين حكي لنا حكايه ممكن تودي صاحبك الآخرة واعني وراق والقصه في ستينات القرن الماضي عندما كانا سويا في السوق مع والدينا عوض الله ووراق الاب فكان الاخ نصر الدين وحسن وراق مسؤولين عن المحلات في فترة الظهيرة وكان سعر عراقي الدموريه عشره قروش يقوم حسن وراق يبعه بمبلغ حداشر قرش لعمال المحالج الموسميين يعني في كل عراقى عنده قرش زياده نرجو من الاخ ترتوره اختيار لجنه تحقيق محايده لمعرفة السنه ولسوء حظ الاخ حسن انه الشهود موجودين ومنهم الاخ نصر الدين
نحن في انتظار تقرير اللجنه يا ترتوره

يا عبد الكريم نزولاً إلى رغبة الريس سوف نخفف شوية على ديناصور المنتدى ولكن سوف نحتفظ بهذه الورقة عند الحاجة للديناصور ورقة

سامر نوح كتب:: يا أبا التر: كامري وكمان كمارو! زمنك الحاجات دي ما في، كندا بس!!!!!!! وبعدين نوح ده لقب ساي، أنا أصغر من الباشمنهدس محجوب ترتورة،!!!!!!!

آلا تدري يا إبن سيدنا نوح أني والباشمهندس محجوب ترتورة تيمان، يعني إنت أصغر مني بي سنة واحدة،
آل كامري آل، نحن ياحبيبي جيل "اللكسس" تويوتا lexus

ليكس.... وط؟؟؟ يا ترترة حدك لاندروفر عمنا المرحوم ترتورة الاصلي،،، الوقت كلو ضارب الكُدر من بنك هاوس،،، الكمبو للحلة الجديدة--- والربع؟!! آي يا هو ذاتو --- تاني ترتر جاي ولا جاي بخلي على كجرة وبكري حسن وكحيل يفتوا الباقي---- قال لكسيس!!!!! هاك الكارو دي!!!!!!

Abdelkarim Awadalla كتب:: أخونا الرائع ترتوره
اقسم بانك كنت اكبر أضافه للمنتدي في الفترة الاخيره
أخونا نصر الدين حكي لنا حكايه ممكن تودي صاحبك الآخرة واعني وراق والقصه في ستينات القرن الماضي عندما كانا سويا في السوق مع والدينا عوض الله ووراق الاب فكان الاخ نصر الدين وحسن وراق مسؤولين عن المحلات في فترة الظهيرة وكان سعر عراقي الدموريه عشره قروش يقوم حسن وراق يبعه بمبلغ حداشر قرش لعمال المحالج الموسميين يعني في كل عراقى عنده قرش زياده نرجو من الاخ ترتوره اختيار لجنه تحقيق محايده لمعرفة السنه ولسوء حظ الاخ حسن انه الشهود موجودين ومنهم الاخ نصر الدين
نحن في انتظار تقرير اللجنه يا ترتوره

النمرة غلط يا كريم
نصر الدين يقصد شقيقي محمد وراق صديق نصر و زميله في النادي الاهلي ونصر الدين دا جانا ونحن في الثانوي بعد ما اشتغل في بند الشريف حسين الهندي (كادر الهندي ) مع مروان الشريف و النميس .. ايش جاب لجاب يا كريم

سامر نوح كتب:: ليكس.... وط؟؟؟ يا ترترة حدك لاندروفر عمنا المرحوم ترتورة الاصلي،،، الوقت كلو ضارب الكُدر من بنك هاوس،،، الكمبو للحلة الجديدة--- والربع؟!! آي يا هو ذاتو --- تاني ترتر جاي ولا جاي بخلي على كجرة وبكري حسن وكحيل يفتوا الباقي---- قال لكسيس!!!!! هاك الكارو دي!!!!!!

ياإبن سيدنا نوح، هنالك بعض الكلمات والألفاظ تستخدم من أجل التعبير عن الحال، لذلك عندما أذكر ليكسس في هذا الزمن تعادلها كارو في زمنا، وياريتك شفت الحياة السهلة الرغدة التي عشناها في ذلك الزمن، لقد كانت الأمور بسيطة تعدي جزء من يومك في بنك هاوس وتعرج على الرُبع، وتكمل الليلة في حلة فور وتسرح تمرح من غير مضايقات، ويأتي الليل وتسمع صوت الوتر، معنى ذلك أن هنالك حفلة تذهب وتسهر فيها حتى آذان الفجر، مش زي زمنكم الأغبر هذا يكتمون فرح الناس من الحادية عشر، في حين أن الحفلة في السابق كانت تبدأ الساعة الحادية عشر قبل منتصف الليل، والحمد لله أننا لم نعش فترة الصبا في عهدكم الماسخ هذا الذي لا يشعر فيه الشخص بالأمان ولا بالحرية، مراقب من جميع الاتجاهات، جَنَدوا الأشقاء ضد بعضهم البعض، زرعوا الجواسيس في كل ركن من أركان الحي، سلبوا البسمة من أفواه الصغار، جعلوا الجميع يركض وراء لقمة العيش من الصباح للمطاح من دون أن يوفر العيش الكريم لأسرته، كنا في زمننا الجميل نبدأ يومنا بلقيمات مع شاي الصباح ، لقيمات مقلية بزيت نقي صافي صحي خالي من الكلسترول، وليس كزيت صباح الحالي الذي أثبتت الفحوصات المخبرية عدم صلاحيته للإستخدام الآدمي،
في زمننا كنا نأكل الفول المصلح في وجبة الفطور، من محي الدين، أو السر محمد سليمان وفوق ذلك تطلب وصلة مجانية وكل ذلك بأبخس الأثمان، ويأتي المساء وننعم بصحبة جميلة ورائعة ويكتمل الليل وتكون شارب وماكل و........ شاكر حامد.
هل عشتم ياإبن سيدنا نوح ولو جزء يسير من هذا الفرح الجميل الذي كنا فيه؟
وعليك من الإكثار من الجلوس مع بكري حسن وعصام كحيل ليمدوك بكل شيء عني، لأنه لايمكن ذكر كل شيء في هذا المقام

يا ابو التر لك التحيه والزمن البتكلم عنه ده 90 جنيه =110 استرليني كانت الحكومه بتعتمد في اقتصادها علي مشروع الجزيره بنسبة لا تقل عن 70% الدي انهار بفعل بافعل والزمن داك كان موظف مشروع الجزيره افندي والعامل مبسوووط وكان المعلم بغنو ليهو (جيب لي معاك عريس شرطآ يكون لبيس من هيئة التدريس) والزمن داك كان البيت يكون فيه زول واحد شغال وبصرف علي البيت كله ويوفر من الراتب وفجاه قام جونا الجماعه الطبين ديل وجابو معاهم بترول الجن ده الجاب لينا المشاكل ياريت لو ما جه هجرنا وقسمنا وفرقنا وجوعنا وبشتنا ختانا وبرضو تقولي يا بكش 2000 ريال بساوي 2600 الغريق لي قدام وانت قايل يا ترتوره الجامعات دي عملوها لشنو؟دي عملوها عشان يشغلوا بيها الشباب حب وتجكس وحوامه في حدائق حبيبي مفلس واتحداك توريني واحد من خريجين الجامعات دي شغال بي شهادته الا واحد يكون من الجماعه الطيبين .اللهم اني لا اسألك رد القضاء ولكن اسألك اللطف فيه

الله، كلام كبير من شخص يعرف الكثير، انت لو من الأول كتبت كدة كنا عرفنا مساوي زمنا الأغبر هذا، ربنا يديك الصحة والعافية وطول العمر يا طيب يا رائع، وأنا ما كتبت ليك انت بالذات إلا لأنك انسان رائع وأضفت الكثير للمنتدى الأروع، لك التحية صادقة و خالصة من القلب، ولتدم المحبة والصدق والوفاء والاحترام، وبيني وبينك أخير الكارو زمان، نحن حاليا نشوف ونسمع عن جميع أنواع الموديلات، نشوف ونسمع بس، لكن تملك أو شراء، أو حتى مجرد سحبة أو توصيلة ما في أبدا، غايتو الأمل في، والله بدي الجنة، ولا شنو؟؟؟!!!

» حليل زمن الصبا
» حليل زمن "الراجل ينزل الشارع"
» زكريـــــــــات :- يا حليل زمان :- أنتظروا بعد الخربشة :
» خلوة ودالفادني.. حليل ابونا الخليفة الريح (توجد......)
» يا"مراد" آحوي حليل زمن "الجواب" رايك شنو نبعت "اس ام اس" أو "واتساب" ؟؟