يا"مراد" آحوي حليل زمن "الجواب" رايك شنو نبعت "اس ام اس" أو "واتساب" ؟؟

قروبي وقروبك
صفحتي وصفِحتك
إنتهى زمن الأقلام
وزمن الكتابة فات
كل شي سريع ومختصر
زول ساي يقيف يوصف ليك بيت ناس نواي مافي

عمك جاب البطيخ في حوش الجامع بعد صلاة الضهر
وإختيارك لأي بطيخة بحجم السورة البتقراها من القران الكريم "تحفيز"
جوو شيوخ الخلاوي والألواح وقراية المسيد ال عمران ويس والبقرة وعزلوا الاحجام العاتية
وحبيباً لينا "ناس الواتسب والاس ام اس" يعاين ويتمطق وحفظو ما فات سور الصلاة اربعة سور مع الفاتحة
نهايتو عزل ليهو "دقلة" وقال لصاحب البطيخ "أسمع ياشيخنا دي بي إنا أعطيناك الكوثر بتخارج؟؟"

توسل "مراد بوريكي" وتمثل بالتراث "إبعتلي جواب"
ومع إن البوريكي من ناس هذا الزمن المتسارع "الكبرنا وسِمِح"
بحكم الكشوفات العلمية والتكنولوجية
إلا انه لم يلجأ للاس ام اس
ولا الواتسب
فلجأ للتراث وأجاد الإختيار
فـ"المـــراد" أو المنشود حسب "مراد بوريكي"
لاتسعه وسائط هذا الزمن علي دقتها وسرعتها المتناهية
وما يعتمل في الفؤاد والخاطر فوق الإحتمال
وعصي على تلبس الروح "المشحتفة" ولغة الترميز وأدوات "الدلالات"
فالعيون التي في طرفـها حور أشهرت سيوف لحاظها
وهددت السلم والأمن العاطفيين
وأوردت "المولهين" موارد الهلاك "بين الحياة والموت"
ولم تشفع لهم "فطانتـهم"
وإستغرقتـهم حالة من الإندهاش المستغرب
دهشة المقدرة "المهيبة" على إستباحة براحات الأفئدة
وإستغراب مضاءة أسلحة بالغة الأثر والتأثير
مع إنـهن أضعف خلق الله "إنسانا"
وكانت السلوى في "الجواب" المتمنى "إبعتلي جواب"
ابعتلي جواب ..
وطمني
ولو انه عتاب ..
لا تحرمني
ابعتلي جواب ..
وطمني ..
غيابك طال ..
وبستنا
وقلبك مال ..
تتهنى
ان كنت هويت ونسيتني
وعلي جنيت ما رعيتني
ابعتلي جواب ..
وطمني ..
وهل تستجيب الوسائط من غير "الجواب" لمثل هذه المضامين ؟؟

ولا تذكر الابداعات المغاربية إلا بذكر عبد الوهاب الدوكالي
وملحمته الشهيرة "مرسول الحب"
ونشوفا بطريقة "حسنا"

و"حسنا" أضفت عليها حسناً فوق جمالا بـ "البودي سوفستيكيتد لانقوتش"
فالدهشة في هذه الملحمة من المرسول "ذاتو"
مرسول الحب فين مشيتى
وفين غيبتى علينا
خايف لاتكون نسيتنا
وهجرتنا وحالف ماتعود
مادام الحب بينا مفقود
وانت من نبعه سقيتنا
باسم المحبه باسم الاعماق وأحر الأشواق
كان اترجاك اسأل فينا وارجع لينا
يدوم الصمت وتتكلم اغانينا

» حليل زمن "الراجل ينزل الشارع"
» مراد مبارك حسن في رحاب الله
» يا مهدي الامين "المنتظر" !! أها نحن شايفين فيك أحلامنا نحن ذاتنا رايك شنو ؟؟ فيديو
» حليل زمن الصبا
» مزمل يعقوب يكتب ومات مراد . نصير المستضعفين وكافل اليتامى