يــا وطــن :-

مغارب كتب:

يا ساكن الصمت الصبور ،،
يا وطن ،،
المـُدهش إنـّو ،،
ناسك الجـوّة القبور ،،
هم البثوروا ضد كفن ،،
وإنتا بتصـدّر هناك ،،
كـُل يوم ،، أحزان زمن ،،
مسروج وساكت ،،
كأنك أدمنت العفن ،،
نحنا بنقول في كلام ،،
وإنتا مقيود بالرسن ،،
راكبنـّك الناس الغـُلـُف ،،
جوك العزاري بكن ،،
كيف تفض بكـُارة أحلامك بلاش ،،
الحـُريـّة مـُش كانت تكون ،،
تكون تمن ،،
لمتين بنرفـُل في المحن ،،
وإنتا بتصـدّر هناك ،،
من مساحاتك قبور ،،
أكبر من مدارس ،،
من بيوت ،،
من حدايق ،،
ومن النهر ،،
يا وطن ،،
مكسور ضهر ،،

مغارب :-

ماعزبتنا يامغارب