يوميات عزابة دوت نتكوم

حسن وراق حسن كتب:: يا بركة والله كأنك تعلم في اللحظة التي خرج مني محمد رملي انت ارسلت التصبيرة يا سبحان الله
بعدين راس النيفة بتاعك دا اهم ما فيهو تعرف شنو ؟؟
الساوند سيستم ( الاضنين )
الناطق الرسمي ( اللسان )
مختار (المخ )
الجواسيس ( العيون )

ياسبحان الله ، ابو الرمول مالو بقي يفرتق من بدري

غايتو نحنا شغالين بي نظرية ، اوركني واصدرني واجنح نفسك .. اتفقنا نخلي ليك اللسان ( الناطق الرسمي) لانو بعد شوية الواحد حيفتش لسانو مايلقاهو .. بس خليك الناطق الرسمي وابقي عشرة علي المايكرفون

مهدي بكش

دي ناسي عجرم ، قصدي نانسي عجاج .. الواحد بدأ يفتش فى ضلعتو المكسوره

الليله عاطف اسماعيل جاء .. حالتي خليتهو بي هناك وقلت وزعتو

مبارك محمد عثمان كتب:: مهدي بكش

دي ناسي عجرم ، قصدي نانسي عجاج .. الواحد بدأ يفتش فى ضلعتو المكسوره

اديك العافيه ابو النسب وتحياتي لك وللاسره
انت صاحي للان مالك كب الزوقه

مهدي بكش كتب:

مبارك محمد عثمان كتب:: مهدي بكش

دي ناسي عجرم ، قصدي نانسي عجاج .. الواحد بدأ يفتش فى ضلعتو المكسوره

اديك العافيه ابو النسب وتحياتي لك وللاسره
انت صاحي للان مالك كب الزوقه

افو .. انا ابو الباشق ، تعرف ياابو النسب ، الباشق لسع صاحي ( ومضبن لينا ) اظنو داير يقرقش معانا رأس النيفه ده

أنا دابى الليل !! وجاى اشوف خميس ناس حى
العمدة كيف ؟

عاطف اسماعيل كتب:: أنا دابى الليل !! وجاى اشوف خميس ناس حى
العمدة كيف ؟

ههههه
يعني انت كملت الخميسات بي هناك وجاي تداقر ناس حي العمدة فى خميسم ، الحق ياوراق جاك السقد

ماعندكم حاجه توصلنا اركويت ولا شنو؟

عاطف اسماعيل كتب:: أنا دابى الليل !! وجاى اشوف خميس ناس حى
العمدة كيف ؟

خميسك سعيد يااستاذ مع ورقه في حي العمده

عاطف اسماعيل كتب:: ماعندكم حاجه توصلنا اركويت ولا شنو؟

ياخوي حاجتك دي انا عارفا .. انت داير الحاجه كلها عشان تصل اركويت هههههههههه

رأس الخروف ده ماتصلوا .. قلنا ليك ده حق الضيفان

يا فنان ، الخميس عاوز طرب ، ما تغشنا ، قبل ما ناس
حى العمدة يدور لينا فى ساس يسوس .

يا عاطف اسماعيل
اتفضل ابقي داخل
ما فاتك كتير انت فتران كدا مالك جايي من ميدان التحرير علي طول واللا شنو؟؟
ساعدا بالجوع ما تقرب مزة بركة وماعندك مشكلة الزيادة بقت تجي من اركويت يعني توصيلة ملحة
وبعدين الركشات زي الجعارين

يا بركة ، انا جابنى الدرب ، وضيوفك ضيوفى ، حرم كان ما كفاهم
خيرك ، ركهم على تلفون ، وجيك العمبلوك متلب .

وراق
انت ماعارف عاطف صاحبك جاي ساكي ليهو مظاهره .. وشمشم الريحه عرفا علي طول ، كان يكسر كرونه هنا وياخد حق الطريق والباقي بتمو فى اركويت ، بس حق الطريق بتاعو طويل

يا عاطف انت من زمن مهدي بكش
زولك قابض ليهو 3 عرابين حفلات واحدة في ابوجويلي والتانية في ودبهاي بعد ما جضم ليك بتاعة الحي الشرقي فرتقت بي شكلة ناس عمر سبارس ومهدي جميل ما صدق بكش جا قعد شوية قال جايي وكب الزوغة معاه كيمو ببرنسة فور مزاد

عاطف اسماعيل كتب:: يا بركة ، انا جابنى الدرب ، وضيوفك ضيوفى ، حرم كان ما كفاهم
خيرك ، ركهم على تلفون ، وجيك العمبلوك متلب .

ابشروا بالخير
اها عاطف جايب معاهو عمبلوك

لينا الله ياوراق نحنا بنغني ملح
حسنا بحا

يا ورقة ، كتر خيرك ، والله الايام دى ميدان التحرير بقى زى مولد
السيدة زنيب ، الفلول بيقوا يلعبوا بخطة 1. 2. 8 ، لكى يفشلوا
الثورة !! انت الركشه دى عندها باب ولا بابين ؟

صاحبك بفتش فى ابواب الرقشه
قول ليهو ادخل من الباب الشايفو .. الدخول هين لكن الخروج كيف

يا بركة انا كايس لى خريطة طريق لى حاصل الحاصل

خارطة طريف دي كايسا صاحبك بشار الاسد .. انت الطريق قدامك واضح وانت شيخ طريقة

يا الخروج هين لو بمثلث المرايه ،اخوك بيتخارج ، لو ما إنضباط
لو قول كه ما ادراك !!!

لو قال ليك قول كه انت قول كاك وهبشك الماضراك وهو بفهما

» حفل ساهر بعزابة دوت نتكوم ( الدعوة خاصة )
» يوميات يوميات
» يوميات* يوميات
» يوميات* يوميات
» يوميات* يوميات