اعضاء دوت كوم فى وداع (وراق) بعفراء

ممثلاً لوزارة التجارة الخارجية فى الكورس الخاص والذى تنظمه منظمة التجارة الدولية للدول الاقل نمؤاًً فى مقر المنظمة بجنيف-- سويسرا .... غادرنا صباح اليوم حسن وراق على متن الخطوط المصرية لسويسرا لحضور الكورس............. نحن موعودون فى دوت كوم بجولة الكاميرا خارج الحدود.... وعضوات دوت كوم بالثياب السويسرية.................. امنياتنا له برحلة سعيدة وموفقة...........................[list][*]

بالامس كنا هناك فى (عفراء ) جلسه ما منظور مثيله وسط شلالات المياة وخريرها بحضور عدد من اعضاء دوت كوم تجمعوا لوداع ريحانه دوت كوم حسن وراق
حسن كيشو وفائزة السيد بالشاى وقدرت قادر وبت الحصاحيصا حاضرة لاول مرة فى لمات دوت كوم ومحسن كان معنا بلبسة جديدة قال ديه لوداع وراق واسراء بابكر حضرة عبر الهاتف وتماضر قالت عندهم عرس وبتجهز ليهو وبالمناسبة الدعوة ليكم لحضور زواج شقيقة تماضر وابن خاله وليد العشى يوم السبت بصاله المعلم ورحمة قالت بنتها عيانه وعندها حمى وودعت حسن بالتلفون لكن دكتور عباس كان حاضرا وكذلك الركابى وصاحبة الالق بت النيل والتى اهدتنا هذا المكان الرائع
كلهم كان حاضرين وحسن وراق المحتفى به حضر متاخر قال عندو حاجات بيعمل فيها
المهم ضربنا الشاى والكيك وموية الصحة والقهوة واستمتعنا بالجلسة واللمة واتصورنا فى عفراء لكن الصور مشت سويسرا ما عارف تجى كيف تانى
وحسن وراق قعد يزوغ من الهدايا ويشرح للناس انو سويسرا اغلى بلد فى العالم وصحى بصنعوا التياب وكده لكن بتمشى بره
الركابى قال ما ح يتنازل من البنطلون وعمر وزيرى ابو نخرة قال داير ساعة زى حقت استاذ ابوبكر وزيرى
محمد مصطفى المنصورى حضر معنا هاتفيا وحيا الجميع وتمنى لحسن اقامة طيبة وكذلك الكونى
واحده قاعده جنبنا شراها (الجكس ) شربت معانا الشاى واكلت معانا وقالت برضو دايره توب سويسرى
المهم اللمه كانت جميله والمكان كان جميل
ونشوف (ورقه) بعد سويسرا

...

شوقتينا

يا تلودي التوب السويسري ده بتاعي انا شنو كمان جايب لي فيها جكس مشرور يشيل توبي
وبعدين هو عليك الله فى جكس بتشر اليومين دي (صاحبتك جكسوية دقوسة الظاهرة لى)
ولا شنو يا جكس ؟

ayat osman blah كتب:

شوقتينا

ولسه كمان

السمحة قالو مرحلة كتب:

يا تلودي التوب السويسري ده بتاعي انا شنو كمان جايب لي فيها جكس مشرور يشيل توبي
وبعدين هو عليك الله فى جكس بتشر اليومين دي (صاحبتك جكسوية دقوسة الظاهرة لى)
ولا شنو يا جكس ؟

نعمل شنو يا السمحه
البت شروها وحسن وراق قال عشان الشره التوب بتاع السمحه نديهو ليها
وحقك راح

و الله فاتت علي رغم أنفي. تلفون عمار و حسن و رحمة كمان خذولني جد و قعدت أحاول دا و داك نصف ساعة لما زهجت. و فشل الحضور بالتلفون المرّة دي. و رنيت لراشد و تحدثت معه قليلا و مع والده الله يمتعهما بالصحة و طول العمر و كمان الخط قطع و أبي يجي تاني. و الله حكايتو يوم أمس.

بالسلامة و التوفيق يا ابو علي و أتمني تسمح ظروفك تدينا طلة.

خالد
http://www.hoa-politicalscene.com/horn-africas-friends.html
http://www.ezine-act-politics-business-and-love.com/ezine-acts-forums.html

خالد محمد عثمان كتب:

و الله فاتت علي رغم أنفي. تلفون عمار و حسن و رحمة كمان خذولني جد و قعدت أحاول دا و داك نصف ساعة لما زهجت. و فشل الحضور بالتلفون المرّة دي. و رنيت لراشد و تحدثت معه قليلا و مع والده الله يمتعهما بالصحة و طول العمر و كمان الخط قطع و أبي يجي تاني. و الله حكايتو يوم أمس.

بالسلامة و التوفيق يا ابو علي و أتمني تسمح ظروفك تدينا طلة.

خالد
http://www.hoa-politicalscene.com/horn-africas-friends.html
http://www.ezine-act-politics-business-and-love.com/ezine-acts-forums.html

سلام يا استاذ خالد
وقد كنت حاضر فى قلوبنا

[right]والله كانت اجمل لمه ياتلودي

بالجد استمتعنا في حضره وراق بي ليل الخرطوم الجميل

وشاي اللبن وقدره قادر حاجه موباللللللللللللللغه يافائزه

الوداع...
يجـرح.... بساتيـن الخـدود... النديـه
ربنا يوصلك بالسلامه استاذ حسن وعذرا لان ظروفى لم تسمح لى بالحضور
وما تنسى تجيب لى معاك التوب السويسرى
اصلو عمار تلودى مطلع فيك اشاعه

اسراء بابكر كتب:

الوداع...
يجـرح.... بساتيـن الخـدود... النديـه
ربنا يوصلك بالسلامه استاذ حسن وعذرا لان ظروفى لم تسمح لى بالحضور
وما تنسى تجيب لى معاك التوب السويسرى
اصلو عمار تلودى مطلع فيك اشاعه

والله ياحسن وراق إسراء دى إلا تمشى المصنع من المطار مباشرة وتديهم المواصفات (الطول وكده ) عشان لما الكورس ينتهى يكونو خلصوه .... حتوحشنا والله

أتمنيت لو كنت معاكم .....................!!!!
ما أجمل الاصدقاء حين يلتقون فى لحظة صفاء وود متبادل ...
برغم طول الغياب عنكم كنتم تشكلون حضورا فى داخلى ...
بالسلامة العزيز أبو الهول وعقبال الاحتفال بالعودة ....
يا كيشو يكون حسن ممقلبكم عشان العروس ما ح تلبس الا
تياب سويسرية ؟؟؟؟ ودمتم فرح ..........هنداوى