بـ"عافية وشول" العافية تعود لـ"عافية حسن" عبر بوابة محمد حسن السيد والهادي الجبل والموصلي "ده ياهوده ولا ماياهو" فيديو

ده ياهوده
ولا ماياهو
ده ما البلد العشقناهو
ده مش نفس الطعم في النيل
بدون تقسيم شربناهو
شنو الممكن
يخلينا نفكر لو فصلناهو
ده بيتنا وعندو باب واحد
نخش كيف لو قفلناهو
-----
طلعت النخله من تبيت
وحبيت ريحة التمره
ايدي مع الايدين شابت
علي الصحن الملان كسره
ووقتين الحرب قامت عيوني بكن من الحسره
عشان جوبا عندي زي الباوقا
نفس العيله والاسره
--
بحن لي حس مطر سقاي
حكايتومع الارض ايه
بقرتي بغني ليها تروق
وتضحك لينا بابايه
مع الكرجاكه بتونس
تكب المويه حكايه
وصوت نقاره فجآه يبين مع
هبة رياح جايه
--
تكيت عكازي في كتفي
وشلت النمه والدوبيت
شربت البن مع ادروب
وبي رقصة سيوف غنيت
لبست من الغرب طاقيه
في الرمله الدقاقه مشيت
زرعت المنقه والسمسم
حصدت قلوب وسكه وبيت
---
زمن في كونجي كونجي السوق
خطي الماشين وترحابه
صور لي الذكرى في حي نيم
مونكي كتور ،جلابه
جرايد مكتبة موسي
شوارع خضره جذابه
حكاوي من الجنوب ودروب
جوبا المفتوحه ابوابا
---------
وطن بالفيهو حق للكل
ولا بنسال دي صورج مين
هدا العراقي بلبسو جون وطاقية سعف لحسين
صحيح متعدد الالوان ولهجات الكلام والدين
بس الناس من زمان اخوان
وما بحتاجو سودانين
---
ربينا على ارض واحده
وبيناتنا الحنين مشتول
وكل الدنيا بتنادينا بالاسم الجميل يازول
جنوبي شمالي
شمالي جنوبي
والبفصلنا لامنطق ولا مقبول
تعيش كلمتنا في غنوتنا
غنيناها عافيه وشول

من بوست للأستاذ يوسف الموصلي /سودانيزاونلاين

عافية والاستاذ الموصلي "كجبار"

فوق

شغل عجيب

موصلى التقى ايضا فى رائعة اقصر نص
مع تجربة ياسمين ومشروع عفيف
النص لخطاب
وانا ماشى فى شارع مافى
عاينت لقيتك انت الفى
لأنو الشارع مموه فيك ومخفى

» لعناية السيد الباشمهندس /حسن محمد فرح حمتو (عنتر كتلو اعمى )
» مولانا السيد محمد عثمان يليقي بعمد ومشايخ دارفور
» يابناء الحصاحيصا كان المفروض يرشحوا ..... محمد قسم السيد (تية)
» مسدار النصيحة -محمد الحسن ابن عوف - يوجد فيديو
» لعناية السيد / مدير منظمة شعلان الخيرية العالمية لمساعدة (محمد احمد ) المسكين