مابين الحصاحيصا والخرطوم

هذه الابيات ماهى رد على الاخ عبدالمنعم ترتوره وانما هى مفاضلة بين المدينتين هل نرتاح وننجم فى الخرطوم ام نعود للحصاحيصا الام الروؤم اكيد فضلت الحصاحيصا فقلت فيها
نعود للحصاحيصا وفيها ننجم
نجتمع القاصى والدانى وفيها نتلم
نتصافح ونتعانق وبالحب ننعم
وكل ساكن فيها ان شاء الله من الشر يسلم
هى المنشا والملاذ هى الام
اذا جاءها الغريب فى خيراتها يعشم
لايشبع ولايتوقف وبشراهة ينهم
اذا صبر كان من اخلاقها تعلم
وما كان فى يوم بالساهل عليها تهجم
بالله عليكم مافى حقها الغالى اجرم
ما هى حنينه فائضة غناء ونغم
ما سمعنا احد تجرا عليها او ليها شتم
ما انت ام المدائن حبنا ليك الله يعلم
من سكنك اكيد للسعادة غنم
ومن فارقك تملكته الاحزان والندم
قارن بينكما ومن الفرق والفراق انصدم
فطبائع اهلك تنطق الحائر الابكم
وسيرة عمارك تسمع الساهى الاصم
عشان اوصفك فقط لسانى عجز عن التكلم
واذا بحت تجدينى فى حقك اتلعثم
انت غاليه وعزيزة وبحبك اترنم
ان شاء الله مافى يوم ليك نعدم
والله يحفظ من غاب عنك وقطع اليم
ومن مات عليه بالدعوات الصادفة نترحم
ننساك لا لا لا نهواك اجل وبلى ونعم
هذا ماجاش فى صدرى وسطره القلم
ياقلعة الاحبة انت فوق فى القمم
جئتك خاطبا وللنيل ابوك بعظمة اتقدم