عاجل: محلية الحصاحيصا تلغى الرسوم المفروضة على المواطنين

في إطار تفعيل الدور الكبير تجاه المواطنين ودفعا للمجهودات التي تنصب نحو خدمة المواطن. قررت محلية الحصاحيصا والوحدة الإدارية وامتدادا لدورها الخدمي الكبير نحو تطوير المحلية ورفع المعاناة عن كاهل الموطن وأسرته . إلغاء كافة الرسوم المفروضة على المواطنين
. والرسوم التي تم إلغائها هي :
• العوائد
• النفايات
• رسوم الهواء
• الزواج والطلاق
• رسوم الخطوبة وقولة الخير
• رسوم بيت البكاء (( خبر أو مباشر ))
• الضحك بصوت عالي
• رسوم النفس الطالع والنازل
• رسوم النوم (( مروحة – مكيف – ناموسية ))
• رسوم المشي على شارع الظلط سابقاً
• رسوم شراء كيلو لحمة
• واى رسوم أخرى سوف تفرض في القريب العاجل

يسرى القرار اعتبارا من اليوم الاحد 4/1 /2012
كل عام وانتم بخير وربنا يوفق الجميع

كل أبريل وأنت بخـــير

يفرحــك الله بكمية وليدات ... تحميهم بالخرطوش

ااااااااميييييين انا برضو ذي سركيس ياوليد

الله يديك عشرة من الضكور وعشرة من الأناتي ....

اميييييييييييييييين يا رب
لكن يا اخوانا ديل اجيب ليهم الرسوم من وين

المحليـــة موجـــودة

الله يكفينا شرهم, والله دوبك ذكرتهم لينا الحاجات دي, ح يقعد عبد الباقي وباقي جماعتو ويدرسو الموضوع دا, وتكون يا وليد عملتها فينا!!!!
بعدين ياوليد الجماعة ديل كل شوية يغيروا الملجة من محل لمحل, والجزارة ويعملوا دكاكين في حوش المحلية ذاتو, بقوا مشغولين بالفارغة, الله يشغلهم بعذاب الناس, الله ينتقم من كل ظالم (استثماري).
وقال ليك عبد الباقي ودوه أبو عشر نظام(استراحة محارب) كدا, المحلية فلست, قاموا رجعوه بقرار جمهوري.
ناس المحلية ديل يفرطوا في أي شيء إلا زول بجيب قرش(حلال حرام)
دي ذكرتني نكتة الراجل القال لي بتو (عليك الله الجبتيهو دا أكل زولا مطنش؟؟؟).

عاجل:
رسوم المسكول
رسوم الفيس بوك

وكمان نسيت رسوم قارعة الطريق : يعني الجلوس في طل العصر أمام البيت الخاص بك

أحتسبوا اخوتي الاكارم ...

كده إحنا ما أصبحنا رقيق ياالعشي
بعد الرقم الوطني قلنا ماأظن بكون في شئ تاني خلونا ذي بقرة المحبوب مرقمين وقالو لزوم العولمه وكده
ماتنسي ياالعشي رسوم سياجات الشارع وقريبا دخول المساجد
والكنائس معفيه تمااااااااااااااااااااااااااااااااااااااااااااااااما
كده ياباقان فرحان

هذا القرار يسري لمدة يوم واحد فقط وبعدها سوف يبدا تركيب الجهاز الجديد واسمه زنقة زنقة
الشيئ المؤكد - هو ان هناك جهاز جديد هو تحت التجربة وهو جهاز قياس الاحلام
لان الاحلام كما يقول المسؤلين لن تكون مجانا وقد قال كبير المسئولين ( انتو قايلين البلد سايبة نسيبكم تحلموا على كيفكم فمنذ الان لدينا جهاز سوف نركبه في كل سرير وكل برش لنقيس به احلام كل شخص وكلما كانت الاحلام كبارا كانت قيمة الضريبة كبيرة - يعني واحد سايق ليهو عجلة او دراجة وحلم في الحلم انو سايق ليهو
اتوس سوف نفرض عليه ضريبة ربع القيمة من سعر الاتوس ويمكن ان نساعده على ان يسددها على اقساط
حسب دخله).
والجهاز الجديد يركب في السراير والعناقريب الهبابي وحتى البروش التي ينوم فيها سائقي العربات
وهذا الجهاز قد جعل الناس تخاف من النوم حتى لاتحلم وتدخل في التزامات مالية لاطاقة لهم بها
وقد قال الشاعر: كابوكي

أطرد الأحلام يا جميل أصحى
قوم نقضي الليل في ضفاف النيل ومانحلم باتوس ولا حتى كان ركشة
لان ذاك سوف ياتي بناس بالضرائب وناس الكشة
وعندها سوف تعرف ان نور الظلام لن يمحى
ولن تعرف الاحلام ولا الوجوه الباسمة ومنشرحة
كل شيئ غير ميسور والظروف غير سمحة

كابوكى وبس
يوجد سهر

ههههههههههههههههههههههههههههههههه
تلغي الضريبه علي رأس المواطن عشان ينوم طوااااااااااااااااااااااااااالي ومايفكر يقول نرجع تاني لبكره

عاجل
الغاء رسوم نومة النهار
الغاء رسوم الزول البيضحك مرتين فى اليوم

والله ياابو عبداللطيف انا قايلو زواج حسن وراق

» من تمبول الى اسطنبول.. محلية البطانة تتفوق،محلية الحصاحيصا....!!
» عاجل جدا الي لجنة أمن المحلية (المواطنين في خطر)
» عاجل: اضراب الجزارين بالحصاحيصا وتذمر وسط المواطنين((توجد صور ))
» عاجل زيادة اسعار الخبز البلدي يثير قلق المواطنين بالحصاحيصا - توجد صور
» عاجل جدا عاجل جدا ..اعفاء وزير الاسكان ونقل مدير اراضي الحصاحيصا