السكن مع أهل الزوج

لا انصح ابدا بالسكن مع اى من الطرفين . للاحساس الذى تمنيته كثيرا ان اصبح الملكه المتوجه

بمنزلى .وحفاظه على اى خصوصيه بيننا وقد سبقتنى الاخت هبه بتفاصيل اوايدها بها كثير

وقد بكون الاخ عاطف قد تحدث عن الامكانيه فى بعض الحالات . لكى يبعد الانسان عن جميع ضروب المشاكل

ويرتاح دماغو .فاليتانى قليلا الى حين العثور على منزل له ولشريكة حياته او فاليصم فانه له وجا. موضوع جميل

وعشان ما نصعب الامور ممكن تسكن فقط ان يكون لها جميع مخصصاتها واولها المطبخ اس المشاكل .

تحياتى ليك اخ ترتوره [right]

ما بسكن مع اى زول - لى و عشان شنو . مافى قروش نسكن معاهم و نعمل حيطه و باب شارع و عشان نزورهم ندق الباب و عشان يجونا يدوقوا الباب - الكلام ده ما للنسابه براهم - ان شاء الله لاى زول - و تدوم الالفه - القرب الشديد ياجماعه بعمل مشاكل و نحنا السودانيين عندنا قلنا و قالوا و بعدها لبس الثوب عند الباب و جرى على الشكل .

اخونا عاطف و الله كلامك ده فيهو حلاة رد و كمان بتوسع - بس اسى انا مشغوله شديد - لكن عايزه اقول ليك سبحان الله كنت بشرب فى عصير تبلدى كاااااارب

الواقع شئ و الكلام السمح شئ تانى - و احسن نكون واقعييين و نقول الحاصل - فى فرق بين الزمن البتتكلم عنه و الزمن العايشينو فى فرق بين الليله و امس - و الليله و بكره - فى فرق بينك و بين اخوك - و فى فرق بين اصابع اليد الواحده .

و بعدين الحيطه مالها ما ممكن نكورك بيها للجيران و نناولهم الفطور و يضوقونا - المشكله شنو - و من ناحيه دينيه احسن للمره يكون عندها بيت براها عشان لما تفتح الباب تكون مستعده - مش لما الزول يجى داخل و تكوس الثوب ،،،،،،،،،،،،

و الظاهر انو الدخلت فيك من عيد الحب ماااااااااااامرقت - ياربى ده عيد الحب بسوى كده و طيب الحب بسوى شنو ؟؟؟؟؟؟؟؟؟؟؟؟؟؟؟؟؟؟؟؟؟؟

الاخ عاطف : تحيه طيبه و مباركه تحمل كثيرا من الامتنان
لقد فات عليك ايها الكريم انو البسكن بهناك للحيطه ببقى جار بغض النظر عن هو منو امك او اختك او اخوك – يعن انا مازغت منها و مشيت لحيطة الجيران ., زى ما انت موضع اعلاه – و بعدين الحيطه دى فيها حلات ونسه – و اتطورنا شويه بقينا نعمل " missed call" معناه يافلانه تعالى بالحيطه .
و فى فرق بين الشئ المعنوى و الحسى و الملموس يعنى الحيطه عمرها ما اثارت مشاكل و لاح تكون محل خلاف – الا اذا كان هنالك شئ فى نفس يعقوب . و بعدين الكايس سبب بقول ليك مالك مكتحنى بالتراب فى نص البحر .
بتتكلم عن اوضه يعنى اربعه جدران فى بلد بتصل فيهو درجة الحراره لى 40 درجه مئويه – ياربى المره دى شنو تقعد فى الاوضه و ما تمرق الا بى ثوب ؟؟؟ - ليه القيود – و ممكن تكون غير محسوسه بالنسبه للرجل و فى حريات شخصيه يا ريت نصل لمستوى ادراكها دون ان تتفوه بها الانثى .
و بالنسبه لى سؤالك الاجابه عليه فى البدايه --- ارجع لى وراء شويه و بى رواقه و اقرأ انا كتبت شنو .

فائق تقديرى

((تاااااااااااااااااااااااني قُمنـــــــا))،،
رزان وعاطف عمر،،،،

الأخ/ عــــــاطف عمر
سلام وتحايا،،،،
انا لست متحيزة ،، ((لأي)) منكم،،،
ولكن أخي تمعن كلام ((رزان)) فهي تقصد اشياء واقعية ومعاشة واشياء نجب ان نتخطاها إذا امكن ذلك ،،
ف ((رزان)) صدقنى ((رزينة)) زي(( اسمها))،،
لك مودتي،،،

الاخوات الفضليات / تغريد ورازان

متعكما الله بالصحه . سؤال الاخ ترتوره مضمونو اتغير . بقت ابعد من حيطه وباب شارع

زى ماهو واضح لينا . نحنا متفقين فى الرأى بس لما المسأله فيها امو وابوه ما غيرهم

هنا التضحيات القليله لابد من تبان . ومعادن الناس بتظهر . الوضع اختلف حبيباتى

عايزنو فى الاطار دا هل ممكن تعيشو مع امو وابوه ولا لا وهم فى حوجه لابنهم .

ز[center]

الفاضل : عمر
عندما عرض الزميل ترتوره الموضوع كنقاش لم يقل ظروف استثنائيه- بل عرض main point” و ترك الباقى للنقاش و التحاور و ابداء الآراء – و اذا دار محور حديثك عن الوالد و طبيعة عمله و انه خرج من دواوين الحكومه بدون حمص – فوالدى اكرمه الله و حفظه و مد فى عمره عمل بمشروع الجزيره سنين طوال و اسس كثير من المكاتب و تررعرنا فى تفاتيش مشروع الجزيره نستنشق هواءها و نتنسم بطيب ثراها و نأكل مما جادت لنا ارضها من ثمارها بمختلف اشكالها – و ركبنا من السيارات مثنى و ثلاث ورباع مختلف موديلاتها و سكنا ببيوتا كانت فى وقتها قصورا تبين للناظر من على البعد – و انتهى بنا المطاف بالمعاش تاركين كل ذلك خلفنا عدا بيت ورثناه من الجد مصطفى حسن عليه رحمة الله –
لم تنتهى الحياه بانتهاء العمل بالمشروع – بل كافحنا كان على كل فرد منا ان يشق طريقه و ان يثبت ذاته و ان يحقق طموحه فى بلد يصعب فيه نيل المراد – و لكن عندما تكون الاراده اقوى و الامل بالله اقوى يتحقق مانربو اليه و لو بعد حين .- فالحياة لاتقتصر على السكن فحسب فهنا فى بلادى من لا يجد قوت يومه –
لا اريد ان انحرف عن لب الموضوع و لكن اصر على السكن المنفصل سواء كان فى منزل واحد او منزل منفصل ايضا و اذا كان معرض حديثى عن الحيطه دون الباب – فذلك لانها تقرب كثيرا من المسافات ليس تجاهلا للباب "الذى يفوت من تريد ان يفوت ".
لا اعتقد انى اثير فتنه قد تشتعل هنا او هناك بسبب السكن المنفصل – و لا اعتقد ان هناك عقولا تتاثر باراء البعض دون تفكير و تمحيص – و دون درايه بما يحيط بها من عواقب او بما يترتب عليها من ضرر ان كان من المتوقع كما تعتقد . فالنساء فى بلادى عاقلات حكيمات .
اما عن وجودى خارج السرب و الاف سايد و كما يحلو لك ان تعبر – و ان تتخيل و ان تكتب – فهذا من وجهة نظرك انت لا احد غيرك – و احترم وجهة نظرك و اقدرها جيدا و ان كنت قد تماديت قليلا بعد ذلك """"""""""""""""
انت لا تعرفنى جيدا لم تتعامل معى فكيف يكون حكمك بعدم الرزانه بمنتهى السهوله – لا ضير فلك العتبى .

كوثر يوسف عبدالصادق كتب:

الاخوات الفضليات / تغريد ورازان

متعكما الله بالصحه . سؤال الاخ ترتوره مضمونو اتغير . بقت ابعد من حيطه وباب شارع

زى ماهو واضح لينا . نحنا متفقين فى الرأى بس لما المسأله فيها امو وابوه ما غيرهم

هنا التضحيات القليله لابد من تبان . ومعادن الناس بتظهر . الوضع اختلف حبيباتى

عايزنو فى الاطار دا هل ممكن تعيشو مع امو وابوه ولا لا وهم فى حوجه لابنهم .

ز[center]

العزيزه كوثر : لم تتح لنا فرصة لللقاء اتمنى ذلك حتى نتعرف اكثر
لا ما نع ان يمتد النقاش اكثر و ان ياخذ ابعاد اخرى - فالموضوع الناجح هو الذى ياخذ ابعادا - اكثر من التى كان يتوقعها كاتب الموضوع - و النقاش يتيح فرص اكبر للاراء باختلاف انواعها . فلماذا الحصر دعى الامر كما هو و الكل يكتب " و ياكوثر التضحيات نحنا اهلها مش نحنا سودانيات - منو البقدر على البنسوى فيهو "

ياجماعة الخير سلااام ---- ممكن ندخل --- عن اذنك يا ترتورة

من واقع التجربة العملية السكن المنفصل عن الاهل هو افضل خيار وخاصة بالنسبة للمرأة الغريبة عن اهل الراجل والاسباب كثيرة منها علي سبيل المثال لا الحصر اختلاف الامزجة و طريقة الحياة واختلاف المستوي المعيشي والتعليمي للمرأة عن اهل الراجل كما ان التداخل الشديد يقود لا محالة للمشاكل ولكن هذا لايعني وجود استثناءات كما ان هنالك ظروف كثيرة تجبر الطرفين علي السكن مع الاهل منها كمثال محدودية الامكانيات وضيق ذات اليد او عدم وجود راعي اخر في البيت او مرض احد الوالدين لكن كما اسلفت احسن كقاعدة عامة تكون بعيد وتجي زيارات وتجيب اولادك كده بكون الاهل مشتاقين ليكم موش كل يوم معانا

ما اختلفنا . كلما اخد الموضوع جوانب كتيره زادت الاراى واختلفت . واحتد النقاش البناء

ياريت نعمل حسابنا شويه فيما نقول عسى الا يؤخذ علينا . ونتهم بما هو ليس فينا

والله يا رازان المراة السودانيه عامتا فدائيه امراة ضيفان واخت اخوان . والمتحملاهو

تنوء عنه الجبال . بس لمين يقدر . فالرجاء نعمل حسابنا فى كلما نقول . والله ترتوره

واخوانو راصدننا . ودمتى

[center]

لقد الفت المنتدى بكل نواحيه و زواياه و اقسامه – لقد الفته بكل معجبيه و محبيه و رواده – فليس بعد الالفه الا التسامح ....