تحية عاطرة من سمى كومر

بدرى صحيت من نومى أنا بدرى صحيت من نومى وينتابنى احساس حلو وابتسامة نامت معى من الامس وانا اتابع ناس ام تى ان وكورة البارشا (البارسا) وقوون الود مسى الجابوهو فى اليوتووب وخلينا منو انا اصاحبى فى الفيس الفين ودقداقة والحاج عوض عثمان وصل الالف يا دووووب ههههههههه.
اها الابتسامة دى خلتنى ازكر ناس عزاز على نفسى عزاز دى حلوة بتزكرنا البنت حديقة الفاكهة المشكلة ندى القلعة (عزاز علينا شالوا نوم عينينا ).
نرجع لما ينتابنى من احساس حلو ممزوج بدعابة خشنة لناس فى الزاكرة دوما وأنا تحت ماء الدش الداشر بقوة دفع رباعية لم الأفها منذ مدة انعشتنى فانطلقت حنجرتى تصداح لحن تسعينى منذ زمن التمكين وحقائب الجلد المتدلية من الكتوف واللحى الحنكية طالع نازل من غير تنسيق بالمناسبةا للحى الحنكية مصطلح من بنات افكارى يعنى ممكن اسجلها فى حقوق الملكية الفكرية . اها ومن توابع التمكين اخت ملتفحة بعياءة خشنة الخيط داكنة اللون واسعة لا تشف ما تحتها متبوعة بالجوارب والصندل الزاحف مع بطاقات انا السودان واخوات نسيبة وام المؤمنين الجهادية ومنظمة مصعب بن عمير التمكينية مع مصطلحات وزخيرة لغوية منتقاة من شاكلة نحسب وجعلها الله فى ميزان حسناتك وهى لله وجزاءك الله كل خير والخ...
نرجع للعناء تحت الماء حلوة مش كدة تحت الماء دى برضو من عندياتى مع تحياتى لاهلنا فى حلفا نستعير منهم من عندياتى .
اها صدحت باغنية التسعينات عهد التمكين ومزيج ماء النيل مع ماء المجارى يغمرنى باندفاع غير مالوف بتلك الاغنية : وسفينة الانقاذ سارت لا تبالى بالرياح .... اليوم اصبح وجاء دورك يا صباح ... فضحكت ونفضت الماء من جسدى وتزكرت الناس القلتهم قبيل عزاز على نفسى كوامر اليوم شباب الامس بدء بمحبوبى والربو وورقة بن نوفل والجاهورى الصهيونى وود الجاك وابو عمر وود الجمل وابو السراكيس والسمى كوامر والبلى من حسناوات المدينة الانثى على قول ابو حراز (رد الله غربته التى طالت من دوت كوم) وتزكرت الشيوخ ناس الادمن وناس كيشو وماما فائزة وابنهم المشاغب مغاربى لكل من زكرته ولم ازكره تحياتى وانا اقول لهم احبكم حقيقة احبكم مجاز وابقوا ظاهرين ومتلمين ومحتفلين العشاء يوم عند ترتورة والقهوة مع صداح لزوم الفكة والتحلية عند ناس الباسطة ناس مارينا وناس الايسكريم جوار الاسبتالية ويا حليل دوار سلوى والفل مون والكونى والجعفروون .

بدريتو كيفك شنو مختفي كدا ... ليك وحشة الحمد لله الواحد ما لقي روحوا

لا مع الكوامر ولا الشيوخ ركزنا مع البلي برضوا مافي ... خلاص ادينا طلة في

بيت العزابة ياعنقريب المحبوب والا في بيت البكاء قاعديييييييييييييييييييين ...

تسلم ياراقي ومشتاقوووووووووووووووووووووووون

يا ابو الجوج رايك شنو فى السمى كومر دا قال سمى كومر قال[center]

ياتيفو الود لسه صغير سمي كومر بس .... بختك ياحبيب

بدريتو نحياتى .

والله يا بدريتو خيول عيونى كانت تسابق الريح . عندما بداءت بذكر اسماء الكوكبه الجميله

كنت احسب ان هنالك بعض الشخوص قد نسيتهم فى زمرة اندياحك بالماء المنهمر

لكن الحمد لله لقيتهم خاتمين بيهم العقد الفريد . تسلم يا بدريتو
[center]

الليلة وين ب وين عجبونى سرو العين يا عينيا توفى فى بوستنا اكيييييييييد ده من ابو الجوج و الخروج من بوست الايسكريم وتسلمى توفينا على المرور وكسر الاشارة وبرضو سمى فاينل كيييية ليك وكان مغالطنا أسالى المحطة الوسطى .
الجعفروون ما عرستا واحده فيهن متابعنكم بالطواالة .
تيكو تسلملى خيول عينيك النعسانا وهو انا اقدر ما اجيب سيرة البحر والماء المنهمر .
اها برضو نفسى اقطع الكبرى

يا الصداح السفينة دى فى الشيمة من الاول من يوليو 89 بس قالوا بركات الشيخ مثبتاها وكل ما تدور تغرق برموا منها زول بدأ بقبطانها ونهاية بكرم الله .
تخريمة وكده القهوة دى برانا ولا معانا الخيانة
الربو بتثنى انت ما فيها تنش تنش

"بــــدوري" حلـــوة مش كـــدة ... يا أبو الكوامــــر

تحية عطـــرة

طيب انا كان ابوهم ناس وراق وكيشو والربو والمحبوب والجاهورى والادمن وناس دكان ود البصير ههههه اطلعوا جدود الكوامر .
تخريمة يا سركيس :
دحين انت ما كنت فى ثالث ونحن فى الصف الاول (ج)

حبيبي يا بـــدر تحية وشــوق دقش دقش

أنا في رابع وإنت في أول "ج"

شــوووووووووووق زيادة والليلة الخميس والجماعة مطنشين ..

أظنهم كابين الزوغـــة

Badr Abbas كتب:

بدرى صحيت من نومى أنا بدرى صحيت من نومى وينتابنى احساس حلو وابتسامة نامت معى من الامس وانا اتابع ناس ام تى ان وكورة البارشا (البارسا) وقوون الود مسى الجابوهو فى اليوتووب وخلينا منو انا اصاحبى فى الفيس الفين ودقداقة والحاج عوض عثمان وصل الالف يا دووووب ههههههههه.
اها الابتسامة دى خلتنى ازكر ناس عزاز على نفسى عزاز دى حلوة بتزكرنا البنت حديقة الفاكهة المشكلة ندى القلعة (عزاز علينا شالوا نوم عينينا ).
نرجع لما ينتابنى من احساس حلو ممزوج بدعابة خشنة لناس فى الزاكرة دوما وأنا تحت ماء الدش الداشر بقوة دفع رباعية لم الأفها منذ مدة انعشتنى فانطلقت حنجرتى تصداح لحن تسعينى منذ زمن التمكين وحقائب الجلد المتدلية من الكتوف واللحى الحنكية طالع نازل من غير تنسيق بالمناسبةا للحى الحنكية مصطلح من بنات افكارى يعنى ممكن اسجلها فى حقوق الملكية الفكرية . اها ومن توابع التمكين اخت ملتفحة بعياءة خشنة الخيط داكنة اللون واسعة لا تشف ما تحتها متبوعة بالجوارب والصندل الزاحف مع بطاقات انا السودان واخوات نسيبة وام المؤمنين الجهادية ومنظمة مصعب بن عمير التمكينية مع مصطلحات وزخيرة لغوية منتقاة من شاكلة نحسب وجعلها الله فى ميزان حسناتك وهى لله وجزاءك الله كل خير والخ...
نرجع للعناء تحت الماء حلوة مش كدة تحت الماء دى برضو من عندياتى مع تحياتى لاهلنا فى حلفا نستعير منهم من عندياتى .
اها صدحت باغنية التسعينات عهد التمكين ومزيج ماء النيل مع ماء المجارى يغمرنى باندفاع غير مالوف بتلك الاغنية : وسفينة الانقاذ سارت لا تبالى بالرياح .... اليوم اصبح وجاء دورك يا صباح ... فضحكت ونفضت الماء من جسدى وتزكرت الناس القلتهم قبيل عزاز على نفسى كوامر اليوم شباب الامس بدء بمحبوبى والربو وورقة بن نوفل والجاهورى الصهيونى وود الجاك وابو عمر وود الجمل وابو السراكيس والسمى كوامر والبلى من حسناوات المدينة الانثى على قول ابو حراز (رد الله غربته التى طالت من دوت كوم) وتزكرت الشيوخ ناس الادمن وناس كيشو وماما فائزة وابنهم المشاغب مغاربى لكل من زكرته ولم ازكره تحياتى وانا اقول لهم احبكم حقيقة احبكم مجاز وابقوا ظاهرين ومتلمين ومحتفلين العشاء يوم عند ترتورة والقهوة مع صداح لزوم الفكة والتحلية عند ناس الباسطة ناس مارينا وناس الايسكريم جوار الاسبتالية ويا حليل دوار سلوى والفل مون والكونى والجعفروون .

أقوم من نومي بدري أقول لماما كيف أصبحت

يا ابو السراكيس تعرف اخونا الكومر ترتورة دخل مرحلة الزكريات وصندوق الزكريات وبقى يونس فى روحو بالصور القديمة لكن طلع ليهو ناس من الارشيف ناس خالد ورقة والبترول المعتق .
ما قلتا لى كنت فى سنة رابعة والله معليش صغرتك سنة لك العتبى حتى ترضى