عبد المنعم ترتورة عريس

[img]

[/img]
معاز جعفر والعريس أنا

[img] عبد المنعم ترتورة عريس 66125530

[/img]
فتح الرحمن النحاس و بكري حسن والد البوردابية يمنى

[img] عبد المنعم ترتورة عريس 94316541

[/img]
أيضاً بكري حسن والد البوردابية يمنى حسن

[img] عبد المنعم ترتورة عريس 41566742

[/img]
والجكومي

[img] عبد المنعم ترتورة عريس 50133246

[/img]
عادل أبو خرطوش والمرحوم طارق محمود والعريس أنا

[img] عبد المنعم ترتورة عريس 40830321

[/img]
راشد عبد الرحيم وإبتسامة عريضة

[img] عبد المنعم ترتورة عريس 79556829

[/img]
من اليمين كارتر، عبد المنعم عنكل، والعريس أنا، د. بكري حسن عطا المولى ومن الخلف راشد عبد الرحيم وزروق

[img] عبد المنعم ترتورة عريس 95539242

[/img]
د. بكري حسن ، عوض علي إدريس، وجكوني ، وكارتر وهو يكشف

[img] عبد المنعم ترتورة عريس 68423797

[/img]
بكري حسن والد البوردابية يمنى ود الزعيم حسين علوب

[img] عبد المنعم ترتورة عريس 80507025

[/img]
محمد بدوي، والمرحوم طارق محمود ، العريس أنا ، عصام الدرديري، الباشمهندس عصام كحيل

[img] عبد المنعم ترتورة عريس 82550372

[/img]
جارنا عبد الرحمن عبد الكريم ، مصعب الحاج، جكوني الكشحة

[img] عبد المنعم ترتورة عريس 98369460

[/img]
سيف إبن عم المرحوم الزين محمد بخيت ، ود السعيد ، المرحوم الزين محمد بخيت، وميرغني عبد الحفيظ

[img] عبد المنعم ترتورة عريس 87480963

[/img]
وفي الختام خالد ورقة في إنتظار البترول، وهذه الأحداث كانت في أواخر شهر يونيو من العام 1987 ‘ عشان تعرفوا أن العيال كبرت، وهذه اللقطات كانت في منزلنا بالحلة الجديدة ليلة الحنة الصغيرة

يا خي دي ذكريات عجيبــة

والله هسع جنس كوامــــر .... تعرف يا عبد المنعم الناس ديل معظمهم كانوا في الوقت داك في سن أصغر من سن أولادهم حاليا.

واللة ياترترة مبالغه والف مبروك ياخي دي اجمل سهرة من الإرشيف والرحمة للذين انتقلو للرفيق الأعلي وطول عمر وصحة للأحياء بس البوست خطيير

الأخوان سركيس وودعيسى لكم التحية، الكلام دا كلوا عشان تعرفوا مافي واحد بتولد كومر،ورقشات اليوم سوف يصبحوا كوامر

حياك الله عبد المنعم وربنا يخلي ليك العيال

يا أخوي الشباب في القلـــوب ... العاوز يبقى كومر بيبقى والعاوز يظل شاب ممكن

لكن المرحوم هاشم ده ما عرفتو .. وضح لي

ياترتورة ياعجيب نكتها من وين الصورة دى ايام العرقى بالباقة والجالون ايام الشية بالكانون ياحليل ايام زمان والله صراحة صراحة صورة معبرة لكن العرقى دى من وين حلة فور ولا بنك هاوس والكان بديك كاسك منو وانت محنن والله ذكريات طيبة ياابوالتر وربنا يديك انت والعيال العافية .

يا الله صراحة صور روعة روعة... وراشد وزروق ديل ما شاء الله
التقول مقرشين مافي تغيير كتيير... اب خرطوش كان بيجبدهم اتنين اتنين هههههه...
فعلا زمن جميل ... سائلين الله ان يرحم من توفى منهم ويعطي العافية للبقية

الجـــراوي

طاب يومك .. هو راشــد وزرق براهــم .... شــوف الســعيد ... عليك أمان اله لي يوم الليلة شعرة بيضا ما في رأسه... هـو سعـــيد قبل عشرين سنة

لكن كارتر مبسوط بسطة تمام ... يحسدوه عليها

ههههههه اهلييين استاذ أحمد ود السعيد ده من يومو (مخزن)
ما شاء الله تبارك الله مما شفتو ياهو زاتو

تحياتي العم عبدالمنعم
شكرا علي هذه الصور وعلي هذه الذكريات
التي من خلالها احسسنا كاننا عشنا فرحك.
ومن خلال هذه الصور يمكنني ان اتخيل ملامح عن
شباب الوالد وحياته الاجتماعيه وقد ارجعته هذه
الصور الي تلك اللحظات الرائعه.

والرحمه علي من فقدتموهم ودوام الصحه والعافيه لك وللبقيه
ولك الشكر مجددا.

شفتي يا يمنى كيف كان ابوك صـــغير ... وشاب حليو .. تحياتي له

عمو أحمد سركيس

رايك شنو ياترتورة نرجعك لعام 1987 وانت مغترب فى المملكة

تحياتى والله يعطيك العافية والصحة وللاسرة الكريمة .

بس بالله عليك ورينا حكاية ترتورة وعزالدين الكملوا البنزين دى شنو .

أحمد سركيس كتب:: حياك الله عبد المنعم وربنا يخلي ليك العيال

يا أخوي الشباب في القلـــوب ... العاوز يبقى كومر بيبقى والعاوز يظل شاب ممكن

لكن المرحوم هاشم ده ما عرفتو .. وضح لي

تحياتى يا سركسة
شكلوا ترتورة نام مع ذكريات الزمن الجميل
الصورة الموجودة تخص الاخ سيف بخيت شقيق المرحوم هاشم بخيت. وهم ابناء عم المرحوم
الزين محمد بخيت له الرحمة والمغفرة
تحياتى يا ترتورة وربنا يخليك لينا

ولي ... لك الود والتحيـــة

والشكر على المعلومة ... فأنت موسوعة الحلة الجديدة

[b]ترتوره والله بالغت الف الف ميروك علي الزواج ولكن في معلومه اطلبها منك لوجبت صوره للفنان الغني في عرسك ولك الشكر ومازلت في ريعان الشباب

هذا البوست حدث ..صور تستحق ان تفرض عليها رسوم مشاهدة.. حسين علوب منفخ من تبلع السجق وآية الله خالد ورقه لسع ما حكّ راسو.. الصورة دي فاقدا بندي وعلي نقش اظنهم مشو يجيبو تلج
حتي لا يضيع البوست ارجو ان تحرص علي تحويله بعد فترة الي توثيق الصور
دمت يا ترترة

تحياتي لكل من علق ومن لم تسعفه الكلمات على أن يعلق على هذه الصور، وحقيقة الأمر ما دفعني إلى ذلك هو الصور التي نشرت بمناسبة زواج إبنة حبيبنا وصديقنا في الزمن الجميل قرشي على، أو ما يحلو لنا أن نطلق عليه "مقرشة"، ومن ضمن الصور وجدت صورة للأخ بكري حسن والد البوردابية "يمنى" النشيطة وبالذات في مجال التوثيق لشخصيات الحصاحيصا، لذلك أحببت أن قدم لها مفاجئة سارة، أن ترى صورة والدها قبل 25 سنة، وبالمناسبة الأشخاص الذين ظهرت صورهم لم يتمكنوا من رؤية هذه الصور من قَبْل لأني إحتفظت بها في بلاد الغربة، ولكل من لديه صورة سوف تصبح له عبارة عن مفاجئة.
وبكل صراحة كنت لا أتوقع أن يجد هذا البوست كل هذه الشعبية، وهذا إن دل على شيء إنما يدل على حُب الجميع للزمن الجميل
تحياتي للأخ أحمد سركيس، وهذه الصور توضح لكن من ينعتنا بالكوامر خليهم يشوفوا الكوامر كانت حياتهم جميلة وبسيطة ورائعة في نفس الوقت، وفي نفس الوقت تجدني يا سركيس آسف لهذه المعلومة المغلوطة من غير قصد بين سيف وأخيه المرحوم هاشم، والحمد لله هنالك موسوعة الحلة الجديدة الأخ وليد قد صحح المعلومة، له مني كل التقدير والود.
وبعدين ياود الريح، بالإضافة إلى الجركانة هنالك زجاجات الفرات لزوم الكَسِر، وبعدين شربتنا دائماً من القيادة العامة "فور"، وراشد عبد الرحيم ربنا يديه الصحة والعافية، ما بيقصر في مدنا بالتموين وبصفته وزير العريس.
وإلى الجراوي تحياتي لمرورك وتحياتي لجميع الجراوة في المهجر وفي داخل الوطن.
وحبيبنا محمد الأمين تحياتي لك وللأسرة ، إن أيام جدة لا ترجع ولا تُعَوَض، بتواجد الأخوان الأعزاء من الحصاحيصا، وسوف تبقى أيام جدة في الذاكرة مدى الحياة
تحياتي لك مهدي بكش، مع الأسف الشديد لم يكن هناك حفل نسبة لأن بعد يومين من هذه المناسبة توفي عم العروس، وهو في نفس الوقت جدي شقيق حبوبتي أم والدتي، لذلك لم يكن هنالك غناء
وياعمنا ورقة لك التحية، وبد كتابتك عن حسين علوب لقد لاحظت أنه منتفخ الأوداج بسبب السفسفة، وطبعاً بندي إنتا عارفوا شرفان من أول كأس يفكر في الزيادة لذلك كل الوقت تلقاهوا يزازي في فور
تحياتي لكم جميعاً وربنا يعطيكم العافية

ياسلام على الزمن الجميل

وفعلاً تستحق أن تكون في التوثيق

زمن الخنفس وتحرمني منك

حسن وراق حسن كتب:: هذا البوست حدث ..صور تستحق ان تفرض عليها رسوم مشاهدة.. حسين علوب منفخ من تبلع السجق وآية الله خالد ورقه لسع ما حكّ راسو.. الصورة دي فاقدا بندي وعلي نقش اظنهم مشو يجيبو تلج
حتي لا يضيع البوست ارجو ان تحرص علي تحويله بعد فترة الي توثيق الصور
دمت يا ترترة

شوف الود النونو ده؟

بارك الله فيك ونسال الله ان يجعل ايامك كلها اعراس بالجد شوفت صور اشخاص اصحاب اخواني حمزه وفتحي على طول رجع بي شريط الذكريات لسنين خلت الله يرحم من مات منهم ويعطي من عاش منهم الصحه والعافيه

مبرووووووووووووووك ياعم بس عيش الواقع وخليك من عوض الريح ده فايته عليه قزازة سفن أب صناعة بنك هاوس

وربنا يحفظكم ويهنيكم

تحياتي للجميع ومشكورة الأخت هبة، طبعاً في ذلك الزمن كانت الخنفسة موضة بالإضافة إلى بنطلون الشارلستون، إي نعم بعض القمصان كان يطلق عليها إسم تحرمني منك، رغم أنه في ذلك الزمن لا يوجد حرمان بل أصبح الحرمان هو صفة هذا الزمن الصعب، وبعدين ياسركيس عيب الفزعة للتلج، يعني في رايك نشرب موية حارة والله إيه.
تحياتي لك خضر وأظنك في ذلك الزمن كنت صغير جداً بدليل فتحي وحمزة وهم أصغر مني بكتير، على العموم ربنا يديك الصحة والعافية إنت وأخوانك فتحي وحمزة، وكل المسلمين وغير المسلمين كمان وبما فيهم الجنوبيين.
أما حبيب الكل ودعفيف فلك مني كل التقدير والوُد " أنا شكلت ليك كلمة الوُد عشان ما تقراها ود، وشكلوا ود الريح تاب قبل ما يكمل كوتته، غايتو ننصحو يرجع يكمل الكوتة بتاعتو عشان يبطل الهضربة في الشربة، وإيش جاب بنك هاوس لفور، إلا خوفاً من الكشات، وبنك هاوس آمن لكن كل شيء ليه ثمنه
ودمتم في آمان الله

والله ياابو التر خيرا فعلت دخلتنا فى مواضيع جديدة وغيرت لينا من جو ود عفيف

وحشراته الضارة والان امكن ودعفيف بفكر يفتح مطعم الحشرات الكلمته بيه .
الجماعة نسوا السياجات . عاوزين يعملوا الحصاحيصا عشش وكنابى . انا برشحك تاخد جائزة ( صور شعبية ) فعلا الصور نادرة وشعبية وكذلك ولدت لك شعبية كبيرة والله امكن بعد كده لو دخلت انتخابات تفوز مية فى المية

يا ود الريح الحكاية مش للدرجة دي، وإنت إيه حكاية غرامك مع بنك هاوس، وما وريتنا السبب شنو
تحياتي

والله مافى اروع ولا اجمل من ذكريات مثل هذه . وياريت كل الجماعه يقتدو بيك ويورونا .

عشنا معاك لحظة زواجك . وبقى واجب علينا الموجب . لكن اقول ليك الصراحه انا

لما قريت عنوان البوست . ختيتها فى ابوايه قلت نفز تهديدو وبداء بيك . تسلم والله

» ترتوريات عبد المنعم ترتورة
» الاستاذ عبد المنعم ترتورة... لعل المانع خير ؟
» عبد المنعم ترتورة : ميلاد سعيد
» الأستاذ/ عبد المنعم ترتورة.........مع احترامي وتقديري
» مرحب عبد المنعم سيد احمد