عبد المنعم ترتورة عريس

تحياتي لك كوثر،أنا في الحقيقة كنت عايز أعمل عنوان البوست " عبدالمنعم ترتورة عريس لأول وآخر مرة ، لذلك خفت من نقد أنصار الزواج بأكثر من واحدة، وفي نفس الوقت قد يفهمها البعض أنني من أنصار عدم الزواج، وقد تزوجت فقط كنوع من العادات السودانية ليس إلا، لذلك إخترت هذا العنوان ليخلق نوع من الإثارة، لجعل الجميع يقرأ هذا البوست وقبل ما يدخل على البوست يقول في سره معقول بعد هذا العمر الواحد يفكر مجرد تفكير في العرس، وفي الختام تحياتي لك ولجميع أهل السودان

ابوالترياجميل ولله ايام يازمان وياريت صورالسيره لى فنتى وقفشات جكس والسر واكل حلة سواق اللورى حسن حسين والناس الرايحه فى الخلاء

والله يا ترتورة اجمل من كده مافي اعدة لنا ايام
خالدات من الزمن الجميل . هذه الصور تستحق
زي ما قال حسن وراق يدفعو فيها الكثير .
لك مني كل الحب والتقدير وربا يجعل ايامك كلها افراح
دعواتي لك وللمدام بالسعادة الابدية
ودمتم ولاعدمناكم

تحياتي راشد وعصام قوليب، طبعاً ياراشد إنت صاحب البطل وفي قسس كتيرة عن السيرة إلى قنتي وطبعاً دا قبل طريق شريان الشمال، ويا عصام ماعارف الواحد يقول ليك شنو، إذا قلنا عقبالك القيامة تقوم لكن عموماً مشكور على هذا المرور الراقي أوي

هلا هلا والله ابوالتر .. نكت لينا الدبايب دي من وين وحاتك كرت رجع

ركشة من جديد ...

الله بدبك الصحه والعافيه وحقيقي صور من الزمن الجميل والناس الحلوين

ربنا يديهم الصحه وطول العمر ويرحم ويغفر لمن رحل عنا ....

طبعا يوم الحنه دي انا كنت شافع صفير ناااااااايم عشان بمشي الروضه بدري

بس قلت لي راشد كان الوزير ؟؟؟؟؟

بالله عليك شوف الشباب جكوني وورقة وبكري وعلوب وزروق ومعاذ حلاه الدنيا

عليهم والله ايام يازمان ابكي وانحسر عليك وكارتر الدبيب خااااااتي قرض ....

لك التحية العزيز منعم وربنا يديم عليك نعمه الصحه والعافية وللاسرة الكريمة

خالص تحياتي والامنيات بحياه سعيدة وشباب علي طول .....

لك التحية جعفر ، الصور يا ابو الجعافر لمت معظم الدبايب والعقارب وإنت معزور يا سيد الناس عشان تقوم بدري لازم تنوم بدري وتحصل دروسك في الروضة " روضة شنو يا معلم" لكن رأيك شنو في كشحة جكوني

ياجعفرهوفى زول كان قادريقيف غيرى مالازم ابقى الوزير
تتخيل جيكونى جى يخش بى تحت الصيوان الصيوان عصروقلبويقوم تقول لى ماابقى الوزير

شكلك يا ودترتورة بالطاقية سمسار من السمسارين المستهبلين ولا اقول ليك حاجة نرقيك شوية تاجر عمله فى برندات الخرطوم ريال , دولار , استرلينى
بس برضو تاجر مستهبل

ياود الريح لك التحية، إنت لمن تنعتني بأنني تاجر في هذا الزمن يبقى ما في داعي لذكر الاستهبال لأن هذه الصفة مقرونة مع تجار الزمن دا.
وبعدين أنا عايز أسالك سؤال إنت ما عندك صورة ليه والله في زمنك مافي كان حاجة إسمها كاميرة
إظهر لينا بي صورة، عشان نغني ليك "صورتك الخايف عليها"

يا ترتورة خليل من صور الشباب دى واشوف لينا صورة حديثة عشان نشوف الغربة عاملت فيك شنو

حسب قناعتى لسع شباب

الأخ / ود اللمين لك التحية
طبعاً إنت عارف الغربة ومجربا قبلنا ياولد، ونحن الحين نؤمن بمقولة الشباب هو شباب الروح، طبعاً عرفت المقصود، تحياتي لك وللأسرة الكريمة

الاستاز ترتورة وريتنا الماضي عيزين الحاضر

الإبنةإنتصار/ لك التحية
الحاضر أحلى

» ترتوريات عبد المنعم ترتورة
» الاستاذ عبد المنعم ترتورة... لعل المانع خير ؟
» عبد المنعم ترتورة : ميلاد سعيد
» الأستاذ/ عبد المنعم ترتورة.........مع احترامي وتقديري
» مرحب عبد المنعم سيد احمد