حنيت للرمة وحراسا للميس وشليل الراح وناسا بالجد ونَاسة والليل وحبيبتو القمرة قاعدين بيحجو الشفع بالغول وبي فاطمة السمحة وحرينا وابرة ولماصة ومنديل داساهو عروسنا للفارس .. حبيبا وتاج راسا والجبة الوقعت في البير ح نجيبا من ديلا وراسا وناسا سمحين بالحيل بعزموك للكسرة تشيل حارة من صاج العواسة وبيوت الطين الدافية ووافية وعيون حلوات غير كحلا مرواد ابد ما داسا وجنون مجنون بي غيرو مسكون بالجار قبال الدار مشحون همة وحماسة للولد الصاين لي عرضو الكادح فوق طينو وارضو وبيوت ما عايزة حراسة ونسوان مليانة حنان عاملين جمعية وختة حافظنها داخل كراسة ولي لمة جبنة حنينة وقلوة عابق انفاسا وفطور تقلية لزيزة وعصيدة زايد احساسا بس يا ناس اظني كت بس بحلم وسمعت منادي بقول ليَ كان فتحت بي عمى كباسة
عصام قوليب
موضوع: رد: حنين للبلد الأربعاء 6 يونيو 2012 - 20:05
اسلم فمك يا ود الرضي والله رجعتنا الي ايام الطفولة البريئة والعلاقات الاجتماعية الصادقة والدنيا الجميلة الحالمة ؟ هكذا كان السودان طولا وعرضا حلوا رائعا . وعلي اللذين لم يعيشو تلك الفترة تمعن هذا النص المبهر الاخاذ ؟ لك مني كل الحب والتقدير ومذيدا من الابداع تحياتي لك وللاسرة وجميع الاهل ودمت ولاعدمناك
اسلم فمك يا ود الرضي والله رجعتنا الي ايام الطفولة البريئة والعلاقات الاجتماعية الصادقة والدنيا الجميلة الحالمة ؟ هكذا كان السودان طولا وعرضا حلوا رائعا . وعلي اللذين لم يعيشو تلك الفترة تمعن هذا النص المبهر الاخاذ ؟ لك مني كل الحب والتقدير ومذيدا من الابداع تحياتي لك وللاسرة وجميع الاهل ودمت ولاعدمناك
وسلمت اخي عصام .. وشكرا لمرورك الدافئ وكلماتك الانيقة .. وزي ما قال الشاعر : هل من عودة تاني ؟
عبدالمنعم ترتورة
موضوع: رد: حنين للبلد الخميس 7 يونيو 2012 - 7:49
وأنا فاكرك من جيل البلي استيشن، والننتندو، والواي فاي، قمت طلعت من مواليد سنة حفرو البحر ، تحياتي لك
وأنا فاكرك من جيل البلي استيشن، والننتندو، والواي فاي، قمت طلعت من مواليد سنة حفرو البحر ، تحياتي لك
ده زاتو الخايفين منو يا ترتورة تدخلونا مع الكوامر والكندات ( جمع كندة ) طبعا دي بالنسبة للآنسات ........ بعدين الواحد اصلو ما استعمل خيالو واحلم مرة ...... غايتو ...
عبدالمنعم ترتورة
موضوع: رد: حنين للبلد الجمعة 8 يونيو 2012 - 3:55
ياود الرضي إنت إنكشفت خلاص والكان كان، دحين أركز ، لأنك سوف تخرج من مجموعة لتنضم إلى مجموعة أخرى، وهذا الإنضمام إلى المجموعة الجديدة لم يأتي برغبتك بل تم كشفك بالقرائن، وليس بالإعتراف، ,إذاكنت قانوني أكيد عارف عقوبة عدم الإعتراف المباشر وإذا لم تكن قانوني إسأل أحد القانونيين وسوف تجد الرد الشافي
ياود الرضي إنت إنكشفت خلاص والكان كان، دحين أركز ، لأنك سوف تخرج من مجموعة لتنضم إلى مجموعة أخرى، وهذا الإنضمام إلى المجموعة الجديدة لم يأتي برغبتك بل تم كشفك بالقرائن، وليس بالإعتراف، ,إذاكنت قانوني أكيد عارف عقوبة عدم الإعتراف المباشر وإذا لم تكن قانوني إسأل أحد القانونيين وسوف تجد الرد الشافي
ده كشف حال عدييييييييييل يا ترتورة ........ بس اوعا من مجموعة الموت ... انا عايز محامي .. انا برئ ... وينك يا المحبوب ... تلحقنا وتفزعنا .
موضوع: حنين للبلد 
الأربعاء 6 يونيو 2012 - 17:32
