مريخاب اون لاين...........

نتمني ان ينصلح حال الفريق في الجوله الثانيه للدوري ولكن لا اظن ذلك في وجود ريكو هذا.........
لابد من عوده فيصل العجب لمستواه المعرف وكذلك الباشا...هنالك معلومه لا يعرفها الكثيرون...
ريكو كان سببا في شطب الباشا من الهلال...وهوالذي رشحه للشطب ولوجلس ريكاردو اكثر مما جلس سيفعلها ثانيه..
المريخ ليس في حاجه لوجود الحضري والمدافع البرازيلي...بل كان في امس الحوجه لموتيابا...وفي غني عن بدر الدين قلق...
مشكله المريخ نصف قوته انتهت مع غياب الفنان فيصل العجب وبدلا عن البحث عنه او عن بديله...نركض وراء اشياء تهوي بنا الي الاسفل....
رغم كل شئ يبقي المريخ عشقا ابديا والله يكضب الشينه...
...........دمتم في امان الله...........
....................سنجك....

لا تحلموا بعالم سعيد
مشكلة المريخ في ادارته والادارة ليست قروش فقط
ادارة تفكر في ارجاع الحضري بذمتك تسميها شنو
ادارة تقول العجب هو من يحدد وقت خروجه من الكشف
ادارة تتعاقد كل سنة مع اجانب وتجنس في اللاعبين (الجنسية السودانية يا ربي برجعوها لينا لمن نشطبهم ولا بشتتوا بيها واحترفوا في بلدهم باعبارهم محترفين سودانيين)
ريكاردو سبب الكوارث القادمة

مشكور اخي علاء الدين علي الاضافات...واكيد كلامك كلو في الصميم...حال المريخ اكرر ..لن ينصلح بوجود ريكو ...احزروا ريكو يا مريخاب

يجب ان يعود الباشا لمستواهو المعروف........شد حيلك يا كابتن

هل سيذهب المريخ بعيدا في الكونفدراليه في وجود ريكو

مرحبا بعوده الفارس سفاري السم الهاري....

سفاري ما فضل فيه حاجة بقى ذى كبري رفاعة

هههههههههههه اخير من باري وخليو يمش دمبا بتاعكم ده

المشكلة الكبيره المريخ كلو بقى ذى سفاري يعنى مره تشكى من العجب ومره من الباشا ومره من الذومة ومره بله جوز ومره من ريكو بطريقتك دى ياسنجك هلال فداسى بغلبك

هههههههههههه كدي انته حل مشاكلك الماليه ولدنا عمر بخيت قال داير مليار المريخ حا يدفع مليار ونص

انا خايف بعد اسجل عمر بخيت تقول لى كانت مناوره وطعم عشان الهلال يدفع اكتر على طريقة ولدك مهند انا ما بقصد مهند مدنى المختفى حتى اشعار اخر انا بقصد مهند الطاهر ولدى انا ابو عشرة مليارات ..بعدين انت شاغل نفسك بحكاية مشاكلى المالية دى مالك انا فى صدارة الممتاز ولاعب فى الكنفدرالية وجبت ليك الاسماعيلى عشان تجرب الكوامر حقاتك ديل وسجلت محترفين عال العال وغالين جنس غلاء الكلام والدور عليك انت من ابو الرخاء برازيلى درجة سابعة بكره بنكشف المستور ياحبيبى

يا محمد جعفر محترفين ذي اوتو بونج....

لا طبعا ذى وارقو المريخ حارقو

وارغو بتشوفو الدوره الثانيه ...اتو بونج قال توما تيكي..

والله لو لعب ليك فى الدورة التانية المركز الرابع ما تلم فيه قوم بلا وارقو بلا المريخ حارقو

ههههههههههههههه المركز الاول حقنا...

بوارقو ولا بله جوز ولا الباشا ولا البرازيلى ابو خمسة جنيه ياحبيبى الغالى زمنك خلاص فات وغنايك مات