منتدى بلا مريخاب..

لو دا حال المريخاب فأنا أرفع شعار ( منتدى بلا مريخاب ) كمال الجمل شرد.. عبد اللطيف مساعد شرد.. مهند شرد.. أمجد الشيخ شرد.. محمد مصطفى شر.. السنجك لاعب براهو.. وخلااااااص نوى الشردة.. تيكو شرد.. أقصد شردت.. إيناس عدوي شردت بدري.. نقعد نتناقر أنا ومحمد جعفر الأسياد براااانا؟؟.. بالله ما حرام؟؟.. مريخاب نمشي دوت نت؟؟.

يا ناجونى انا وانت اسياد لازم نكون برانا فى داعى ندخل معانا اغراب علينا
نحن اسياد بلد نقعد ونمرق على كيفنا

لا هلال بلا مريخ لا مريخ بلا هلال
ظهوركم مهم يا شباب
كمال عبداللطيف تيكو المنصوري السنجك مهند ضروري حضور

سلام يا ناجي ياخوي نحن قاعدين بس الايام دي نحن في حالة تجهيز للموسم الجديد نحن في مروي مع سيدا وسيدو انتوا يا ناجي حليتوا مشكلة لعيبتكم مع الفيفا؟ قلتوا تسجيل هيثم كان السبب ؟ قلت لي انتوا اسياد يا اخي اللغب دا تحول للمريخ بعد تسجيل سيدا للزعيم يعني بقت سيادة وزعامة وصفوة (مقدرة)

السنجك قااااااااااااااااااااااااعد ....خلي الموسم يبداء حا تشوف الصفحه دي مولعه نار حمراء ...ما زرقاء....
اسيلد بتاع مين يا محمد جعفر سيدكم وقلعناهو منكم حمره عين ...ما زرقه عين....

حقيقه كلام ناجي صحيح وين انتوا يا مريخاب 2013
دمتم في امان الله

والله البشوف الفصاحة والمعسكرات من مروى الى تونس يقول بشيلو كاس الابطال ياخى انت كاس بلدك ما قادر عليه ماشى تنافس لى بره
كده بضحكو الناس فيكم
اى بشر على وش الدنيا عارف مويتكم

يا ناجى مريخاب المنتدى يكونوا فى حالة تقشف اسوة بمجلس الادارة

البلد فاضيه ولا شنو انتو بتتفسحوا فيها كده هو في هلال ماخلاص ريد وانتهي وعمري مابندم عليك سيدا وراح المكان الصاح اعملوهو اجتماعي

أها الجماعة جونا جارين.. بي مهدي بكش.. أحسن كترو الفصاحة لأنو مع الموسم ح يكون ( الصمت الرهيب ).. وهلالنا دا الغريبة فيهو بلا تجهيز بجهجهكم.. غيتو السنة دي كان فرطوا فيها تشوفوا شوف.. لأنو البرير حقكم دا طاير ما قاعد فيها.. ويعود هلال الملايين يسر العين.

بركة بالظهور يا بوكش
مع سيدا الكل بظهر مرفوع الراس

بكش جانا ما تغشانا..تجي وللا نجي يا اللابس البنفسجي.. بكش الإجتماعي ما فيهو قزقزة بالمريخاب.. هم على تخوم الرياضي.. من يبارزني؟؟.

كاك

لا يوجد أحد.. لم ينجح أحد.. لم ينجو أحد.. نمشي نادي المريخ.. أين أنتم.. أين أنتم؟؟.. دار دار بيت بيت زنقة زنقة.. أمانا ما زنقناهم يا حمودي.

ولسه انت ما شفت حاجة الزنقة لقدام

مرحب بي عوده اخونا بكش...وريهم حاجه يا بكش...

السنجك الله يخليك لينا والله كان ما إنت كنا أنا ومحمد خلينا المنتدى.