نداء للشعب السودانى

حدي لجميع الكيزان في السودان..
تعالوا نحسب الفرق بين ايرادات (البترول +القروض) و بين انجازات الانقاذ!!

اولا:ما دخل الى خزينة حكومة السودان من اموال"البترول والديون فقط"
---------------------------------------------------------
1-البترول
مادخل الى خزينة الشمال
منذ العام 2000 الى العام 2011
=27 مليار دولار!!!!!!

لو عايز تعرف اتحسبت كيف؟؟؟
اكتب في google هذه الجملة :
"تعالوا نقدر قروش البترول من ما بدأ و ديون السودان كم"

--------------------------------------------------------
2-الديون

أ-ديون السودان الخارجية

بعد حصر ما يمكن حصره من فوضى القروض

1-مجموع القروض التي قدمها الصندوق العربي للانماء الاقتصادي و الاجتماعي و(مخصوما منها قروض سد مروي)=0.9 مليار دولار(موقع الصندوق على الانترنت)

2-الصين والهند من(2005 الى 2011) 9 مليار دولار ( الجزيرة نت بعنوان "اقتصاد دولتي السودان بعد وقف النفط ")

3-قروض سد مروي 1.8 مليار دولار من من دول الخليج و (الصين قبل 2005)
(موقع سد مروي)

4- الصندوق الكويتي للتنمية الاقتصادية العربية 176 مليون دولار
(قرضين لخزان استيت,جريدة الصحافة.13-فبراير 2012)
"الصندوق الكويتي ممول واحد فقط من عدة ممولين دوليين لمشروع خزان استيت"

المجموع 11.9 مليار دولار

ب- ديون السودان الداخلية

طبعا حكومتنا الموقرة لمن يكون في عجز في الميزانية بتغطيه بالاستدانة من الجهاز المصرفي و شهادات المشاركة الحكومية شهامة .

لاحظوا بعد البترول و السلام في عجز في الميزانية....!!!!!!

طيب زمن الحرب "وبدون بترول" البلد دي كانت ماشة كيف...؟؟؟؟؟؟

ديون السودان الداخلية= 28مليار جنيه
(الجزيرة.نت بعنوان "اقتصاد دولتي السودان بعد وقف النفط ")

عشان نحول المبلغ دا الى دولارات لازم نعرف متوسط سعر الدولار من عام 2000 الى
2011= 2.5 جنيه

المبلغ بعد التحويل=11.2 مليار دولار

"التحويل لن يكون بقيمة الجنيه اليوم بسبب انو الديون دي في وقتها ممكن تعمل مشاريع قيمتها 11 مليار دولار وطبعا كانت المشاريع دي حتحافظ على قيمتها الى الان"
.

.

.

النتيجة النهائية
اجمالي قيمة ما دخل الى خزينة الدولة =
ماتم حصره من ديون السودان الخارجية+ديون السودان الداخلية+ايرادات البترول

27+11.2+11.9=50.1 مليــــــــــــــــــــــــار دولار!!!!!!

---------------------------------------------------------------

طيب..
نشوف الانجازات خلال ربع قرن كم؟

1-الطرق
انجازات الانقاذ خلال 23 سنة من الطرق
4000 كيلو متر من الطرق
تكلفة انشاء 1كم من الطرق حوالي نصف مليون دولار
(طريق -القضارف، سمسم، أم الخير- الطول 146 كيلومترًا،التكلفة 57 مليون يورو)
1 دولار =0.8 يورو
اذا اجمالي قيمة الطرق التي انجزتها الانقاذ خلال 23 سنة =2مليار دولار

2- الكباري
انجازات الانقاذ من الكباري خلال 23 سنة
16 كوبري
متوسط تكلفة الكوبري الواحد 30 مليون دولار
(تكلفة كوبري شندي المتمة25 مليون دولار،تكلفة كوبري الدامر ام الطيور 35مليون دولار)
اجمالي قيمة الكباري التي انشاتها الانقاذ= 500 مليون دولار

3-السدود
تكلفة سد مروي+الخط الناقل 2.9 مليار دولار
سد اعلي عطبرة واستيت 2 مليار دولار "تحت الانشاء"
تعلية خزان الرصيرص 500 مليون دولار "تحت الانشاء"
المجموع 5.4 مليار دولار

4-المدارس
انجازات الانقاذ من المدارس خلال 23 سنة
11000 مدرسة اساس و 4000 مدرسة ثانوية
(تكلفة انشاء 60 مدرسة في القضارف "سنة 2012" 40 مليون جنيه)
"ما حنحسب الدولار بالسوق الاسود عشان خاطر الكيزان"
تكلفة انشاء مدرسة 220 الف دولار
المجموع 3.3 مليار دولار

5-الصحة
عدد المراكز الصحية التي انشاتها الانقاذ حوالي
1000 مركز صحي
تكلفة المركز الصحي الواحد 200 الف دولار
(تكلفة انشاء مركز صحي"بكامل مستلزماته" تم بنائه بالقرب من منطقتنا)
التكلفة 200 مليون دولار
100 مستشفى ريفي
(تكلفة مستشفى ابو عشر الصيني سعة 40 سرير 1مليون دولار)
التكلفة 100 مليون دولار

مجموع المراكز الصحية والمستشفيات 300 مليون دولار

6-الكهرباء
خطوط نقل الكهرباء من سد مروي مضمنة في اجمالي تكلفة مشروع السد
قري1 150 مليون دولار
قري 2 40 مليون دولار
قري 4 130 مليون دولار
محطة كهرباء الفولة +الخط الدائري الناقل 950 مليون دولار
محطة كهرباء كوستي 450 مليون دولار
المجموع 1.7 مليار دولار

7-نصيب السودان من مصفاة الجيلي 300 مليون دولار

8-نصيب السودان من سكر النيل الابيض 10% بصورة مباشرة+10% بواسطة نصيب السودان في شركة سكر كنانة

ملحوظة: مساهمة شركة كنانة في شركة سكر النيل الابيض = 30% .ونصيب السودان في شركة سكر كنانة 35%

اجمالي تكلفة المشروع 1مليار دولار
اجمالي نصيب السودان20%= 200 مليون دولار
"على فكرة ال200 مليون دي برضو قروض"

9 -مصانع الاسمنت لاتدخل في الحساب لكونها استثمارات اجنبية "سعودية - مصرية - عراقية"

10-منشاءت البترول ايضا لاتدخل في الحساب لانها مبنية باستثمارات شركات البترول التي لها نسبة من بترول السودان ،وقد تم خصم نسبة هذه الشركات من البترول في حساباتنا"ما عدا المصفاة فهي شراكة بين الصين وحكومة السودان"

ملحوظة:الجامعات الجديدة +المستشفيات الجديدة لم اجد لها اي ارقام ماعدا مستشفى سنار التعليمي (5 طوابق 400 سرير .بتكلفة 30 مليون دولار) مستشفى الدمازين الصيني( 90 سرير .9 مليون دولار)

.
.
مجموع كل تلك المشاريع
الطرق+الكباري+السدود+المدارس+الصحة+الكهرباء+المصفاة+سكر النيل الابيض
2 + 0.5 + 5.4 +3.3+ 0.3 + 1.7 + 0.3+ 0.2
=13.7 مليار دولار!!!

لو اضفنا 2 مليار دولار " المستشفيات الحكومية الكبيرة الجديدة والجامعات الجديدة"

كسرة:
"60% من الجامعات الجديدة هي في الحقيقة مدارس ثانوية بس مقاس اكبر شوية"

.
.
و كمان نضيف تاني 1.3 مليار دولار عشان خاطر لو في مشروعات نسيناها ولا كدا
(قصرنا معاكم ياكيزان؟؟؟؟)

.
.
المجموع 17 مليار دولار فقط!!!!
---------------------------------------------------

النتيجة النهائية:
لحساب الفرق بين القروش التي دخلت خزينة الدولة"من البترول والديون" وبين المشاريع التنموية

(الضرائب والجمارك و العوائد والتراخيص وووو...خارج الحساب)

نطرح 17 مليار "الانجازات التنموية" من 50 مليار "البترول والقروض"
النتيجة
.
.
33 مليــــــــــــــــــــــــــــار دولار !!!!!!!!!
:
:
:
يا كيزان في فرق 33 مليــــــــــــــــــــار دولار .....
مشت ويـــــــــــــــــــــــــــــن؟؟؟؟؟؟
ويــــــــــــــن؟؟؟؟

طيب..
نشوف علي عثمان قال شنو:
(ان جزءً من عائدات الدولة ذهبت في البذخ السياسي )!!!
.

رايكم شنو يا كيزان؟؟؟

فصلتوا الموظفين بقانون الصالح العام
وعينتوا كوادركم
واحتكرتوا مناصب الدولة في الوزارات والمؤسسات الحكومية ...
ورفعتوا رواتبهم ومخصصاتهم"عربات- شقق- بدل لبس-بدل ضيافة- حوافز-تذاكر سفر-علاج مجاني-..الخ "

ودا كلوا
من بترول شعب السودان ....
.
.
.
في نهب وقلع في العالم اكتر من كدا؟؟؟؟
فرقكم شنو من عصابات المافيا؟؟؟؟؟

انتوا عارفين 33 مليار كان ممكن تعمل شنو ؟؟؟؟
.
.
.
1100 كوبري على النيل!!!!
كوبري ينطح كوبري!!!!!

عارفين ربيع عبد العاطي في حلقة الاتجاه المعاكس قال شنو:
.
انجازات الانقاذ 16 كوبري!!!!

نضحك ولا نبكي؟؟؟؟
.
.
.

التحدي قائم يا كيزان
هل في مشاريع تنموية بتغطي فرق ال33 مليار دولار..؟؟؟؟؟
ولا القروش دي راحت "بحبحة" لاعضاء المؤتمر الوطني؟؟؟؟؟

ملحوظة هذه الحسابات: لاتشمل الضرائب- الجمارك- عوائد الاراضي-القيمة المضافة- الدمغات- تراخيص العربات-رسوم عبور الطرق- رسوم طلاب القبول الخاص-رسوم طلاب القبول العام-رسوم النفايات -رسوم الموية- رسوم الكهرباء-مخالفات الطرق-استخراج شهادات البحث للاراضي-تراخيص المحلات والبقالات-استخراج رخص القيادة وتجديدها-استخراج جوازات السفر-رسوم عمليات المستشفيات-رسوم دخول المستشفيات...الخ!!!!!!!

ولاتشمل ايضا: الاراضي الزراعية المباعة للمستثمرين-الساحات والميادين العامة التي تباع سنويا .المؤسسات التي تمت خصخصتها- جزيرة مكوار...الخ!!!!!!

ياريت نوعي اي زول بنقدر نصله بحقيقة فتات البترول الذي يرميه حزب المؤتمر الوطني للشعب

{إِنْ أُرِيدُ إِلَّا الْأِصْلاحَ مَا اسْتَطَعْتُ وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ
تخريمة :-
اضيف قيمة ذهب ارياب منذ سنة 2000 والذى لم يزكر فى اى ميزانية من قبل بس معروف بسجلات الشركة الفرنسية