الهلال يتعثر فى مدينة الحديد والنار

سلام الاخت عاشة ابراهيم بخيت ونحن سعداء بوجودك في نافذة الرياضة بالمنتدي
وطبعا انا لي اعتراض علي ان الهلال مارد افريقيا وقاهر الكبار وكيف هو مارد افريقيا وانه له81 عام ولم ياتي لنا من افريقيا ومن اصغر منافساتها بكاس
ونحن لا نعترض علي تسميته في السودان بحبيب البلد او سيد البلد كما يحلو لجماهيره لانه هو المنافس الوحيد لفريق الكاسات المحمولة جوا (المريخ العظيم وزعيم الكورة السودانية)
اما عن اسباب تعثره ان المسألة واضحة ان الهلال في الفترة الاخير يعاني في مشكلة في دفاعة وحاول المدرب كثير بان يغطي هذه المشكلة بالاندفاع نحو الهجوم وفطنت الفرق التي تنافسه لذلك وبدأت تكثف لاعبيها في منطقة الوسط لوقف هجوم الهلال وتلعب علي الهجمة المرتدة التي تسبب ازعاجا شديدا لدفاع الهلال 0 وكان هذا واضح في مباراة الخرطوم الوطني وهذا يعني ان هجوم الهلال لايجد التمويل اللازم من خط وسطه الذي تتفوق عليه بقية الفرق بالكم العددي وايضا تأخر وسط الهلال لمساعدة الدفاع وهذا ادي لتعثر الهلال في المبارايات الاخيرة وهذا راي متابع لكورة القدم ولكن ليس راي فني واتمني اكون قد اصبت
ماكتب اعلاه للمناكفة ولكن يظل الهلال فريق كبير ولكن برضو بعد الزعيم
لك كل الود

مرحب بالحرة في فريق الأحرار (الهلال) ومنتدى الأحرار(دوت كوم) أول شيء كلام الأخ كمال دا ما تشتغلي بيه كثير لأن لم يرتبه جيداَ وكلامه دا كلو شخبطات ساكت فلنحسبها أخي كمال.. أولاً الهلال 81 سنة لم يحرز كأس خارجي ودي معلومة خطأ فالهلال أحرز كأس بني ياس التي لم يعترف بها المريخ واعترف بكأس دبي.. والفرق الكبيرة والعملاقة لا يشترط حصولها على كاسات ففريق شلسي على سمعته لم يحصل على كأس أوربي.. وكان فريقاً بعبعاً في أوروبا.. وفريق مثل أسبانيا لم يحصل ألف سنة على كأس العالم إلا الأخيرة.. وخط دفاع الهلال أحسن دفاعات الدوري الممتاز بدليل أن مرماه أقل الفرق استقبالاً للأهداف.. المشكلة في عدم التشكيل الثابت فالهلال ليس فيه تجانس.. رغم وجود هيثم فهيثم وجد أناس لم ينسجم معهم ولم يدخل إلى الآن فورمة المباريات.. المدرب يزج بأناس حديثي العهد بالهلال .. فتغيير التشكيلة كل مرة سبب رئيس في هذا المستوى.. وهذه النتائج.. وفي الآخر الكأس هلالي.. لم يهزم الهلال وهزم مارد أفريقيا الزعيم(أكثر من مرة) قال زعيم قال..يا كمال الجمل أنا والله بحبك.. باقي آخر استمارة نسجلك فيها تكون هلالابي وللا تخليك مع فري الصدف دا. مع ودي,,

يااخوان انتو عاملين لينا مشكلة فى شنو ولا هلال ولا مريخ وماعندنا كورة وفضوها سيرة

بلاش غلبة وضياع وقت فى الفارغ وشوفوا الدورى الاوربى ومتعوا انفسكم وريحو امخاخكم

تحياتى لكم جميعا

مرحب الاخت عائشه لهذا البوست وتاكدي لكل جواد كبوه وياما ظروف ذي دي واقسي مرت وكان الصبر لها مفتاح فرج وهل تكذب العين ضوء الشمس من رمد نحن اسياد بلد وبشهادتهم ولو ترتيبنا في السياده بعد الزعيم راجعو التاريخ صفحه صفحه بس وانتو بتراجعو ماتنسو مقياس السياده والزعامه وتاكد ياودمساعدياذوق نحن ماسائلين لافي عنكبه ولاعناكب بس تاكد بهاراتك دي بدايه من الشمار وختاما بالقرفه حانقدم ليك بالشمار والكسبره دي احلي واشهي واطيب طعام لاعينا راءت ولاخطر ببال احد ومن يد سييييييييدا؟؟؟؟

اولا مرحب بالاعلاميه عائشه في رحاب الصفحه الرياضيه...

كل الاسئله التي تدور حول الموضوع هي حقيقه فريق الهلال...الذي خرج باعجوبه في لقاء الكوفدراليه متعادلا...والمريخ اكمل المباراه ناقصا....وفلت من هزيمه ايضا في اللقاء الاخير...دي حقيقه الهلال ...
اما الهلال المارد...والهلال سيد البلد...والهلال بطل افريقيا....وبطل كاس الدوري الاسباني والانجليزي..(( طبعا مع المبالغه))دي كلها طلعت فرقعه اعلاميه وكلام جرايد....ومعظمها احلام وكوابيس لا يراها الا ابناء القبيله الزرقاء كان الله في عونكم...
يا محمد جعفر الاستاذه عائشه دي لو جاها ضغط ((حا نحملك المسؤوليه كامله))
لانو كما قالت انت من علمتها حب الهلال....


قوه الزعيم في عافيه الهلال....
دمتم في امان الله

أخي سنجوك اكمل بوضع كلمه مناسبه في المكان الشاغر‏(الخيل الاصيله بتجي في‏‏..........‏)‏

تعجبت وأنا أقرأ كلام المخضرم عبد اللطيف.. شوفو بالله الزول دا قال شنو؟؟ (كان عليك التريس يامذيعه قبل ان تذيعى انتمائك الصارخ ..على الاقل حتى يكتمل الترحيب
بمقدمك الميمون الى رحاب ساحة منتدانا العامره حتى لاياخدوا المريخاب موقف) دا كلام عاقل دا.. إنت أسأت لكل العقد الجميل من كمال الجمل للأخ السنجك ومهدي بكش وكل المريخاب المحترمين بالله عليك أنذل لهذا المستوى؟؟ بأن يكون منتدانا واترامنا للناس وترحابنا بهم مربوط بلوننا الرياضي؟؟ ويأخذ المرخاب موقف من أستاذة كل ذنبها أنها مريخابية أو هلالابية يعني نخلي ليك المنتدى وللا شنو؟؟ وأنظروه حين قال: اصبحت ذى مستوى فريقهم الهلكان السجمان الرمتان فمثل هذه الألفاظ لفريقنا لا نقبلها ولا نقلها أنت من يقولها في لحظة صفاء حينما اعترفت بالمريخ وبعظمة قلمك فقلت فيه سابقاً بعنوان كبييير المريخ أدمن الفشل والإخفاق فصدحت قائلاً(هؤلاء الذين أوردوا المريخ موارد الهلاك ومرمطوا بسمعته في الوحل أدمنوا الإخفاق والفشل) أليس هو مريخك وأليس هو كلامك؟؟ أم هو كلام الليل يمحوه النهارلاحتى أراك صرخت وانصب العرق من جبينك الوضاء والدموع من عينيك حين قلت: (.... أيها الناس أعيدوا ملامح المريخ الوضيئة أعيدوا لنا المريخ الذي نعرفه بقوته وروعته وانتصاراته.)
لا يا عبد اللطيف ليس بين البورداب هلال يفرق ولا مريخ يجمع.. نحن شمل لا يهمنا من الأمر إلا أن نلتقي لنتجاذب الحديث.. وحتى أنت لا نريد ذهابك فبك يكتمل عقد الناكفة والحب والغزل الرياضي.. وكيف تقول: (الهلال الذى تحبونه قد مات وانتم من قتلتموه بسذاجتكم وكذبكم على جماهيركم( طيب لو مات البطل الوصيف يكون مالوا محنط وللا شبع موت بالله شوفوا الترلة دا.. الرأس مات والترلة حية.. يا حبي للحية.. أيها ال..... والقصر الجمهوري لا يتدخل إلا لأناس يشبهو اسمه وكبر مثله وسيدا هو سيدا اشتق اسمه من مبارياتكم ومن وضعه في المنتخب اسم اتفق عليه كل المدربين وليس الشجيعة.. وحكاية الشمار والكسبرة والمرقة ديل أوعك تاكلهم بعد ما تلحس كوعك.. أوصيك.. تفرغ لدوري السودان فهي عبارة كثيراَ ما قالها واليكم المفدى تكعيب.

يا ناجي هدي اللعب...والكوره واطه...بعدين...ممكن يكون كتب لكن ما عندو قصد...بعدين نحنا كلنا هلالب مريخاب هيثماب بريراب كداراب مزملاب....حلوه مزملاب دي عارف عجبتك....كلنا اسره وااااااااااااااااحده...تجمعنا دوت كوم....ومن قبل تجمعنا الحصا حيصا المدينه الوادعه...لك كل التقدير...


دمتم في امان الله

نيلك ...نيلك...جري قدامك....هلا هلا التماسيح ...اولاد البلد لازم نقيف معاهم...

[quote="ناجي جندي"]تعجبت وأنا أقرأ كلام المخضرم عبد اللطيف.. شوفو بالله الزول دا قال شنو؟؟ (كان عليك التريس يامذيعه قبل ان تذيعى انتمائك الصارخ ..على الاقل حتى يكتمل الترحيب
بمقدمك الميمون الى رحاب ساحة منتدانا العامره حتى لاياخدوا المريخاب موقف) دا كلام عاقل دا.. إنت أسأت لكل العقد الجميل من كمال الجمل للأخ السنجك ومهدي بكش وكل المريخاب المحترمين بالله عليك أنذل لهذا المستوى؟؟ بأن يكون منتدانا واترامنا للناس وترحابنا بهم مربوط بلوننا الرياضي؟؟ ويأخذ المرخاب موقف من أستاذة كل ذنبها أنها مريخابية أو هلالابية يعني نخلي ليك المنتدى وللا شنو؟؟ وأنظروه حين قال: اصبحت ذى مستوى فريقهم الهلكان السجمان الرمتان فمثل هذه الألفاظ لفريقنا لا نقبلها ولا نقلها أنت من يقولها في لحظة صفاء حينما اعترفت بالمريخ وبعظمة قلمك فقلت فيه سابقاً بعنوان كبييير المريخ أدمن الفشل والإخفاق فصدحت قائلاً(هؤلاء الذين أوردوا المريخ موارد الهلاك ومرمطوا بسمعته في الوحل أدمنوا الإخفاق والفشل) أليس هو مريخك وأليس هو كلامك؟؟ أم هو كلام الليل يمحوه النهارلاحتى أراك صرخت وانصب العرق من جبينك الوضاء والدموع من عينيك حين قلت: (.... أيها الناس أعيدوا ملامح المريخ الوضيئة أعيدوا لنا المريخ الذي نعرفه بقوته وروعته وانتصاراته.)
لا يا عبد اللطيف ليس بين البورداب هلال يفرق ولا مريخ يجمع.. نحن شمل لا يهمنا من الأمر إلا أن نلتقي لنتجاذب الحديث.. وحتى أنت لا نريد ذهابك فبك يكتمل عقد الناكفة والحب والغزل الرياضي.. وكيف تقول: (الهلال الذى تحبونه قد مات وانتم من قتلتموه بسذاجتكم وكذبكم على جماهيركم( طيب لو مات البطل الوصيف يكون مالوا محنط وللا شبع موت بالله شوفوا الترلة دا.. الرأس مات والترلة حية.. يا حبي للحية.. أيها ال..... والقصر الجمهوري لا يتدخل إلا لأناس يشبهو اسمه وكبر مثله وسيدا هو سيدا اشتق اسمه من مبارياتكم ومن وضعه في المنتخب اسم اتفق عليه كل المدربين وليس الشجيعة.. وحكاية الشمار والكسبرة والمرقة ديل أوعك تاكلهم بعد ما تلحس كوعك.. أوصيك.. تفرغ لدوري السودان فهي عبارة كثيراَ ما قالها واليكم المفدى تكعيب.



ناجى الجندى المذهول بفربقه المعلول و مصيره المجهول
ياناجى بطل هترشه وقول كلام معقول اولا ان كلامى للاستاذه عائشه كان من باب المداعبه
والمناكفه وكانت امانة الكلمه وشرفها تقتضى منك ان تكمل الكلام الى اخره
وعملت بقول لاتقربوا الصلاة .... وانا قلت والود محفوظ وحديثى يعنى اننا رحبنا بشخصها وصفتها الاعتباريه ....وانت رحبت بها واسرفت فى تمجيد هلاليتها وانكم انتم الاحرار الثوار
الذين تبهدلوا فى مدينة الحديد والنار......وانا اثنى عليها لانها مارست النقد الذاتى لفريقها وانا كذلك نقدت المربخ وهذا شى متعارف عليه حتى بنصلح حاله ولكنكم تفتقرون لذلك
ومابتقولوا للاعور اعور فى عينه تشاهدون عوجة رقبتكم وتغضون الطرف والجمل مابشوف
عوجة رقبتو ....وليتك لومارست النقد وكتبت عن الخلل والتدهور الذى اصاب فربقك وبقى ملطشه للفرق بكفى الخرطوم الوطنى وولدنا عنكبه بهدلوك جوه استادك المقبره
وانا فبل اسبوع هزمتهم هزيمه تاريخيه ولسه فى الطريق راجيك اهل شندى فى الكونفدراليه وهو متحمس بطموح اكبرللتاهل ليرافق الكبار فى المشوار الافريقى
وفى مقدمتهم المارد الحقيقى وسيد كل البلاد القاريه مريخ مانديلا وبطل الاحراش
اول فريق سودانى يتسيد الساحه ببطولات محموله جوا وهو محقق امال الشعب السودانى
وزارع الفرح فى النفوس وصاحب اكبر الكؤؤس
وهلالك المهلهل فى المحليه مازال يكوس
ويلوص وبعوس وغدا سوف تنحنى الرؤس

جا الامل*جتا الخرطوم يساوي ظا................اللبن


الخيارات
1/ بياع اللبن
2/سيد اللبن
3/حله اللبن

والله ي هلا بيك صغرابية جديدة في محيط المندي الرياضي
ولي عودة يااستاذة صفرابية

الاخوه الاحباب كل الناس السجلو مرور طيب وهادف وحتي الناس الناكفو واتناكفو حقيقه كنت بامل التناول الجميل للاخت عائشه الناس تتناولو بموضوعيه بعيدا عن الهمس والهمز والتراشق ببعض المفردات والجمل التي قد تسوق لاشياء قد تحرق الاخضر الذي بين الناس ذي ماقال السنجك هدو اللعب وكلمونا كيف نعالج كورتنا ونرتقي بجمهورنا ونحسن من مستوي اداء فرقنا كان هلال ولا كان مريخ ونقدر نصل لسمعه ومراكز اقرب الدول العربيه والافريقيه لنا يااااااااااه نحن وين والاخرين وين؟؟؟

يا محمد جعفر ادي الحصا حيصا حقها ...ولازم تقيف مع النيل ....انا لو موجود كان جبته ليك علم ومشينا الاستاد سوا





نيلك نيلك جري قدامك....