الحديد تلاقيط والرزق ملاقيط !!

...يا الوراق مساك الله بالخير ياجميل والله فى شوووق ليكم وانت نحله الحصاحيصا التى لاتطرح الا عسلا...ومهموم بالوجع والموجوعين...وموضوع الكوش ده موضوع جد كبير وخطير ..قول لى كيف؟ اها...فى مره من ذات المرارات...كنت فى الدوحه وما ادهشنى ليس العمران ولكن حسدت جقور الدوحه الملظلظه وهى تسعى بين صناديق القمامه بالشوارع وهى فى كامل صحتها وعنفوانها وتقتات على مطايب ما لذ وطاب من (الكشرة) وهى الكوشه ومافى اى كديس ساكيها ولا مزعجها لضخامة حجمها...لان ببساطه واللبيب (بالكوش) يفهم لا يشكو اهلها قلة الفئران....اما عندنا فى السودان يا جميل ومع احترامنا (لكوشه) ليس هناك ما يفيض من الحاجه لكى (يكب) فى الكوشه والبطون فارغه....واصبحت الكوش اكياس نايلون طايرة.. باقات بلاستيك ..واختفت الجقور والكلاب والكدايس..وعشان كده الكلاب بتهاجم الناس من الجوع وقلة الكوش..وبعد ده تقول لى رسوم نفايات....بالمناسبه نفايات الشماليه حقيقه ولا اشاعه وعليها رسوم ولا.. لا...عشان كده يا الوراق اخوى اول ما ازور لى مدينه خارجيه ..افتش عن كوشها..زى الرايحه لى كوشه..واتحسر على كوش البلد الكان ليها شنه ورنه ....