مجنون جن قام عقل ..وسافى التراب وعايز يجن تانى لى جنو الاول

وقال لى...فى مقولة بتقول وماالحب الا للحبيب الاول..واخرى بتقول القديمة تحلى ولو كانت ضحلة..ومن نسى قديمو تاه... والما عندو قديم ما عندو جديد..والما عندو كبير يشترى ليهو كبير..
اها اللخبطة دى لزوم شنو..اجمل لحظات الجنون ان تستمتع بجنونك..بعظمة..يعنى تطير ليك جنية حول راسك او ترك ليك جنية فى راسك او تدخل ليك جنية جوة راسك..ويقودك جنونك هذا الى انك مواطن حى بنى ادم لك حق فى ان تعامل كالاخرين من القبائل ال300 التى تقطن السودان تتمتع بحرية تنضم زى ماداير وتقول رايك فى اى زول وفى اى موضوع مادمت حى موجود.. ويقودك جنونك اللاواقعى هذا بكفالة حقوقك فى المأوى والعدل يعنى .ما عندى قروش ياخى ما مشكلة...ابنى راكوبة بى مشمع ولا خيش... يعنى اسكن وين ما عندى ضحاكات..ويدونى بطاقة تأمين صحى ااى مجنون لكن ما بمرض..وما عايز زول يشغلنى ولا يضمنى لامانة خريجيين للتشغيل ولا اسر فقيرة ولا منظمات خرطماية منظمة اسيادها لابسين بدل ويتمنظروا علينا فى القنوات ...شكرا وفروا القروش دى للحوبة..انا عايز درداقة فى سوق الله اكبر او فراشة تحت ضل نيمة انشاء الله ابيع جراد...ولى انا الدايما مجنون فى نظر السادة الكبار..والقال ليكم منو ما عايز اعرس فى زول عاقل دخل ليهو فى راس زول مجنون لقاهو الفكرة دى مافى راسو..ولا مفكرين ان الجن بينقص الرجولة والانوثة...يعنى بس نقعد نعاين ليكم تفكروا لينا وتحددوا لينا مصيرنا واحلامنا ...ومنوا القال انو يا عمك ممكن تكون دكتور وبروفسير وتكون عاقل وتصنف نفسك بتحديد مصائر خلق الله..اقولكم احنا كمجانين ما بنديكم شرف الانتماء للمجانين ذاتو..الشعب السودانى ده لو قعدتو فى الماهلة دى دى اكبر فئة فيه المجانين يا المرشحين للجنون يا المجانين وما عارفين ويا الجانين وداسنو ..تتكلم يقول ليك لا ابدا داك عندو الاولية فى الكلام لانو تبع حزب فلتكان والجماعة ديل جابو الاستقلال ..تفتح خشمك لا ده انتو ما عارفنو ساى ده وراهو قبيلتو كلها ان هبشناهم بدخلو الغابة ادو الفرصة هو بى الاول..تنحنح لا ..لا ما يحق ليك انت ما شايف فلان داك بتو المعرسها علان داك نوى يطرح رابو ..اتخيلو نوى مجرد نية..اسكت..اخرص..واحزاب ذى المرة القديمة ام الوليدات بابها ما بتقفل تحلى ولو كانت ضحلة..والمجانين ديل اخير ليكم جنهم ده ..لانو الجنون فنون..وعندى واحد صديقى حقيقة كان مزهلل وكلامو كتير ..اهلو ودهو الدكتور النفسانى عشان يتعالج ..المهم بعد جلسات ومر الزمن ولاقيتو ..وسلام وحلتو اتحسنت وقلت ليهو شنو يا عمك ما شاء الله الصواميل رجعت تمام...سكت ..ثم نظر الى ..وقال لى ..اقول ليك ..والله حنيت للجن وايامو..يا خى انتو عايشين عاقلين كيف فى البلد دى..ياخى الله يكون فى عونكم..وذهب صديقى وكاد عقلى يذهب...وتذكرت حديثه لى السابق وهوفى حالة جنونه.[b]

كان كـــده خليني أجن وأزيـــد في الجــــن

والله يا ود سركيس ما بتمنى ليك الجن ..لكن الحاصل ده ما بجنن

مثلما أن الجهل نعمة.. فالجنون نعمة.. تضمن راحة البال في الدنيا.. وفي الآخرة جنة تووووش.

الاخ الحبيب وراق والله فى شوق كتير ليكم..برغم الهم والغم العام .لكنك ماشاء الله عطاء ربنا يزيدو ليك..وارجو ان لا يكون الفى بالى بالك فى عدم التواصل ..برغم انى اشكر له ان جمعنى باخوك امثالكم..وربنا يهدى الجميع