الاستديو التحليلي لمباراة الهلال ..ممنوع دخول المريخاب..

ﺍﻟﻬـــﻼﻝ ﺍﻟﻠــﻴــﻠـــﺔ ﻭﺩﻉ
ﻗﺎﻟـﻮ ﺭﻛـﺐ ﺍﻟﺪﺟﻮﻟﺒﻴـــﺔ
ﺑﻌﺪﻣـﺎ ﺟﻤﻬﻮﺭﻭ ﻃﻤـــﻊ
ﻓﻲ ﺍﻟﺒﻄﻮﻟـﺔ ﺍﻟﺨﺎﺭﺟﻴــﺔ
ﺑﺎﻷﻣﻞ ﻛـﺎﻥ ﻗــﺪ ﺗﺠﻤــﻊ
ﺭﺍﺟﻲ ﻟﻲ ﺃﺟﻤﻞ ﻫﺪـــﺔ
ﺟﺎﻫﻢ ﺍﻟﺪﻭﻟﺠﻴﺒﻲ ﻟﺒــــﻊ
ﻣﺴﺦ ﺍﻟﻌﻴﺪ ﻭﺍﻟﻀﺤﻴــــﺔ
ﺍﻟﺪﻓﺎﻉ ﻓﻲ ﺍﻟﻜﻮﺭﺓ ﺃﺑﺪﻉ
ﻓﻲ ﺍﻟﺘﺮﺍﺧﻲ ﻭﻓﻲ ﺍﻷﺳﻴﺔ
ﻛﻞ ﻭﺍﺣﺪﻛﺎﻥ ﺑﻴﻄﻤــــﻊ
ﻓﻲ ﺍﻟﺤﻮﺍﻓــﺰ ﻭﺍﻟﻬﺪﻳــﺔ
_ﻳﻮﺳﻒ_ﺍﻟﺠﺎﺑﻮﻫﻮ ﻣﻔﺰﻉ
ﺯﻱ ﺗﻘﻮﻝ ﺑﺎﻳﻊ ﺍﻟﻘﻀﻴــﺔ
_ﻏﺎﺭﺯﻳﺘﻮ_ ﻟﻠﺠﺮﺳﺔ ﻳﻜﺮﻉ
ﺗﺎﻫﺖ ﺃﻓﻜــﺎﺭﻭ ﺍﻟﺬﻛﻴــﺔ
ﺿﺎﺭﺏ ﺃﺧﻤﺎﺱ ﻓﻲ ﻣﺮﺑﻊ
ﺑﺎﻇﺖ ﺍﻟﺨﻄــﺔ ﺍﻟﻐﺒــﻴــﺔ
ﻛﻨــﺎ ﻓﻲ ﺍﻹﻋﻼﻡ ﺑﻨﺴﻤﻊ
ﻟﻸﻣﺎﻧــــﻲ ﺍﻟﻘﺮﻣــﺰﻳــﺔ
ﻟﻠﺤﻤﺎﻣــﺔ ﺍﻟﻤﻴﺘــﺔ ﻟﻤــﻊ
ﻟﻤﺎ ﺭﻛــﺒــﻮ ﺍﻟﺘــﻮﻧﺴﻴــﺔ

مهداها للاحبه محمد جعفر وناجى الجندى واخونا راشد

الو معانا اتصال علي الهواء مباشر اتفضل اولا برحب بكل الاخوه المتداخلين وبشكر القناه الرايد الاتاحت لينا هذا التواصل اولا انا سوداني والدم هلالي بس انا من يوم الليله وعبركم بشهدكم عبر الاثير لن ولم وبالله الواحد الاحد تاني ما اشجع اي كوره سودانيه يلا بلا هلال بلامريخ نحن حارقين اعصابنا ودمنا ساكت دا مستوي دا وما يمرضونا الا الاجانب؟

والله عاقل يا انور...ده كلام فارغ ونحنا بنضيع زمنا لو راجين لينا بطوله من هؤلاء

يا اخونا انا زعلان نعم زعلان شديد بس موش عشان المريخ والهلال خرجا من بطولة الكنفدرالية ودا طبعا متوقع ونحن اصلا ما ناس بطولات يعني تعرفوا زعلان ليه ؟ عشان المناكفات الحلوة مع ناس محمد جعفر واستاذ انور وناجي وراشد اها شائفين استاذ/ انور قدم اوراق انسحابه من المناكفات ومن اي برنامج رياضي اخر يشغلنا انا زعـــــــــــــــــــــــــــــــــــــــــــــــــــــــــــــــــــــــــــــــــــــلان بالله تاني ح نلقي موضوع يشغلنا وين اها كل الناس اختفت وين محمد جعفر وين ناجي

والله يا استاز انور المثل بقول صاحب العقل يميز . ووالله انا بهنيك من كل قلبى

عليك الله نحنا مالنا وحرقت الاعصاب الغير مقدره . من يوم الليله دى انت غدوتى

واحسن لينا نشوف لينا فريق بلى ولا سيجه نشجعو .ونستمتع بلعبو .

أولاً يا كوثر.. أعجبتني شاعريتك ولم يعجبني شعرك.. تراكي شاعرة ونحتن ما عارفين.. طيب ما تخليك عندك وطنية وخلي الهلال والمريخ زي قدوتك أنور عوض.. والله أنور سواها شينة شمت فينا كمال حسن ومهند والسنجك.. دي طيرة واحدة خلت أنور يقدم إستقالتو.. وكان ما متعود علي الطيران كنت عملت شنو.. علي كيفك يا أنور.. إنت ما شايف المرخاب صاجننا العمر كلو ( نهواك في كل الظروف ).. أها نحن ما زيك نحن بنموت فيك يا هلال.. مغلوب غالب.. والداير يقدم إستقالتو الورق رااااااقد.. قدموا ساي.. ورق إيه فور.. ورق ثري فور.. ورق بوستر.. الورق رااااقد قدموا سااااي.. خلونا نحن بنحب ونسة القفشات والمناكفات والمديدة حرقتني.. في ناس حتى في الديدة حرقتني ما نافعين.. نحن يا أنور ناس مديدة سااااي.