هل يعود هيثم مصطفي للهلال

بات في حكم المؤكد عوده هيثم مصطفي لاحقا لصفوف الفريق بعدالقرار الذي أصدرته لجنة الاستئنافات حول عدم شرعيه مجلس الاداره الا ان البرير قال: ما يُشاع حول عدم شرعية مجلس إدارة نادي الهلال لا يلتفتون اليه وأكد أن مجلسهم شرعي وأن كل القرارات التي أصدرها المجلس تُعتبر صحيحة وسليمة وأنهم لا يلتفتون لحديث الذين وجدوا أنفسهم خارج المنظومة الهلالية ...

والله البرير ده زول ثقيل ودمو بقري بصوره غريبه....
لكن بصراحه هيثم سرو باتع وترقبوا المفاجات .....

اخر خبر....نتمني عوده سيدا وكما يحلو لنا قاااااااااااروره

انشاء الله بدعوات كل من ينتمي دمه للهلال
سيعود سيدا وينور المنتخب اكتر واكتر

حلم الجعان عيش وياتيكو امسكى بتك دى احسن ليك

سيعود هيثم وعلاء الدين لصفوف النادي في التكميليه....
ونهايه البرير قربت...


عوده هيم اتيه لا محاله اخونا محمد جعفر...

ممكن يرجع بس مشجع من على المدرجات الشعبية

لكن بعد ما سجل ليك امس المدرجات الشعبية ما بتقبله

الزول ده هو اصلا مريخابي....دي معلومه اعرفها بعدين ياخي هيثم ده قائد المنتخب يعني الكل بحب هيثم هلالاب ومريخاب...

اتكلم عن حبك لهيثم براك نحن ما بنحبه ولا يسوى حاجة عندنا

بعدين هو المنتخب يسوي شنو وانجازاته شنو؟؟؟؟؟؟؟؟؟

ياسنجك بطلع النفخة الكضابة دى ومبروك سيدكم فى دياركم

سيكم انتوا بس المريخ ماعندو سيد...

والله حاجه غريبه حب المريخاب لي هيثم الظهر دا الناس ديل كانو متيمين قدر ده كان اتكلمو بدرييييييييييييي كان شطبنا

يا ابوحميد الناس ديل ما معجبين بهيثم معجبين بالهلال كلو اى لاعب ينشطب يمشو يسجلو حتى المدربين

ناقصهم نجيب ليهم صلاح ادريس للرئاسة وتجوط الشغله

محمد جعفر فضل كتب:

يا ابوحميد الناس ديل ما معجبين بهيثم معجبين بالهلال كلو اى لاعب ينشطب يمشو يسجلو حتى المدربين

ناقصهم نجيب ليهم صلاح ادريس للرئاسة وتجوط الشغله

يعني كل مرخابي جواو هلال كبييييييييييييير

بعد تصريح هيثم لجريدة الصحافة بأنه طيلة 17عام وهو يرتدي شعار الهلال كان قلبه مع المريخ.إستحالة يرجع ناكر الجميل لحضن الهلال."وياجماعة هوي أقلبو الصفحة" قال سيدا !!

نحن عمرنا كلو نقلب في الصفحات.. هيثم أكبر من إدارتي الهلال والمريخ الحاليتين.. والدليل ألولو.. محمد جعفر أرجا الراجيك من المريخ.. ياخ قال ليك الهلالاب يشيلو ويقلبو مريخاب.. لو كنت معانا في شارع البلدية كان قلبت مريخابي.. يعني من صفراب لي وصيفاب.. البيت جمب الجامع.. محمد ةجعفر أعقل أقلب مريخابي.. بعدين مافي حاجة تاني إسمها هلالابي .. مريخابي أو بريرابي.. إنت عارف أنو البرير عاوز يسمي نادي الهلال ( فيتا)؟؟ إنت عارف أنا السنة دي جبت لي بطانية كبييييييرة أدسة تحتها في الحر دا.. الموسم كلو.. أقعد أعاين في البرير ( سباب الدين) وغارزيتو ( مفرق البنين) ديل.؟؟ ياخي كخ.

هههههههههه وكمان ما بعيد يعمل النادي مصنع صابون بدره ...يا محمد جعفر احسن تسمع كلام ناجي ده بتمرض ويجيك ضغط وانته يا حبوب غالي علينا...

خلاص شطبنا بلا سيدا بلا لمه نحن فى عهد تحقيق الانجازات وموعدنا يا سنجك وناجونى يا مرخابى مع الانجازات الجوية

إنجازات يا حمودي؟؟؟؟.. خليتني أتحسس علي شنبي.. إنت عارف أنا علي نذر.. أوعك من الشنب.. قال إنجازات.. يا حمودي مع البرير إنجازات نهي.

القادم احلى مع الشغيل

محمد جعفر فضل كتب:

القادم احلى مع الشغيل

ده اذا لعبنا ليك سيدا....هههههههههههههه

انا خايف يحدى نص الموسم يكون سيدا لاعب براه
هو انت عندك غير سيدا البافى كلو انسى بس

السنجك صاحبك محمد جعفر لسة عشمان.. برضو الأمل طيب.

ويبقي الامل يا صحبي...امل ساي...مسكين البداء يامل


سيدي بيه رااااااااااحت عليه.....

فجاءه كده اتزكرته الفنانه عافيه...راحت عليك ...ماراحت عليك...ما الدنيا كانت ضاحكه ليك.....طبعا قبل ما تشطب سيدا...

سيدى بيه بتاع شنو ؟؟؟ العندى انا يكفى كل افريقيا خلى الدلاقين
وبالمناسبة انا عندى امل كبير بس ما الامل عطبرة العامل ليك عقدة جوه استادك

لما يمشي البرير قريييب حنشوف حكاية الأمل دي.

البرير من الهلال الى المقابر بعد عمر طويل

نميري برضو قال كدا.. وطلع فشنك.. بعدين بيني بينك الشقي بقي.. والصبار عمرو أطول من التفاح.. الله قاادر.