حكومة منتدى الحصاحيصا

اذا افترضنا تكوين حكومة من اعضاء المنتدى وكان الريس جسن وراق ووزير الثقافة العشى ومفتى الجمهورية المغربى ووزيرة التربية بنت عمسيب ووزير العلاقات العامة جعفرون ومندوب السودان بالامم المتحدة المحبوب ووزير الخارجية صديق الرضى ومدير الشرطة ود عيسى وطبعا صداح فاروق سوف يكون تاجر عملة لان الريس عمة ووزير الطاقة ناجى افيدونا اذا افترضنا هذة هى الحكومة ماهى مشاريعكم للارتقاء بالسودان وانقاذة من ازماتة

والله يا عبد المنعم وزير خارجية الا كوني خارج البلاد غير كده ما شايف مناسبة وعلى رأي عادل عايز تودينا التونج زي ما بقولوا ؟ ....... عموما شكرا للثقة والموضوع يحتمل الكثير ويثير الغبار السوداني كتاحة يعني !!!!!!!!! تحياتي واشواقي يا جميل

شكرا يا عبد المنعم يا ود الراجل الطيب صديق صالح
انا بالواااااااضح داير ابقى معتمد للحصاحيصا

شنو يـ عمو يعنى تنسى ود اخووك.. انشاء الله اى وظيفه ؟

تسلم العزيز عبد المنعم والله تشكيل حكومة المنتدي ممتاز والاعزاء اعضاء

المنتدي لجان مساعدة في الحكومة وبصفتي وزبر للعلاقات العامة محمد

صلاح ود اخوك اعتبرو ( اتعين ) في الوزارة ...

وياعشي بصفتك عينت نفسك معتمد بالله عليك شوف لينا موضوع كبري

الحصاحيصا رفاعه والظلام الدامس انشاء الله يدفع كل عضو جنيه وااااااااحد

نجيب لينا كهرباء .. حرام والله العظيم الكبري يكون بالمنظر دااااا ؟؟؟؟

منشور

مهم وعاجل

كل اعضاء وبورداب منتدى الحصاحيصا الغير مزكورين . اجتماع عاجل .مناقشة الورقه الاولى به

كيفية تسقيط الحكومه واستبدالها بدماء شااااااااااااااااابه مع الاعتصام فى ميدان المولد فى

حالت عدم تنفيز متطلباتنا .

يا محمد صديق انت نسيت ان الجنوب اتفصل بي غاباتو؟
غابة السنط في الخرطوم وقطعوها
فضلت الغابة (الحلة شمال الكاملين) ودي ما فيها ولا شجرة
بعد دا تدخلو في اضافركم

انا من بكره ببدا في الزراعه كتر بس (في رايك بتاخد كم سنه تانى بدون اي مساعدات كيماويه)

شنو يا اخوانا قعدنو تختلفوا من هسع ؟؟
يقوم ينط فيها واحد ويحول باقى الحصاحيصا حيضان سمك لزوم استثمار وكده ويخلى خشمكم وخشم البلد ملح ,

مبروك عليكم الحكومة

ونحن فى المعارضة من قولت تيت وشوفوا حنجيب خبركم ونوصلكم الجنوب كمان

بيان رقم واحد..

بصفتي وزيراً للطاقة.. ولما خوله لي المرسوم الرئاسي رقم واحد لسنة 2013م.. أعلن الآتي نصه:

1ـ بذل كل ( الطاقات) في الوزارة لتعذيب وممرمطة ودمار المدعوة/ كوثر يوسف ( تيكو).. لمعارضتها ومهاجمتها الحكومة.
2 ـ مصادرة جميع ممتلكاتها المرتبطة بــ ( الطاقة ) من ( باسة وحليب وشواهي واللازمنو ).
3ـ ترقية الزميل العظيم عبد المنعم لاجتهاده في تشكيل هذه الحكومة ومنحه وسام ( عصير قصب السكر) (طاقة).
4ـ لملمت كل المعارضين وعصرهم بكل ما أوتينا من (طاقة).
5ـ فتح أكثر من (طاقة) بين رفقاء الحكومة المناضلين.

صدر تحت توقيعي في اليوم الــــ 6 من يناير 2013م.
ناجي جندي
وزير الطاقة
( ترضو وللا ما ترضو).. كيتاً ليك يا تيكو.. موش الحكومات بتسوي كدا.

بيان هام
فترقبوه
مارشات3 ايام
بعدها سنذيع عليكم البيان الهام

ترررا ترررا دش دش دش تررا تررا دش دش دش تا ترات تتا تررا ترتتا تررا.

خبر عاااجل!!!!!!!!!!

الخبر: إلقاء القبض على داؤود عيسى واعتقاله.

السبب: الأعمال بالنيات.
الدليل: كلامو دا فيهو ريحة.
النتيجة: إعتقاله لأجل غير مسمى.

خبر عاااجل!!!!!!!!!!

الخبر: إلقاء القبض على داؤود عيسى واعتقاله.

السبب: الأعمال بالنيات.
الدليل: كلامو دا فيهو ريحة.
النتيجة: إعتقاله لأجل غير مسمى.

تستنكر اللجنة العليا لمناصرة المناضل البطل ودعيسي مابدر من المدعو وزير الشباك من اعتقال البطل وتطالب بالافراج عنه فورا والا سوف نلجأ الي.................
وبعدين الجقلبه مااااااابتفع

اقول ليك حاجه يا محمد صديق خليهم ينفتنو فى بعض علشان نقدر على البقيه

ديل كتيرك تعمل ليهم المديده حرقتنى .