عوداً حميداً الخال ابو عركي البخيت

وانا في طريق عودتي من العمل الي البيت في زحمة شوارع الخرطوم في نهار (شمسو تغلي الحبه) و اتلفت محاوله الزوغان من الزحمه المجنونه اذا بنسمة في عز الهجير تنزل علي من بوستر ملصوق في حيطه امامي مفاده ان هنالك حفله للغالي (الخال) ابو عركي البخيت بمباني المسرح القومي بأمدرمان
اصابتني الدهشة والفرحه وتبصرت غير مصدقه هل يمكن ان يعود ابو عركي للغناء ويعود معه الزمن الجميل؟؟؟؟
صدقت عيناي وكذب ظني - فعلاً عاد ابو عركي وغني واطرب واعاد الناس لزمن منسي
مرحب بيك ياخال ياغالي وبنهديك الأغنيه الموقوفه تعالوا نغني:-
تعالو نغنى غنى الأيام الجاية كتير
ونفرح بيها سمــــا السودان
تعالو نلم ألوان الطيف الفى الخرطوم
أبناء شعبى والفى أم درمـان
تعالو نفكر أيه البحصل فى السودان
الجوع...المرض...الخوف...الشك...
عدم أطمئنان هــد الأنسان
تعالو نقعد نحسب خطواتنا
مما أخدنا الأستقلال احدى الآن
أتقدمنا ولاأتاخرنا..أتاخرنا ولاأتقدمنا
سؤال مطروح لكل فئة
من فئات الشعب بألف سؤال
دم أجدادنا بحرض فينا أمل حرية..
وبذكرنا عشان مانحافظ على وحدتنا الوطنية
بس مكتسباتهم بصراعاتنا
وبخلافاتنا دفناها وبقت منسية
حقو نشوف من وين بتجينا مشاكلنا..
ومنو البعطل حركة شعبنا بزندية
نجيبو نحاسبو وبديمقراطية
أنا شايف الجوع بيطل من وقت
لآخر وليهو بلدنا سهول
أطفال بتشردوفى الطرقات وبيأكلو
الذل ومنو المسوؤل
والحرب لعينة وممتدة وبتحصد فينا
وياللهول ياللهــــول
وبلدنا الغالية وأم الخير فيها
كمان ظهر البتــــــرول
أشياءنا بتتناقض وفى الواقع نحن كتير وكتير
بندور فى الحلقة الواحدة كما البلور
نكســـرها كيف الحلقة الواحدة نكسرها كيف
ونمدها جسر يوصلنا
والدنيا عجـــــــــــــــــول
ياحكامنا الدنيا عجول
ياساستنا الدنيا عجول
ياسادتنا الدنيا عجول
ياجنرلاتنا الدنيا عجول

رحمهG.T كتب:

ايمان إزيك
ابوعركى يعنى لى عمر بحاله ومحطة هامة من محطات الوطن ... كنت حضورا فى ذلك اليوم الذى كان بحق يوم تاريخى التقى فيه ابوعركى القامة بجمهوره المتحضر فكانت ليلة غاية الابداع تغنى بالاغنية اعلاه فكان الهتاف ( حرية حرية ) غنى فأطربنا حتى الثمالة فابوعركى فنان ( كامل الدسم ) له الامنيات

الغاليه رحمه------------------سلامات بقدر الاشواق
يابختك والله -منعتني ظروفي الصحيه من الحضور
ولكن ابو عركي كان حضوراً فينا رغم الغياب
وحبنا ليهو مازال يتاورنا رغم الدوامه الأخدتنا من زمن ابو عركي لي زمن المعايش والهموم
كنا طلبة مدارس وجامعات وكان ابو عركي متكأ وفكره وغنوه واحساس وقضيه
لك حبنا وجل احترامنا ايها الخال الغالي

بالسلامة انشاءالله .....
لكن الحفل يا ايمان كان استفتاء حقيقى لجمهور ابوعركى فالمسرح امتلاء لآخره وفاض والجميع كان يتغنى معه كلمة بكلمة ولحن بلحن حتى الاجيال الجديدة كانت موجودة بالحفل وغاية فى الانبهار والاستمتاع وعندما غنى اغنية ( المسؤولية ) التفتت اختى الطالبة الجامعية (ازاهر ) وقالت لى ( الفنان ده رهييييييييب كان وين من زمان )

انا بحكي ليكم يا مظاليم الهوي ابوعركي كان ولا زال فنان الصغوة والوطنيين والعادلين في الحق له كل الحب والاحترام والتقدير ولمعجبيه

رحمهG.T كتب:

بالسلامة انشاءالله .....
لكن الحفل يا ايمان كان استفتاء حقيقى لجمهور ابوعركى فالمسرح امتلاء لآخره وفاض والجميع كان يتغنى معه كلمة بكلمة ولحن بلحن حتى الاجيال الجديدة كانت موجودة بالحفل وغاية فى الانبهار والاستمتاع وعندما غنى اغنية ( المسؤولية ) التفتت اختى الطالبة الجامعية (ازاهر ) وقالت لى ( الفنان ده رهييييييييب كان وين من زمان )

يارحمه ده نظام حندكه ولا شنو؟
علي العموم الجايه مابتفوتنا ومعاكم معاكم

اسامة بندي كتب:

انا بحكي ليكم يا مظاليم الهوي ابوعركي كان ولا زال فنان الصغوة والوطنيين والعادلين في الحق له كل الحب والاحترام والتقدير ولمعجبيه

شكرا عالمرور يااسامه
وابو عركي كان ومازال وسيظل فينا ومننا ولينا

كوثر يوسف عبدالصادق كتب:

ومن معزتك انتى لى ؟؟؟ختيتى قلبك فوق ايديا ؟؟؟ وقلتى ليهو عزيز على ؟؟ عليك الله ياربىىىىىىىىىىىىىى

قمة الروعه ...قمة الاحساس .. بجد ابوعركى البخيت انسان لا يتكرر ابدا اطال الله عمره ...

ياتيكو يارائعه روعة الاغنية التي اخترتيها لردك
لك التحيه والاشواق

اضحكي ياالطول ضفايرا ملتقانا

ودعيسي كتب:

اضحكي ياالطول ضفايرا ملتقانا

هههههههههههههههههههههههههه-انت متأكد ده خالد؟