في دبابة .. مساويكك في دبابة .. أباريقـــك في دبابة .. ومشاويرك في دبابة .. تنوم و تحس في دبابة .. و عاد لي متين في دبابة ؟؟ تظل معزول عن الـــدنيا و مَقطِّع بينـــــك أسبابا .. ولا تاخـــــــد خبار أهلك ولا أخبارك في زول جابا .. رويــــــدك لا يغرنك نعيم الفيها و أطيابا .. حصاركــ كلما طـول موايدك جفت أكوابا .. نهارك و إنت ماك فلاح سموم و هجير وتَّــابة .. ومن النسمة التهب بالليل بقت عينيك هـــــوابة ..
في دبابة .. مصاقر حالك التبدي وتراعي عليهو جلابة .. تمارض وضع ينساقط فروع ضبلاني من غابة .. تعوِّر مركب التاريخ تعصلج دفتو وتابه .. صلاحو الطيبة ما هبت بلا حبّانا و أحبابا .. يا عايق الشعب يا غافل ضياء عمرك في دبابة .. بلاك يا سيدي الغافل عن الأيام و دولابها .. منو الفي الدنيا ما فاكر شوارع الثورة جيّابه .. منوا الفي الدنيا ما فاكر دروب الثورة جيّابه .. شنو البتش شمس باكر تظاهر ناسا و إضرابا .. و مجرد فرض يا قاصر و إرادة الشعب غلاّبة .. إذا سديت دروب الأرض وإنطامنت علي أبوابها .. فكيف تضمن سماء الخرطوم سماها الماها كضابة ؟؟
.. . قصيدة / في دبابة الراحل المقيم / محم الحسن سالم حميد .. له الرحمة والمغفرة .. .. .
abdelgadir ahmed
موضوع: رد: في دبابة !! الأربعاء 20 فبراير 2013 - 18:19
زول خطير يفاجئك بالمستقبل انظر الى هذا التجريد
فى احدى الجزائر و العيش مو ضنين صياد عن شمال وصياد عن يمين فى ذات قرصنه نشنو كما يقول 00نحو طائر غرقان فى غنا هم ما شايفين بعض ...يضمرون شرا للطائر وبقية المشهد الدرامى000حميد عظيم
موضوع: في دبابة !! 
الثلاثاء 19 فبراير 2013 - 6:52
