أغلي 3 صور التقطها في حياتي (توجد الصور )

هذه اللقطات الثلاث من اغلي الصور التي التقطها في مناسبة عقد قران كريمة الاخ الفريق مهندس الدكتور عماد عدوي في مسجد قوات الشعب المسلحة في الخرطوم شرق وكان السيد رئيس الجمهورية وكيل العروس واثناء تصويري لهذه المشاهد تعرضت للنشل مبلع تجاوز 600 الف جنيه كل ما املك وانا علي بعد خطوات من رئيس الجمهورية المحاط بحراسة مشددة وفي مسجد قوات الشعب المسلحة وكنت قد فقدت هذه اللقطات التي وجدتها الآن..
اكرر تهاني الحارة لسغادة الفريق عماد عدوي الذي يبدو مع الرئيس وكيل العروسة

[img]

أغلي 3 صور التقطها في حياتي (توجد الصور ) 33115828

[/img]
[img] أغلي 3 صور التقطها في حياتي (توجد الصور ) 90692276

[/img]
[img] أغلي 3 صور التقطها في حياتي (توجد الصور ) 84316786

[/img]

يعني بجوار المشير البشير و فقدتا قروشك..!! إنشاء الله تجاور النبي.. قول آمين..

أكيد فلوسك دي مافي حد نشلها بل طاحت من جيبك ووجدها أحد الحاضرين ولم يعرف لمن هذه الفلوس وقام تبرع بها في مشروع خيري وإن شاء الله في ميزان حسناتك

(إِنَّ خَيْرَ مَنِ اسْتَأْجَرْتَ الْقَوِيُّ الْأَمِين)

ياوراق يظهر عليك الزهايمر قايم عليك الايام دى وبالله عليك خلى الخرف البتعمل فيهو ده وشوف فلوسك نسيتا وين .
والله اقول ليك شوف شيخنا المحبوب ينموم ليك الخيرة .

تمشي للعقرب في جحره
يا لسؤ حظ السارق ؟
فقد كان السارق يمني نفسه بوليمه حكوميه انقاذيه دولاريه من اصحاب الجلاليب البيض وبالبخار مكويه الجيوبهم بالبنكوت.والصكوك سمينه ومنسيه ساكنين قصور المنشيه وفسحهم في بكين وكوالالمبور
يا لسؤه وقع في معارض تعبان قمة متعته جلسه في ماربلس الوهميه

الجاتك فى مالك سامحتك ربنا يعوض ياابوعلى

احمد الله .... الناس الجنب البشير قعد يفقدو ارواحهم قول الحمدلله - المره دي براءة تاني كان شفت البشير اجري ساي مامعروف البحصل شنو ؟

انت ياوراق الوداك للدبايب ديل شنو ، واصلك ماسمعت كلام ترتورة عشان كدة جاتك تاره .
نسأل الله ان يعوضك ليها فى الدنيا وفى الاخرة ويجعلها لك صدقة جارية فى ميزان حسناتك .

الرشيد حبيب الله التوم كتب:: يعني بجوار المشير البشير و فقدتا قروشك..!! إنشاء الله تجاور النبي.. قول آمين..

يا بو الشوش !
مجاورة النبي عائزة تاشيرة وكفيل و (محرم ) وتذاكر وحجز و عييييك
اما الجماعة ديل مجاورتهم (اجارك الله) دايرة صبر وتزكية مجلس اربعيني.
واحد صاحبنا قال لي البوديك جنب البشير دا شنو انت ناسي انو نشل الحكم من الصادق المهدي ما ينشل ستميتك دي ؟

طرفه كتب:: تمشي للعقرب في جحره
يا لسؤ حظ السارق ؟
فقد كان السارق يمني نفسه بوليمه حكوميه انقاذيه دولاريه من اصحاب الجلاليب البيض وبالبخار مكويه الجيوبهم بالبنكوت.والصكوك سمينه ومنسيه ساكنين قصور المنشيه وفسحهم في بكين وكوالالمبور
يا لسؤه وقع في معارض تعبان قمة متعته جلسه في ماربلس الوهميه

حليل ابوي داك يا طرفة
انت من زمن ماربلز؟
ماربلز داتو نشلوه وبقي سكن فاخر

عبدالمنعم ترتورة كتب:: أكيد فلوسك دي مافي حد نشلها بل طاحت من جيبك ووجدها أحد الحاضرين ولم يعرف لمن هذه الفلوس وقام تبرع بها في مشروع خيري وإن شاء الله في ميزان حسناتك

(إِنَّ خَيْرَ مَنِ اسْتَأْجَرْتَ الْقَوِيُّ الْأَمِين)

الفيك اتعرفت يا بو التر
بدل تضوقنا ديناراتكم تعوض لينا مافاتنا تقعد تقول لي (طاحت) ما طاشت

جعفر محمد على الشايقى كتب:: الجاتك فى مالك سامحتك ربنا يعوض ياابوعلى

يا جعفرون ربنا ما بيعوض من ايدو ل ايدك
كن وسيطا يا بنقر

محمد الامين محمد الامين كتب:: انت ياوراق الوداك للدبايب ديل شنو ، واصلك ماسمعت كلام ترتورة عشان كدة جاتك تاره .
نسأل الله ان يعوضك ليها فى الدنيا وفى الاخرة ويجعلها لك صدقة جارية فى ميزان حسناتك .

صدفة جارية ممكن لكن اوع من ميزان حسناتك
دا ميزان الجماعة زاتهم يشيل منك يكب في جيوبهم

امجدالشيخ كتب:: احمد الله .... الناس الجنب البشير قعد يفقدو ارواحهم قول الحمدلله - المره دي براءة تاني كان شفت البشير اجري ساي مامعروف البحصل شنو ؟

يا امجد الواحد يحمد ربو ما ركبوه التونسية

الاخ ورقه / اخوانا ديل ما بيشيلوا كاش فى جيوبهم الوحيد الشايل الفكه فى جيبك عشان كده ادوها للمأذون ولو قلت اتنشلت هناك فى حل من اتنين ، اما سكتوك بحتة محافظه او وزاره او ؟؟؟؟؟؟؟؟؟؟ .

اركز ساكت ماها دى عمايلك ... لكن وين لقطة احمد البلال الطيب الشايل فيها جزمو جوة الجامع ؟؟؟؟؟؟؟؟؟؟

ياورقة ما تشوف صندوق "معونات" الضحايا دا !!

الحارس مالنا ودمنا جيشنا جيش الهناءالكان جنبك مين يا ورقة

انتصار بطران كتب:: الحارس مالنا ودمنا جيشنا جيش الهناءالكان جنبك مين يا ورقة

\\\
\

حاميها,,الكان جنبي يا انتصار مالك دايرا تجيبي لينا الهبائب و الدبائب

حسن على حسن كتب:: اركز ساكت ماها دى عمايلك ... لكن وين لقطة احمد البلال الطيب الشايل فيها جزمو جوة الجامع ؟؟؟؟؟؟؟؟؟؟

ما يستحق جزمتو اغلي منو عشان كدا كان حريص عليها

المحبوب أحمد الأمين كتب:: ياورقة ما تشوف صندوق "معونات" الضحايا دا !!

يا حبو ياخوي من كترن المصائب الواحد نسي (انهي مصيبة ) لكن دي ما بتنسي

adil seedahmed كتب:: الاخ ورقه / اخوانا ديل ما بيشيلوا كاش فى جيوبهم الوحيد الشايل الفكه فى جيبك عشان كده ادوها للمأذون ولو قلت اتنشلت هناك فى حل من اتنين ، اما سكتوك بحتة محافظه او وزاره او ؟؟؟؟؟؟؟؟؟؟ .

بيني وبينك ،،انا خائف من او الاخيرة دي

» البحر حلم حياتي الآتي
» الخريف جاء سعادة المعتمد الجديد (توجد صور )
» صدق او لاتصدق هذه الصور لمياه الشرب في الامتداد امس - شاهد الصور
» اسماء في حياتي
» إمرأة أستثنائية غيرت مجري حياتي (صورة فقط)