غايتو الماعندو "كبير" يشوف ليهو "هاشم حاج مصطفى" لقطات / طبعاً في صور

فالرجل فعلاً كبير وفي كل شي
ونحمد الله كثيراً على سلامته
وقد عاد هاشم البتعرفوهو
جلس هاشم وعبد الرحمن المهدي
وزي الفترة طالت
قلنا ليهو يا هاشم قوم أخد ليك غمدة شوية
"نظام تعسيلة"
وقبل ما يرد ....
شب ليهو عبد الرحمن المهدي :
"أي يا هاشم إنت ما خلاص كبرت"
وقبال ما يتمها هاشم قال ليهو :
"خلاص قوم إنت ألبس كدارتك أمش أتمرن"

مجموعة من الموسيقيين تحتفي بالأخ خالد حاج مصطفى
الثلاثاء الخامس من مارس 2013م
"النادي السوداني" أبوظبي
ويظهر على يساره "عماد غناوة / الطالباب"

أبو الدرش وخالد
يابلدي يا حبوب
والساعة إتناشر ونص
والنضم "معتق"
والحكي إلا نسجلو ليكم في شريط

جات سيرة الأراضي
والضيق الحاصل
والبلد البقت بدون إمتدادات
قلت ليهو يا هاشم :
"دحين الناحية الشمالية مش ممكن تكون إمتداد"
قال لي "ياخي دي مافيها المقابر"
وزاد "والمقابر ذاتا تاني القبر إلا يحفرو ويقوفو الزول علي حيلو"

استاذ المحبوب شنو الخيانات دي ونحن دائما معكم وما قاعدين نشوف تصوير ونفوت منكم نشوف الصور تزل في المنتدي
حمد لله علي سلامة المبدع هاشم حاج مصطفي

مبروك عليكم يا عمك

يابوعمر حبابك واليوم السعيد الليلة جابك
كمال وينك ياخي
الصور دي أمبارح وأول أمبارح
وإنت ما جائي "الويك اند" دا ؟؟
على فكرة حلقـة بدر الدين معادة
"قالوا ما كانت قانونية"
وطعنوا فيـها وكسبوا الطعن
واللجنة الادارية حا تحدد زمن الحلقـة
اللجنة الادارية أنا رئيسها وسكرتيرها وأمين مالـها

يا المحبوب كتر خيرك على تلفونك الذى
أتاح لى التحدث و الإطمئنان على الكبير
هاشم كبير ، والدردشه مع أبو الدرش
الجميل ، والفنان خالد وشخصكم الأصيل.
يا سلام على حميمية ودفء ناس الحصاحيصا
عند التواصل والالتقاء ، ربنا يرجع الكبير
هاشم سالماً، ويرد غربة كافة الاعزاء
للبلد.
وتحياتى وأشواق لك ولهم ، قول لابو الدرش
البركة فى الشوفة من خلال الصور الجميلة
لسه مازالت شباب أما أنا فلقد أشتعل الرأس
شيباً ، و هدت الغربة آمالى .

الف حمدا لله على السلامة وانشاء الله كفارة يمين [i]

» الما عنده كبير يشتري ليهو كبير
» عمليه هاشم كبير غدا ان شاء الله
» السقوط في براثن الحبيب الغالي ..... جرأة فتاة سودانية (( فيديو ))
» هاشم كبير يجري عملية قلب عاجلة (ادعوا له بالصحة)
» وسط دعوات الجميع عملية الكوتش هاشم كبير تُكلل بالنجاح