السقوط في براثن الحبيب الغالي ..... جرأة فتاة سودانية (( فيديو ))

المحبوب صباح الخير
يعني ما ننوم ونجي نلقاك جايب لينا شي غريب
دي بتمثل ستات الشاي والشماسة ومالقت ليها والي المها
واقفه وسط الرجال وبتتبجح ماتمشي تشوف ليها عريس وتريح نفسه من الشمس دي

يا بكري دي بنت من الزمن القادم ،،
بنات بحملن أرواحن في الأكف ،،
فلا خوف عليهن ولا هم يحزنزن ،،
إنت يا بكري بتقدر تمش تقيف في نص البلد وتقول جنس كلاما دا ؟؟
كلامك عن إنـها ست شاي لا يسي للموصوف بقدر ما يسي للواصف ،،
يعني ما عيب ولا هجنقلة ولا سبة ،،

يامحبوب الزمن القديم ياتو البتقصده
بعدين انا ماقلت ست شاي لكنها بتناضل من اجل ستات الشاي الشغالات احسن من اي زول
وبعدين تعال هنا اي واحد اقيف وسط السوق واكورك تعملوه بطل
امكن مجنونه اسي
يعني لو حمدان بتاع البقر الفي الحصاحيصا والهندي الله ارحمهم كان حضرو الزمن دا كان عملتو منهم ابطال

انت بتقرا بالناكوسي ؟؟
الزمن القادم
مجنون يقول جنس كلاما دا ؟؟
هو الجن في السودان بقى عاقل ولا شنو ؟؟
رد علي مهلتك ما تتسرع لأنو الكلمة البتفكـها ما بتنقبض ليك تاني ،،

رغم أعتراضي على وقفتها وسط الرجال ورفع يدها ............ إلا ان السودان به ديمقراطية لانه هذه البنت واقفه في وسط الناس وممكن تكون في سوق او موقف مواصلات .......... ولم يعترضها احد ....

يعني نحن في قلب الزمن القادم ...........................

الاخ ابو رائد انا رأيي المتواضع انه عندما تحفظ الحدود والعرف الجميل بتاعتنا كشعب سوداني لا مانع من ابداء الرأي باي يطريقة لا تخدش الحياء ولا ترفع الحدود
وياريت بلاش النظرة الضيقة الذكورية التناسلية السلفيه دي يعني اللي هماك في الموضوع ده كلو بس انها بنت؟
طيب لو كان راجل كان حيكون ريك شنو؟
لا خوف ع وطنا الحبيب و فيه امثال هؤلاء

قال الحبيب صلي الله عليه وسلم اخر مايدركه الناس من كلام النبوه ,,ان لم تستحي فاصنع ماشئت .الحياء.الحياء يابنننننننننننننننننت
ابوعبيده الجعلي ابها السعوديه

ابوالشيماء محمد كتب:

قال الحبيب صلي الله عليه وسلم اخر مايدركه الناس من كلام النبوه ,,ان لم تستحي فاصنع ماشئت .الحياء.الحياء يابنننننننننننننننننت
ابوعبيده الجعلي ابها السعوديه

عجبا والله لماذا تكنى نفسك باسم انثى ؟(الحياء الحياء ياابو الشيماء).
هذه الفتاة من صلب شعب عظيم فعلت ما عجز عنه الكثير من شباب جيلها الذى تمكن منه الخوف وانزوى داخل البيوت ورضى بالزل والمخدر الذى يدفن فيه رجولته والتحية لحواء الزمن القادم لبنى احمد حسين ودكتورة ناهد وهذه الحميراء ولمريم ورباح المهدى والله لن نخشى على الوطن يا امهات الغد

يا اخ ابوعبيده
الكلام البتقول فيهو هذه الفتاة صحيح ولا ما صحيح ؟؟
بعدين الحياء دا المقصود بيهو شنو ؟؟
تفتكر المظلوم بنتظر لمن نحلل ليهو الكلام عشان يتأوه ؟؟

يابدر
حلال عليا
حرام على البنات من كل جنس

نعم الحرية انثى ياتى بها الفحول قوة واقتدارا ولكن نحن منذ 20 عاما اصبحنا فى زمن الصور المقلوبة فحول تنام مل جفونها نهارا والحرائر يكدحن يناضلن لتوفير متطلبات الاسر من طعام وشرب وكراس وكساء اغتيلت الرجولة بفعل فاعل من تجنيد والزامية وطرد من الخدمة والوظيفة من اجل التمكين وتحسر الاباء على الابناء وتقبلوا خروج حرائرهم مكرهين للعمل وتحمل مسؤلية الاسر واستمرأ الشباب الواقع وعجزوا عن الانتفاض واستعدال الصورة وكان الناتج عدم مبالاة وازهان مرتهنة وعقول خاملة فالنضال عندهم اضحوكة على من خرجن ضد الحال المائل والوطن الذى يضيع فالتحية لهن مرة اخرى ونسأل الله الهداية للذين يفتون فى ما يجهلون ولا يسألون انفسهم حتى لماذا تصرخ هذه الحرة التى لا تهاب الجبروت وتفعل ما عجز عنه اخوانها الرجال

الاح المحبوب سلامات ،،،،،
والله عندي مشكله في الصوت لم اسمع ص وت او كلاام الاخت تمنيت ان اسمع لكن من خلال كلام الاخوه استشفيت !!!!!!!
اولا هل في نظركم عشان بنت ماتقول اي كلام حتي الحقيقه ؟
وعشان بنت وقالت الحقيقه بقيتوعا مجنونه صيب مانعالجها ؟
ولو مظلومه منو البيرفع عنها الظلم ؟
تاكدو لزم بيكون في سبب دفعها الي ذلك الرجاء من الاخوه اجاد الحل وليس الافتاء !!!!!!!
افدوها ،،،،،،،،
والأسائة مرفوضه الي أي عنصر ،،،،،

ود الحااج كتب:

الاخ ابو رائد انا رأيي المتواضع انه عندما تحفظ الحدود والعرف الجميل بتاعتنا كشعب سوداني لا مانع من ابداء الرأي باي يطريقة لا تخدش الحياء ولا ترفع الحدود
وياريت بلاش النظرة الضيقة الذكورية التناسلية السلفيه دي يعني اللي هماك في الموضوع ده كلو بس انها بنت؟
طيب لو كان راجل كان حيكون ريك شنو؟
لا خوف ع وطنا الحبيب و فيه امثال هؤلاء

الأخ ود الحاج ...........
أعتراضي كان مبرر على حته معينة إلا أني قلت توجد حرية ولم يعترض طريقها احد ولا أعتقد كلامي كان فيه أي شئ من الغرابة

انا عندي مداخلة بسيطة في الموضوع
اولا انا من مؤايدي توحيد الرائ بالنسبة للبنت والولد
انا ماضدها في طرح اوسرد رائها اذا كانت من المناصرين او المعارضين
لكن توجد طرق اخري كثيرة جدا لتوصيل رائها للمجتمع
وخطاء كبير جدا جدا انها تقيف وقفة ذي دي وسط جمع من الرجال وتتصرف تصرف رجولي
بهذة الطريقة ممكن تقيف وقفة ذي دي وسط جمع من النساء اذا كانت في جامعة نسائة او اتحاد مراة
وصوتها حيكون لية تاثير ايضا ورائها حيصل عن طريق المراة لانها ليها دور في المجتمع
اما الطريقة الطرحة بيها رايها خطاء ياجماعة خصوصا واننا بلد مسلمة وسودانية بالتحديد
وارجع واقول انا رائ ماتقليل من مكانت المراة بل عكس اعطيتة مكانته وحبيت اعكس انها
كائن رقيق حساس يجب انو يبدئ احترامة لنفسة عشان يحترم من قبل المجتمع
وارجع واقول اذا كان المشهد دا من رجل ماكان حيكون في موضوع اساسا نتناقش فيه
لانو حايكون عمل غير مشئن وطبيعي جدا جدا لكن بنت وتتصرف بالطريقة دي خطاء

يا بنت بندي صباحك فل وبنفسج ،،
والله كلامك ،،
لطيف ،،
ومقعد ،،
وهادي ،،
وظريف ،،
وبشبهك ،،
وما بشبهك ،،
بشبهك كونك بتطرحي رايك ،،
بطريقة غاية في التهذيب ،،
وقمة في الزوق ،،
عشان كِدا جاء كلامك بالشكل الرايق دا ،،
ولا يؤثر فيما نقول ،،
كوننا على خلاف فيما تقولين ،،
فكما كنت صادقة في طرحك ،،
بشأن البنية المقنعة بالطرحة ،،
فإننا لن نبخل في ان نصدقك القول ،،
وبنقول ليك الكلام دا ما بشبهك ،،
كونك واحدة من بنات حواء السودانية الولود ،،
بنات حواء اللائي يشكلن نصف قوام هذا المجتمع ،،
فزمن الموؤدة ولى وراح ،،
فإن صادرنا حقها في الكلام والتعبير والخطابة ،،
وأقمناها في الحجور منتظرا لي خطابا ،،
بكون نصنا في البيوت متعطلات وعطابا ،،
فإن إشتد بالناس الظلم ،،
وحاقت بوسائل التعبير الرقابة ،،
فلا أرى ما يعيب مخاطبة الناس في الهواء عندما إشتد بهم الطلق وزادت الأوجاع ،،
ودونك نساء السودان ،،
اللائي سكبن عرق النضال ضد الجهل والفقر والمرض ،،
ضد القهر والإستبداد والبطش ،،
سكبن العرق على قدم المساواة مع الرجل الحجل بالرِجل ،،
فماذا يعيب تلك الفتاة إن وقفت وقالت في وجه الظالم لا ؟؟
ولا يفوت عليك جمع الرجال الكرماء الذين وقفت تخاطبـهم ،،
فأكرموا وفادتـها وأعطوا وقفـتها حظـها من التبجيل وحسن الاستماع ،،
كلمة في العقول تمور ،،
وكنب في الكتوف محمول ،،
فما أكرمـها إمرأة ،،
وما أنبلهم رجال ،،
فجميعهم لا خوف عليهم ولا هم يحزنون ،،
مع كامل شكري لك أختي الفاضلة إيمان ...

[quote="ايمان بندي"]انا عندي مداخلة بسيطة في الموضوع
اولا انا من مؤايدي توحيد الرائ بالنسبة للبنت والولد
انا ماضدها في طرح اوسرد رائها اذا كانت من المناصرين او المعارضين
لكن توجد طرق اخري كثيرة جدا لتوصيل رائها للمجتمع
وخطاء كبير جدا جدا انها تقيف وقفة ذي دي وسط جمع من الرجال وتتصرف تصرف رجولي
بهذة الطريقة ممكن تقيف وقفة ذي دي وسط جمع من النساء اذا كانت في جامعة نسائة او اتحاد مراة
وصوتها حيكون لية تاثير ايضا ورائها حيصل عن طريق المراة لانها ليها دور في المجتمع
اما الطريقة الطرحة بيها رايها خطاء ياجماعة خصوصا واننا بلد مسلمة وسودانية بالتحديد
وارجع واقول انا رائ ماتقليل من مكانت المراة بل عكس اعطيتة مكانته وحبيت اعكس انها
كائن رقيق حساس يجب انو يبدئ احترامة لنفسة عشان يحترم من قبل المجتمع
وارجع واقول اذا كان المشهد دا من رجل ماكان حيكون في موضوع اساسا نتناقش فيه
لانو حايكون عمل غير مشئن وطبيعي جدا جدا لكن بنت وتتصرف بالطريقة دي خطاء

يا بنت بندي ( إنصر دينك ) لو ما قلتي كدا ما كنتي تكوني بنت بندي

خلاص ورطت دكتور معتصم وخليتو في أمراً ضيق ؟؟
داير تورط بتنا ايمان في أن تقف ضد صوت المرأة المصوب ضد ظلم الرجل والمرأة ؟؟

هذه امراة قالت وبعلو صوتها لاللظلم لا للدونيه لاللدرجه الثانيه لالعصر الحريم ولالالاللانقاذ

فاين تقلها خلف الكواليس التى تتم فيها سرقة رزق الغلابه بواسطة اخريات ؟

فى سولجان الموتمر الوطنى الذى يعج بالنساء وسط الرجال وهن يتحدثن كذبا ورياء ؟
واذا كان التحدث امام الرجال ووسط الاسواق والجامعات والطرقات سبه وقلة حياء فماذا يسمى مشاركة المراءة فى القتل والتشريد والنهب وتزييف الحقائق
واغتيال الحرية؟ وماخفى اعظم واعظم وللاسف هذا حصاد الانقاذ

سؤال ياترى لو كانت البت دى مشت فتشت عريس ذى ماقال ابوعثمان والوقفه دى كان يوم زواجها وبفستان وترقص وسط هذا الجمع
كان حتكون رايك ايه يابت بندى؟

صباح ورد
والفتاة لم تتوقف عن الكلام النجيض حتى لمن واجهها العسكري

[quote="أبو رائد"]

ايمان بندي كتب:

انا عندي مداخلة بسيطة في الموضوع
اولا انا من مؤايدي توحيد الرائ بالنسبة للبنت والولد
انا ماضدها في طرح اوسرد رائها اذا كانت من المناصرين او المعارضين
لكن توجد طرق اخري كثيرة جدا لتوصيل رائها للمجتمع
وخطاء كبير جدا جدا انها تقيف وقفة ذي دي وسط جمع من الرجال وتتصرف تصرف رجولي
بهذة الطريقة ممكن تقيف وقفة ذي دي وسط جمع من النساء اذا كانت في جامعة نسائة او اتحاد مراة
وصوتها حيكون لية تاثير ايضا ورائها حيصل عن طريق المراة لانها ليها دور في المجتمع
اما الطريقة الطرحة بيها رايها خطاء ياجماعة خصوصا واننا بلد مسلمة وسودانية بالتحديد
وارجع واقول انا رائ ماتقليل من مكانت المراة بل عكس اعطيتة مكانته وحبيت اعكس انها
كائن رقيق حساس يجب انو يبدئ احترامة لنفسة عشان يحترم من قبل المجتمع
وارجع واقول اذا كان المشهد دا من رجل ماكان حيكون في موضوع اساسا نتناقش فيه
لانو حايكون عمل غير مشئن وطبيعي جدا جدا لكن بنت وتتصرف بالطريقة دي خطاء

يا بنت بندي ( إنصر دينك ) لو ما قلتي كدا ما كنتي تكوني بنت بندي

ابو رائد كتر خيرك يااخوي

المحبوب أحمد الأمين كتب:

خلاص ورطت دكتور معتصم وخليتو في أمراً ضيق ؟؟
داير تورط بتنا ايمان في أن تقف ضد صوت المرأة المصوب ضد ظلم الرجل والمرأة ؟؟

استاذنا المحبوب يديك العافية
اولا ذي مازكرتا في مداخلتي السابقة انا ماضد صوت المراة
وانا ضد الظلم بمختلف انواعة اذا كان للمراة او الرجل
وماتنسو ياجماعة انا من بنات حواء وبنات السودان
انا اعترضتا عن طريقة توضيح الراي والالقاء
يمكن صوت المراة يصل بطرق اخرى كثيرة
يعني راي خارج نطاق السياسة والتعصب

فايزه السيد كتب:

هذه امراة قالت وبعلو صوتها لاللظلم لا للدونيه لاللدرجه الثانيه لالعصر الحريم ولالالاللانقاذ

فاين تقلها خلف الكواليس التى تتم فيها سرقة رزق الغلابه بواسطة اخريات ؟

فى سولجان الموتمر الوطنى الذى يعج بالنساء وسط الرجال وهن يتحدثن كذبا ورياء ؟
واذا كان التحدث امام الرجال ووسط الاسواق والجامعات والطرقات سبه وقلة حياء فماذا يسمى مشاركة المراءة فى القتل والتشريد والنهب وتزييف الحقائق
واغتيال الحرية؟ وماخفى اعظم واعظم وللاسف هذا حصاد الانقاذ

سؤال ياترى لو كانت البت دى مشت فتشت عريس ذى ماقال ابوعثمان والوقفه دى كان يوم زواجها وبفستان وترقص وسط هذا الجمع
كان حتكون رايك ايه يابت بندى؟

اول حاجة ازيك ياغالية
طبعا كلامك علي العين والراس
وانا صراحة لا افقه شي عن السياسة
وانا يااهلنا مامعطردة في توصيل صوت المراة ورايها
لانها هي عضو مهم جدا جدا في المجتمع
انا راي في طريقة التعبير والخطابه
والاجابة لسؤالك الاول اذا مشت فتشت عريس
سؤالك هنا في صلب الموضوع يعني لو مشت وفتشت هي
من غير مايجيها العريس معززة ومكرمة في بيت ابوها
يبقى نفس راي لانها تكون فقدة الحياة والخجل البتتصف به المراة
اما سؤالك التاني اذا كانت عروس ولابسه فستان الزفاف وبترقص وسط جمع من الرجال
حيكون راي انها عروس محتفى بها من حقها انها تعبر عن فرحتها في ليلة عمرها ولكن
مايمنع انو التعبير يكون في حدود الادب والحياة خصوصا وانو دي عاداتنا وتقاليدنا
اما اذا كان التعبير خارج عن نطاق المنطق وعدم الحياة والاستحاء حيكون نفس راي
انها عروس جرئة حتي لو كانت عروس يعني يااهلنا اي شي يفوت المنطق والطبيعي
وجة النظر حتكون فيه غير ولولا اختلاف الاراء لما بارت السلع ودا راي الشخصي
وارجع واقول خارج نطاق السياسه لاني حقيقة لاافقه في السياسه