القمة بيضاء والحسرة زرقاء

ديل يا العمده فرحانين جنس فرح بالتعادل مع اسيادهم
لكن صدقنى ياكج عمرهم ما طويل فى البطولة الافريقية

ايوة هجوم المريخ كان بحالة ضعيفة جدا وبالجد زعلنا شديد من لاعبينا بس الحضري يستاهل يرجع يطائرة رئاسية

لانو ابدع بالجد مع هجوم الهلال الطاشي شبكة والمتحمسين جدا للاقوان وطيروها بروعنتم وخفتهم الزائدة عن حدها ههههه

والله يا إيمان لخصتي الحاصل كلو في سطرين.. عفارم عليك..بعدين المريخاب كملو كلامهم كلو قبل المباراة..متعودين بعد المباراة ما عندهم خشم.. سكتو جت عليهم.. السكاتين نحنا.. والله يالحضري تستأهل تعمل فيهم أي حاجةوبرضو يتحملوك.. خاتنك للمباريات الزي دي.. جدع والله.. الخلعة لي أسة ما مرقت.. قوم يا السنجك.. غنتهت درون تصدق؟؟.

كان دا حال المريخ..كريييين عليك.. بطل أفريقيا الفيهو اتعرفت. ماشين تلعبوا الأبطال وين؟؟.. في العشش؟؟..أها كسروها.

انت عارف ي ناجي الحضري بالجد ابدع وبستاهل كل خير ....بس لعيبتنا تشكيلتم ما كنا المنتظرنها وبالذات جلوس

كلتشي وبلة جابر علي دكة البدلاء والامر كلو برجع للكوكي هو الخرب التشكيلة.....

ونحنا ما بنتكلم قبل المباراة لانو لسانا ما قصير عشان نسكت.....



ونحن بين الناس صفوة نعشق النجمة ونهوي

لعب المريخ اسواء مباراه في كره القدم....خطوط متباعده لعب خاطئ وكانه ليس هنالك مدرب ولا يحزنون ....كل الفريق امس غياب عدا باسكال والحضري...اذا كان هذا هو المستوي فلن يتقدم المريخ شبرا في المحلي والافريقي...

ليس هذا المريخ الذي نريده...اصحي يا كوكي قبل فوات الاوان...

لااااااااااااااااااااااا للكوكي

المباراة كان دون الوسط و الطموحات
والمريخ فلت من الهزيمة والهلال اضاع انتطار علي المريح الذي كان لاعبيه بعيدين عن اجواء المباراة وانهم لايستحقون النقطة التي خرجوا بها

والله أجمل حاجة ....الجماعة ديل يا محمد جعفر .....كلهم راقدين قش.....
واعترافهم بافضلية ابو الهل...واعتراف من السنجك وكمال الجمل والزبون المريخي
الجديد {ايمان} آمنت بي تراوري ومجموعته....والقادم أحلي.....

سلاااااااام للجميع
حقيقة يا معتصم وكمال وايمان المريخ كان مفاجاة للجميع اداء باهت وصورة مهزوزة
فقط الحضري كان حضورا رائع
غير الحضري لم يكن فى احد من لاعبين المريخ
طيب دا عن المريخ
الهلال الحاصل عليه شنو ؟؟؟ لو كان احسن من المريخ طيب وين الاهداف ؟؟؟ الجميع يعرف ان الكورة اهداف وان البذل والعطا ما باكلوا عيش
عشان كده محصلة الفريقين نقطة لكل فريق اما الاداء دا حكاية تانى

اشك في ان في الامر سر كبير وباتع......امكن تكون مفبركه لتنام الخرطوم هادئه...
ليس كباقي مباريات المريخ والهلال...تري هل شعرتم ؟؟ هناك شئ يحدث بعيدا بعيدا...الامر غريب ومريب..

يا السنجك غريب شنو؟ ومريب شنو ؟
زي ما قال ليك ناجي السنة دي. كر عليكم٠٠٠٠
وزي ما قال المنصوري كسبت نقطة ٠٠٠وربحنا تراوري٠٠٠٠
 

حقيقة المريخ لم يكن فى يومه وايضا الهلال لم يحالفه التوفيق
وكان يمكن ان ينزل هزيمة تاريخيا بالمريخ لو استغل لاعبى الهلال
تلك الفرص
وفعلا مبروك للمريخ النقطة وهاردلك للاسياد
والصدارة مازالت زرقاء

حقيقة كانت دهشتى كبيره بحال المريخ فى شنو والحاصل شنو ؟؟؟؟
ما معروف ... المهم قدام الفريق مباراة افريقيا كبيره لو دى طريقة المريخ
ولو ما عندكم وفد مقدمة الرماد كال حماد