حى العمـــدة تشكو قلة الأمــــان

بالنسبة للحـــرامية المسلحيــن الحايمين فى حلتنا ليهم فترة ..

الشباب عملو دوريات.. ماااااا نفع،،
إدارة الطوارئ جارتنا رفعت يدها وقالت : نحن حرس منشآت ماعندنا علاقة بالحرامية،،

أهــا الحــل شنووو؟؟

الحل يا سحر.. نعمل بوليس قطاع خاص.. أو نخصخص البوليس.. أو نخس نحن ونموت ونرتاح..الحل مافي حل.

الحل يا سحر.. نرحل.. وردي زمااان قال: قلت أرحل أسوق خطواتي من زولاً نسى الإلفة.. البلد كلها بقى ما فيها أمان.. أعملوا حسابكم ما تخلوا البيت فاضي.. وكبروا الساطور.

عبيد الحاج كتب:

الحل يا سحر.. نعمل بوليس قطاع خاص.. أو نخصخص البوليس.. أو نخس نحن ونموت ونرتاح..الحل مافي حل.

نخصخص البوليس دى فكرة سديدة بس حيبقى الشعار (الشرطة فى خدمة ناس فلان وعلان) والبقية ليها الله

ناجي جندي كتب:

الحل يا سحر.. نرحل.. وردي زمااان قال: قلت أرحل أسوق خطواتي من زولاً نسى الإلفة.. البلد كلها بقى ما فيها أمان.. أعملوا حسابكم ما تخلوا البيت فاضي.. وكبروا الساطور.

نرحل !!! خلاص شوف لينا بيت جنبكم

والشي البحير انو الحرامى بجى يدفر الباب عدييييل ويلاوى اسيادو.. يعنى موضوع(ما تخلو البيت فاضى) دة كان زماااان ايام الحرامية كانو خوافين وعينهم ما قوية

والله حي.. نخصص.. ونفكها لمة.

الرشيد حبيب الله التوم كتب:

غريبة.. حرامية البيوت مسلحين بالسلاح و حرامية الحكومة مسلحين بحماية يوفرها لهم النظام (الحرامي)..!! و الغلابة و المساكين مسلحين بلا شئ سوى دعوات أن يفك الله كربهم من سطوة كل (اللصوص)..؟

اللهم آميـــــن
الله المستعـــان

امس كنت بايته فى حى العمده سمع اضانى صفافير الحراميه الليل كلو ( و بعدين فى نغمه معينه ) قربت افتح الباب و اقول ليهم يا جماعه اختشو

المساْلة شنو باعوضة وفيران ودوابى دى كانت مراحل مرت ... كمان جابت ليها حرامية .. وصفوا ليهم بيت المعتمد وابوقوته يمشى يزور كمان هناك ...

شفتى عينهم قوية كيف يا رزان وآخر هجوم ليهم فى بيت ضابط شرطة !!!




حسن وراق الظاهر ما جو بـ شارعكم لسة!!




حسن على المراحل الذكرتها دى ما زالت !


.

في امريكا اكتشفو جهاز بيقبض الحرامية براه
في امريكا السرقة قلت بنسبة 90%
في السعودية قلت بنسبة 80%
في مصر قلت بنسبة 50%






في السودان الجهاز اتسرق