بس عاوز اوري ناس الحكومة ديل عجائب جيلنا

داير اوري ناس الحكومه ديل إنو جيلنا ده صبور…
صبور…
يعني مهما عملتو فيهو ماحيزهج منكم…
جيلنا ده كان بيستنا كابتن ماجد ست حلقات شايت
الكوره من بره خط 18 وحلقه كامله بسام جاري
عليهو…
جيل كان بيقعد لي رامي الصياد الصغير…سبعه
حلقات عشان يصتاد السمكه الذهبيه !
جيل اصلو مابزهج…
جيل كان بحضر بن بن شهرين وهو من بلد لي
بلد مع عم شنبو بفتش في أمو…
وتقول لي بنزهج !!
اتعودنا علي سوبر ماريو وكل مرحله اصعب من التانيه
وفي النهايه بنصل التنين ونلقي اميره…قلت ليكم
اصلا مابنزهج !
من ولدونا توم وجيري بتساككو…ولحدي اسي ماهم
زهجو ولا نحنا زهجنا…شفت كيف !
نحن جيل يقعد فيهو رئيس الجمهوريه 30 سنه
عااااااادي… ونحنا قاعدين !
عشان كده أنا بقول للحكومه نحنا هينين…
لكن اقسم بالله جاييكم جيل !
ناس ابطال الديجيتال والبوكيمونات…
ديل في الحلقه الواحده بنتصرو في سبع معارك… الله
قال بي قولكم !

بن بن اصدق مثال
بس جيل اليوم مدرب عسكريا من جوة البيوت وبي اعلى وسائل التكنولوجيا
Play Station

الله يستر علي البلد من الجيل الجديد دا غايتو