أرحموا عقولنا يا هؤلاء

arkblue]]الخبر الاكيد قالوا أمروابة اترشت
غاشيها الغمام ، من الغبينة اتفشت
دخلوها العيال والوالى فز وشتت
والرايقة أم خدود الليلة تب ما انغشت
شافت شوف عيان كيف الرجالة اتمشت
بين وديانها مو كضب الروادى الطشت
****

عارفك يا (العوير) ما زول كتالا حرة
معلوم بالرقيص وفى النضمى زولا عرة
معروف زول نكاح ما زول شهامة وصرة
يا طابق الحريم الضرة فوق الضرة ،،،
قوم من حضنهن لاقى الرجال لى برة
والدوشكى اب هزيز راجيك تعصر الذرة
نحنا جرادقو يا ساتر على ناس برة
****
الليلة العيال دخلوكى يا أمرووابة
دخلوك بالكلاش والدوشكى والدبابة
باسمين الثقور خابرين سماها – ترابا
ما فيهم عميل لا عوقة لا كبكابة
***
اولاد البلد صادقين وصافين نية
لا بينهم حرامى ولا بيعرفوا أزية
حامين للغبش لا مال ولا زرية[/size]

كتب الأستاذ ضياء الدين بلال في صحيفة السوداني اليوم ما يلي :
..... ساذج من يعتقد أن بإمكان القوات المسلحة توفير غطاء حمائي لكل المدن والمناطق السكانية في عموم كردفان وكل دارفور!
التعليق : معذرة أنا ساذج[color=red]

المتمردين قطعوا مئآت الكيلومترات دون ان يراهم احد لا عسكري لا مدني ؟ شئ لا يصدق ؟ وبعد ما عملوا الدايرنوا رجعوا من حيث اتوا وبعد يوم كامل الحكومة قالت دحرتهم ؟؟؟