يعلم الله يا أبوبكر زدتـها سماحة فوق سماحتا العليـها "فيديو"

المساح/ابو داوؤد

يا غصن الرياض المايد
يا الناحِلني هجرك وانت ناضر وزايد
جافينى ليك أنا رايد

يا غصن الريد المايد
ما اظن عن غرامك لو اموت لا احايد
سهران ليلى طايل و العينين صحت ما جايد
تعبان قصدى ليمك انت ناضر و زايد
جافيتنى ليك انا رايد

فى الجيل يا الجمالك سائد
عينيك ليك جنود وانت ليهن قائد
يا النافر جفيتنى بنظره ... لى ماك عايد
شوفتك زى هلال العيد وفيه اعايد

انا وحبك ترعرعنا ونشانا ندايد
من زمنا قبيل ايام قلال وعدايد
ما خلص القديم وتبين مصايب وجدايد
حن يا حبيب كفاى مر العذاب وشدايد

يا خُلاصة الحواري المن جِنان وخوالد
حُسنك ليك يدوم، لا أم تلِد لا والد
رافل في ظلال مجد التليد التالد
يا لابس العفاف حلي وعقود وقلايد

عانيت فى ليالى هواك صنوف واحايد
مشكلة بين هواى وجفاك وانت محايد
بس ما ذنبى غير صوت النشيد ونشايد
فى مدحك بنيت قصر الرشيد الشايد

.. الأغنية وُلدت و ترعرت في ود مدني قبل إنتقالها للخرطوم
و لحنها الشبلي

اسمح لي يا سلطان الطرب بعمل التصحيح التالي
العينين صحت (ما هجايد) تصريف الهجود
(صُغت) النشيد و نشايد

وكان المساح قد سبق ود القرشي في إقحام (عصر الرشيد و قصره) عميقا في تصاوير شعر الغناء
العاطفي السوداني

(على أحمداني) المعروف بعلي المساح، وهو ايضا خال الفنان/محمد سلام (قام يتعزز الليمون)، كان قد صاغ شعرا مرسلا من الفم
وهو اعزل من سلاح القلم و فك الخط:

- نغيم فاهك يا ام زين دواي
- طول يا ليل على الباسل
- بالله يا نُسيم الصبا
- زمانك و الهوى اعوانك
- الشاغلين فؤادي
- ظبي الخدر الماشاف غِفار .. منو العسجد عار الصفار
- إنت بدر السماء في صفاك

.. حسنك ليك يدوم .. لا ام تلد لا والد ! او كما قال محجوب الشريف من بعد:
اجمل اطفال السودان لم يُولد بعد .. )).

http://www.sudaneseonline.com/cgi-bin/sdb/2bb.cgi?seq=msg&board=394&msg=1272676213

» دا جنسو شنو ..وساكن وين ..واسمو منو .. لا حول الله لا حول الله ((فيديو فزيع وختير ))
» الله أكبر لا إاله إلا الله ولله الحمد "فيديو عيد"
» يعلم الله لفحتهن ليكم الليلة دي "ولو ما عزيزين عليّ ما بجاسف ليكم جنس المجاسفات دي".
» الله لا جاب الحرمان يا عبد الرب آآخوي "فيديو"
» عليكم الله الجاريين وراء هنو و راجي ديل منو "فيديو الهدفين"