البلابل بعد رجعنالك: البيسأل ما بيتوه ....دارنا نحنا قريبة ليك انت ما مجبور علينا انحنا مجبورين عليك

رجعن البلابل كاملات العدد،نفس الصوت أما الصورة فقد أناخ عليها الدهر من تجاعيده،تمايلنا معهم ولا غرو في ذلك فنحن شعب يوصف بالحنين للقديم،فهل ياتري نستدعي نوستالجيا القديم،أم نتعاطف مع تجربة أول فريق غنائي سوداني،البلابل عدن وفيهن بقايا من أنا فهل تقبل أنا هادية طلسم القسمة علي ثلاث بدون باقي.

جابنا ليك الريد وجينا ...

الحصل جابنتا الفه ..

صداح يا جميل

مساءك ورد ...يا حنين ..

الأخ/ صداح
صدقني لم نتمايل حنينا للقديم ..
بل لأن غناء البلابل يجبرك علي التمايل والطرب ..
صدقني تماما إن الساحة الغنائية شبه خاليه..
فخير لنا أن تمايل مع البلابل ..
من أن نتمايل مع (حلاتو راجل المرة) ..

وكل رمضان وانت و الأسرة طيبين سالمين .

الاخ صداح
الاخوة المتداخلين
انه ذلك الفن الاصيل والتجربة المتميزة اليتيمة لم نري سابقاً لها ولم تعقبها تجربة
لذلك كان لها مذاقها الخاص واصبحت محبزة في كل الاوقات
(تحلية الفن السوداني)

نحن بنسال وما حنتوه............ لكين وين قطار الشوق يا صداح.......... الانجذاب الى الماضى هو تاكيد لخوا هذا الحاضر الذى نعيش فيه بعدان افرغته قوى الجهل من كل جميل ....

يا احلى صداح
تحيانى
الجميع يجد نفسه فى العودة الى القديم
عشان كده احنا بحب البلابل
والله ما كدا

صداح يا صديق..
تمايل البلابل و أكدن أن الأرواح لا تشيخ و إن شاخت أشكالهن لحدٍ ما و أكدن أن الأغنيه و النسائيه بشكل خاص بدأت تسترد ما فقدته خلال السنوات الأخيره.. فليتمايلن طرباً و لنتمايل سعداً بعودة زمن جميل كنا نظن أنه رحل عنا من غير ميعاد..
و دمت