رمضان زمان في الحصاحيصا

رمضان كريم تصومواا وتفطروا علي خير!!
رمضان في الحصاحيصا القديمة ذكراه لا تنسي ونحن ضغار كنا ننتظر بفارغ الصبر قدوم الشهر وتحري رؤية الهلال وعند ثبوت الرؤية يخرج الجميع مهللين ومكبرين يدقون الدفوف والنوبات وعند السحور كان ابوعوس اشهر مسحراتي في الحصاحيصا يجوب بنوبته كل الاحياء والتي كانت الحي الاوسط والشرقي وكريمة بالاضافة الي الحلة الجديدة وقد حزن الجميع عندما دهسه القطار ليلا .

في ذلك الزمن كان رمضان ياتي في حر شديد وما كانت في كهرباء وثلاجات وخلافه الا ان الثلج كان ياتي من مدني والخرطوم وكان يتم بيعه في صناديق صغيرة صنعت من النشارة المضغوطة وكانت له رائحة مميزة هي رائحة النشارة المخلوطة ببرودة الثلج .

التحضير للافطار يبدأ منذ صلاة الظهر وذلك ( شد)البليلة ع النار (وبل) الحلومر وكنا نهتم كثيرا بترتيب مكان الفطور في الشارع بنظافته وتحديده بالطوب وفرش البروش وتحضير الاباريك للوضوء وكانت معظم صواني الافطار تتكون من البليلة والتي فوقها البلح وصحن العصيدة او الفتة وسلطة من الروب وكانت العصائر والشربات تقدم في كواري طلس باغطية ومكتوب عليها رمضان كريم وكانت في الاساس عصير ليمون وحلو مر وابريه ونشاء حارة بقمرالدين وبعض من الياميش او الخشاف من التين والزبيب . وعقب الافطار وبعد الصلاة كانت اماكن الافطار تعج بالمتسامرين لاوقات طويلة باعتبارها المتنفس الوحيد وعند الليالي المقمرة تنشط المنافسة والالعاب مثل شليل والرمة والحراس وحرامية وعساكر وعند انتهاء اللعب نكون قد بلغ بنا التعب حده وبعد ذلك نستسلم للنوم بدون عشاء بعد ان نكون قد اكتفينا بفطور رمضان علي امل ان نقفل علي ما يتبقي من السحور .
في آخر جمعة لرمضان يتبدل الحال وتعرف بالجمعة اليتيمة ويتم فيه توسعة في المأكل وتذبح فيها الذبائح صدقة للمتوفيين وتعرف ب (( الرحمتات )) وفي اثناء ذلك اليوم يتجمع الصبية في مجموعات ويدخلون البيوت مرددين بصوت واحد(( الحارة ما مرقت وست الدوكة ما بركت )) وكانت معظم الاسر تقوم بذبح العتان وتقدم الفتة بالكمونية واللحم للصبية بينما يحتفظ بهبر اللحم للصائمين .
من المظاهر التي لا تنسي يوم الزفة في الجمعة اليتيمة والتي كانت تجوب شوارع الحصاحيصا تتقدمه مزيقة المجلس وكانت المحطة الرئيسية للزفة منزل عثمان فضل السيد والذي يقدم للجميع المشروب البارد وبعض الطعام .
قي الايام الاخيرة يكون هم الجميع كسوة الاطفال وتجهيز الخبيز فتكون الشوارع مزحومة بصواني الخبيز والزحمة علي الترزية وكذلك شركة باتا التي تبيع الاحذية وكذلك القهاوي واماكن بيع الفواكه ولعب الاطفال واستعدادا للعيد يبدأ تجهيز بعض الفسحات ميدان المولد والفسحة التي قام عليها سوق الاقمشة وعلي امتداد خور عبد الكريم علي موسي وذلك لالعاب العيد والتي تتكون من لبس تكسب والملوص والثلاث ورقات والمراجيح وعجلات الايجار والعاب المقامرة بالنرد ( الظهر ) ولعب الاطفال وكان في الغالب ان تقوم سينما بحري الجزيرة بالحصاحيصا بتقديم افلام وحفلات طيلة ايام العيد . وكانت العيدية اهم من العيد نفسه واعياد هذا الزمن اختفت منها العيدية التي اصبحت جباية تاخذها المحليات نيابة عن الاطفال.
وكل عام وانتم بخير

يا ابوعلى (ياربى) ضياء عدوى وبدر ابونورة حاضرين معاك زمن الكوره المكتوب عليها رمضان كريم

حسن يا وراق
رمضان زمان كان ممتع جداً
الغريبة كلامك ده زكرنى اجدادى عبد الحفيظ وعبد السلام عائد
لانه كان بيحكو القصة دى طوالى
انت يا حسن قاصد ياتو رمضان
تحياتى

قاصد رمضان زائد

حسن وراق حسن كتب:: قاصد رمضان زائد

اوع تكون اضايقتا ؟؟؟؟؟
رمضان كريم !!!!!!!!!!!!!

رمضان زائد الله يرحمه ويحسن اليه لكن ياحسن وراق كلامك دا بعيد تب

يا اخوانا هو قاصد يقول سمع بي القصص دي وحب يشركم معاو طولو بالكم على الراجل شويه

ولا شنو يا ابو علي
تخريمه : (بس تعرف انا بقرى في قصتك دي وكل حرف اقراه كيله تراب ده كلام قديم قدمه)

حسن وراق.. لك التحيه.. و رمضان كريم علي الجميع..

تطرقت لأزمان جميله، نحن أو جيلي أنا واكب جزء من الثُلث الأخير منها في الحصاحيصا و طبعاً لا نتعشم في عودة ما فات لأنه حتي و في الحاضر، كل شئ جميل يلوح بالوداع!!؟؟

[center]شكرن راشد .. سركيس .. صلاح .. والاستاذ الرشيد!!
والله يا جماعة الزمن دا ما بعيد ولو ختيتو الرحمن في عقولكم والواحد بلع ليهو نص حبة زهايمر بتذكر اكثر من كدا وبرضو تقول لي قال ليك قال يا صلاح الجاكّّ!!

والله يا حسن خايفاك بكرة تجيب لينا العصير في كور رمضان كريم لو الفكرة عجبتك انا متبرعة بي 3 " دي قاصدة بيها كور جمع كورة ما اقوان"

الاستاذ/ حسن وراق رمضان كريم
والله رجعتنا للزمن الجميل وطبعا رمضان زمان كما زكرته بهذه التفاصيل نحن نذكره جيدا ان لم تكن كل التفاصل نذكر جلها واذكر اننا نستعد قبل كم يوم من بداية رمضان بعمل بيت رمضان من الطوب الاحمر ونقوم بتنظيف البيت جيدا ونتفقد البروش ومدي صلاحيتها وبمجرد اعلان يوم الصيام تبدأ الفرحة لنا وكل رمضان فرحة لنا يعني فرحة بالمكولات الشهية في رمضان وفرحة بالعصائر وفرحة بما تبقي من السحور( الرقاق باللبن) وطبعا نذكر جيدا كور العصائر التي مكتوب عليها رمضان كريم ومرسوم عليها النجوم والهلال بس الذي لانتذكره المرحوم ابوعوس والزفة من منزل المرحوم عثمان فضل السيد وكان المرحوم عبدالغني هو من يوم بدق النوبة في وقت السحور بالحلة الجديدة == ونرجع لفرحة رمضان وهي تمتد الي بعد الفطور حيث نتجمع اولاد الحي ونلعب وكلما نمل لعبة نبدأ لعبة اخري ويستمر اللعب حتي منتصف الليل وبعد ذلك الذهاب للنوم ونستيقظ باكرا لمجازفة ماتبقي من السحور وفي الايام الاخير يبدأ عمل الخبائز ونحن فرحين بنقل صواني الخبيز والذهاب بها الي فرن المرحوم عبدالحفيظ عايد جد وليد العشي وايضا نكون فرحين بالذهاب للسوق مساء لشراء ملابس العيد وهنا ننتظر بفارق الصبر اعلان نهاية رمضان حتي يتثني لنا لبس الملابس الجديدة ويوم العيد الصباح وانت لابس الملابس الجديدة يخيل لك كل مايمر بالقرب منك هو ينظر لملابس وبعد الصلاة مباشرة ندخل بيوت الحي بيتا بيت ونملي جيوبنا بالخبيز والحلاوة ونطلب العيدية من اي شخص تعرفه بدون استيحاء وبعد الفطور تكون وجهتنا الي السوق لاستئجار العجلات والذهاب بها الي الجملونات ( وانا ماعرف ليه الجملونات) واصعب لحظات تمر عليك يوم العيد مساءا وانت تتحسر علي انتهاء شهر رمضان ومفارقة العصائر
وتصوم وتفطر علي خير اخي حسن

كمال الجمل كتب:: الاستاذ/ حسن وراق رمضان كريم
والله رجعتنا للزمن الجميل وطبعا رمضان زمان كما زكرته بهذه التفاصيل نحن نذكره جيدا ان لم تكن كل التفاصل نذكر جلها واذكر اننا نستعد قبل كم يوم من بداية رمضان بعمل بيت رمضان من الطوب الاحمر ونقوم بتنظيف البيت جيدا ونتفقد البروش ومدي صلاحيتها وبمجرد اعلان يوم الصيام تبدأ الفرحة لنا وكل رمضان فرحة لنا يعني فرحة بالمكولات الشهية في رمضان وفرحة بالعصائر وفرحة بما تبقي من السحور( الرقاق باللبن) وطبعا نذكر جيدا كور العصائر التي مكتوب عليها رمضان كريم ومرسوم عليها النجوم والهلال بس الذي لانتذكره المرحوم ابوعوس والزفة من منزل المرحوم عثمان فضل السيد وكان المرحوم عبدالغني هو من يوم بدق النوبة في وقت السحور بالحلة الجديدة == ونرجع لفرحة رمضان وهي تمتد الي بعد الفطور حيث نتجمع اولاد الحي ونلعب وكلما نمل لعبة نبدأ لعبة اخري ويستمر اللعب حتي منتصف الليل وبعد ذلك الذهاب للنوم ونستيقظ باكرا لمجازفة ماتبقي من السحور وفي الايام الاخير يبدأ عمل الخبائز ونحن فرحين بنقل صواني الخبيز والذهاب بها الي فرن المرحوم عبدالحفيظ عايد جد وليد العشي وايضا نكون فرحين بالذهاب للسوق مساء لشراء ملابس العيد وهنا ننتظر بفارق الصبر اعلان نهاية رمضان حتي يتثني لنا لبس الملابس الجديدة ويوم العيد الصباح وانت لابس الملابس الجديدة يخيل لك كل مايمر بالقرب منك هو ينظر لملابس وبعد الصلاة مباشرة ندخل بيوت الحي بيتا بيت ونملي جيوبنا بالخبيز والحلاوة ونطلب العيدية من اي شخص تعرفه بدون استيحاء وبعد الفطور تكون وجهتنا الي السوق لاستئجار العجلات والذهاب بها الي الجملونات ( وانا ماعرف ليه الجملونات) واصعب لحظات تمر عليك يوم العيد مساءا وانت تتحسر علي انتهاء شهر رمضان ومفارقة العصائر
وتصوم وتفطر علي خير اخي حسن

كومر معتتتتتتتتق !!!!!!!!!!!!
تصوم وتفطر على خير .....

شكرا حسن على هذا السفر الممتع ... وشكرا كمال على هذه الاضافه الرائعه ..
والله نحن الكبر ما بناباهو لكن ذى ماقال على سركيس ده كلام بعيد بالحيل .. وانت ياحسن باين عليك طولت بالحيل ,,.!!!

والله يا ابو علي انت قديم خلاص (الله يديك الصحه وطولت العمر )ورمضان كريم

الجملونات يا كمال حسن
عشان كانت فيها بيوت الراحات المليانة شجر
واولادها كان بيجوا المدرسة وكل واحد فى شنطته سندوش بتاع بيض
ولم يسلم هذا السندوتش من ايدى العابثين
ربما تكون انت واحد منهم
تحياتى واشواقى

يا حسن الوقت داك تورو كان عمرو كم

وليد العشي كتب:: الجملونات يا كمال حسن
عشان كانت فيها بيوت الراحات المليانة شجر
واولادها كان بيجوا المدرسة وكل واحد فى شنطته سندوش بتاع بيض
ولم يسلم هذا السندوتش من ايدى العابثين
ربما تكون انت واحد منهم
تحياتى واشواقى

والله ايام يا زمان ....وما تنسى يا وليد الكلاب الريفية ’’الخواجة مندليوس ,,التمر هندي ,,نادي الموظفين ,, ميدان التنس و المراجيح
والناس القيافة ....

» هدية رمضان لاول مرة بالسودان باليه بحيرة البجع في الحصاحيصا دوت كوم (شتهدوا ابداع مبالغة للرقص التعبيري وتوجد تفاصيل القصة )
» رموز لها ... انجاز.. رجال من زمان .الحصاحيصا..
» كان يا ماكان زمان في الحصاحيصا .... ( بوست مفتوح لمشاركة الجميع )
» يا حليل زمان وايام زمان
» الحصاحيصا مدينة منتهية الصلاحية (مسابقة رمضان )