المحبوب أحمد الأمين
 |  موضوع: هووووي يا ناس مشروع الجزيرة.. موية مافي ...وقدر العندنا شربتا نجايل بيت "قوش" باقي فكو.. مافي عطش كتلو زول "صورة"  الخميس 11 يوليو 2013 - 8:18 | |
|
يعني خليتو زراعتكم خلاص ؟؟
وقعدتو تلهلهو "دايرين موية دايرين موية" ؟!؟
أبو "مي" اللفرطق وظير الزواعة ذاتو
نجيبا ليكم من وين ؟؟
كرهتونا
"حواشاتنا ما شربت"
"بـهائمنا عندها أبو الشهيق"
أسي الدنيا "رمظان" في داعي تدخلونا في "خشم" وزة ؟؟
أسمعو "هنا" نحن ما بنتراجع
ولا بنتملص من تنفيذ تقرير لجنة "تاج السر"
وعارفين اللجنة كونـها النائب الأول "مش أبو ساطور"
لكن كمان عندنا أولويات
أخوكم في الله "قوش" أمبارح طلع
طلع من "معتقلاتو" الفي بيوتو "ديك"
وكان لابدّ للدولة أن تستعد لمثل هذا الحدث العظيم
ويا أرض أحفظي ما عليك
الراجل طلع صاغ سليم من "بيوتو" ليي "بيتو"
ما زي دكتور علي فضل عليه رحمة الله
طلع من "بيوتو" وما مشى "بيتو"
مدوخاهو "المراريا" العذبتو لمن طلعت روحو
ولمن ما قدرو يمشوهو مشى في رعاية الله
مشى بيوت أحمد شرفي وحمد النيل والبكري
لكن الحمد لله قوش ما جاتو "المراريا" البتعذب
وكمان بعرف الطريق فرجع بيتو بعربية "الإجهاز" المكندشة
المهم كان لابدّ من الاستعداد
وبعد إنقضاء الإحتفالات والترتيبات والموازنات
حا نرجع تاني للزراعة "أم دق"
وحا نعمل على تسوية أوضاع المشروع بالأرض
حا نرقد الموية على قفاها
ونوقف المزارع علي قنقرة ضنبو
حا تمتلي الأسواق بالعنكوليب والموليتة
وحا ترتفع مؤشرات الصادرات "غير البترولية"
وتنتعش وزارة المالية الاتحادية
وتزداد أموال التجنيب التحتانية
المنتوجاط الزراعية حا ترقد على قفا من يشيل الفاتحة
الشطة القبانيت وبامية أم بق بق وبصل القاورمة
والفواكه "لو حبيتو"
كان بنضورا كان جوافة كان يوسفني
وما تحلفوا تقولو ما بنزرع القطن
يعني حا تزرعو "قش" ؟؟
ما برضو لازم "يترش"
بس ننتهي من موضوع قوش
نجيـهلو ماكينات النجايل "للحش"
ونوافير مياه "الرش"
ويوم طلع من "الإعتقال" الوِِحِش
ضبحنا تلاتة تيران وناقة صالح ومعاهن نعجة وكبش
وأكرمنا "المهنئين" الما غُبُش
أها لو فضلت لينا حبة "مرقة" في الطش
فتأكدوا زراعتكم راح تنتعش
نفرة خضراء لزراعة التِبِش
ونـهضة زراعية قمح ودرا وقطن "قدر دا" متنفش
مش كِدا وبس فـ"بش بش"
حلف طلاق يحاسب السرقو العفش
ويرجع "مال" المشروع "القتو" إتلطش
ويرجع تاني زي أول ويحرق تش
إنتو قايلين كلامن دا غِش ؟؟
التش
تش
الزينبية
حلاوة لبن
يا سلام
عليكن الله أختونووووووووووووووووووو
| |
|
