هل ستمسح الاجيال القادمة كلمة قبلية من القاموس؟

مصطفى طالب في كلية الهندسة، وكان معجب بوفاء اللي كانت معاه في نفس الكلية ، ولأنه زول دغري وعايز يخش البيت من بابه، قرر انه ماحيفاتحها في الموضوع الا لما يكون قادر انه يرتبط بيها رسمي،وفعلاً مرت السنين وصاحبنا اتخرج من الجامعة وكان بس مستني متين يتوظف عشان يقدر يطلب وفاء من ابوها، وحصل المراد ولقى وظيفة كويسة براتب كبير وعربية وكل شي ماشي تمام....... حدد موعد مع ابوها ومشى قابله وطلب منه ايد بنته..........عارفين الرد كان شنو؟؟!!!! الرد كان :لأ....طيب عارفين السبب شنووو؟!!!! أنه الولد شايقي والاب مصر انه ماحيزوج بنته الا لجعلي!!!!!!!!!!!!!!!!
لو فكرت معاي في انه الراجل ده رفض مصطفى ليه؟!!!! ماممكن تقول لي لانه الولد مامن نفس قبيلتهم وبس!!!!
لأ ! اكيد ابوها شايف انو الجعلي احسن من الشايقي مطلقاً ، او اول ما قال ليه انو شايقي جات طوااااااااالي فكرة في راسه خاتيها عن القبيلة من خلال تعامله مع زول او اتنين من القبيلة ، ونسى انه اللي جاي يخطب بنته مصطفى ،ما القبيلة كللللللللللللللللللللللللللللللللللللللللها!
ودي الحاجة اللي بقت طبيعة فينا وبقينا بس بنحكم على الناس من اسم القبيلة اللي بينتموا ليها........فبقيت تلقائياً لو زول قال ليك انه رباطابي حتفكر طوالي انه سخيف ومحرج ،ولو قال ليك انه شايقي يبقى طوااالي يكون غتيت ولو قال ليك انه جعلي معناها احمق وبينفعل بسرعة وغيره وغيره وغيره من الصفات اللي ربطناها في راسنا بقبيلة معينه وأغلبها صفات ماعندها علاقة بالواقع....... وده كوم وموضوع التفاخر ده كوم تاني .... الواحد يتكلم معاك ولما تغلط معاه يقولك هاااي انا جعلي الكلام ده مابمشي معاي، والتاني يقول ليك الدناقله اسياد البلد والتالت يقول ليك والله البديرية ديل احسن ناس .....إلخ........ وكل واحد يستعرض ليك بجنسه ويكون شايف انهم اسياد البلد وانهم احسن ناس على الاطلاق وما بفكر في الزول القدامه بتعامله او التزامه او حسن اخلاقه............. طبعاً في ناس كتار في اللحظة دي حاسين انهم ما من الفئة دي من الناس بس اسألك سؤال :حصل مره صاحبت زول وكنت معجب بأخلاقه وتصرفاته ولما قال ليك انه من القبيلة الفلانية جاتك صدمه!!!!؟؟؟؟ حصل مره اهلك في البيت سألوك صحبك فلان ده اهله من وين ورديت عليهم فقالو ليك مستواك نزل او كمان بقيت تصاحب ناس كده او غيرها من العبارات الجارحة وانت سكت وما رديت؟؟؟؟!!!!! وغيرها كتير من المواقف اللي بتطلع العصبية القبلية من جواك!!!!!!!!!
واحلى مشهد طبعاً لماتكون في شكله، طبعاً كل زول بيطبق قاعدة " انا وأخوي على ابن عمي وانا وابن عمي على الغريب" وهاااتك ياعنصرية وهاااااااتك يا تخلف!
والمشكلة مامشكلة السودان بس ، مشكلة الوطن العربي كله ، ابتداءً من ناس قريش والعصر الجاهلي وحتى الأن، واحنا بكل وفاء للأصول عايزين نرجع الصفات دي تاني!!! فالسعودي شايف انه احسن من المصري والسوداني شايف نفسه احسن من الصومالي والعراقي شايف نفسه احسن من اللبناني وكل ناس شايفين روحهم في الtop .................................................
بالجد ما لاقي وصف للجوطه الفوق دي احسن من وصف بيها الرسول صلى الله عليه وسلم لما قال انها نتااااااااااااااااااااااااااااااااااااااااااااااااااااااااااااااااااااااااااااااااااااااااااااااااانه
في احدى الغزوات تشاجر احد المهاجرين مع احد الانصار، فصرخ المهاجر ياللمهاجرين! وصرخ الانصاري ياللأنصار! وتشابكوا ، فعندما علم الرسول صلى الله عليه وسلم غضب غضباً شديداَ و قال" أبدعوى الجاهلية وانا بين أظهركم؟! دعوها فإنها منتنه"
فالناس كلهم ابناء ادم ومافي شي يفضلك عن غيرك لا أنت ولا قبيلتك الا بالتقوى!
فياليت نخلي نظرتنا الدونية للناس! واحساسنا انو احنا احسن من غيرنا ! لأنو ده في النهاية ماعنده غير مسمى واحد بس " تكبببببببببببببببببببببببببببر!"
ومامعنى الكلام ده انو ماتحب قبيلتك او ماتحب وطنك! ........................... مره واحد من الصحابة سأل الرسول صلى الله عليه وسلم :أمن العصبية ان يحب الرجل قومه؟
فجاوب عليه الرسول : (لا ولكن العصبية أن ينصر الرجل قومه على الظلم ) او كما قال عليه السلام
يلا !! وخلونا نبقى جيل حضاري وما سطحي واهم شي اسلاااااامي! واذا كانت الاجيال الفاتت متمسكة بالعصبية ، فإحنا حنكون غيرهم! واحسن بإذن الله!
××× ربما تنظر لشخص وتقول في نفسك : انا خير منه! ويكون عند الله خير من الف شخص مثلك!×

احلى شى في مجتمع الحصاحيصا وبميزها عن غيرها من المدن انو التفاخر والتباهى بالاحياء وليس بالقبائل ناس الحله الجديدة بفتخرو بحلتهم وبنادى الشبيبه وناس الكمبو يفتخرو بعلاقتهم الاجتماعية القويه وكزالك المزاد واركويت دا البخلى الواحد يشوفا احلى مدينة

صدقت